இனவெறிப் படுகொலையை நிகழ்த்திய இலங்கை மீது விசாரணை கோரி டெல்லியில் வைகோ ஆர்ப்பாட்டம்

டெல்லி: இனவெறி படுகொலையை இலங்கையில் அரங்கேற்றய அந்த நாட்டு அரசு மீது போர்க்குற்ற விசாரணை நடத்த வேண்டும், இலங்கைக்கு ஆதரவு தரும் போக்கை அனைத்து நாடுகளும் கைவிட வேண்டும் என்று வலியுறுத்தி டெல்லியில் நாடாளுமன்றம் அருகே மதிமுக பொதுச் செயலாளர் வைகோ தலைமையில் இன்று ஆர்ப்பாட்டம் நடைபெற்றது.

வைகோ தலைமையில் நடந்த இந்த ஆர்ப்பாட்டத்தில் பாஜக மூத்த தலைவர் யஷ்வந்த் சின்ஹா, ராம்விலாஸ் பாஸ்வான் உள்ளிட்ட அகில இந்தியத் தலைவர்களும் கலந்து கொண்டனர். ஆயிரக்கணக்கான மதிமுகவினரும் பெரும் திரளாக பங்கேற்றனர்.

மத்திய அரசு, அனைத்து நாடுகள் மன்றத்தில் சிங்கள அரசுக்கு தரும் ஆதரவு போக்கை நிறுத்திக் கொள்ள வேண்டும். சிங்கள அரசின் இனக்கொலை குற்றத்தை விசாரணைக்கு உட்படுத்த குரல் கொடுத்திட வேண்டும் என்று ஆர்ப்பாட்டத்தின் போது கோஷமிடப்பட்டது.

English summary

Vaiko led a protest against Sri Lanka in Delhi today. BJP leader Yashwant Sinha, Ram Vilas Paswan and other leaders, thousands of MDMK cadres attended the protest.