பங்குச் சந்தை சரிவால் முதலீட்டாளர்களுக்கு 3 நாட்களில் ரூ. 2.5 லட்சம் கோடி நஷ்டம்

மும்பை: தொடர் பங்குச் சந்தை சரிவு காரணமாக 3 நாட்களில் மட்டும் இந்திய முதலீட்டாளர்களுக்கு ரூ. 2.5 லட்சம் கோடி அளவுக்கு நஷ்டம் ஏற்பட்டுள்ளது. மிகப் பெரிய நிறுவனங்கள்தான் இதில் பெரும் நஷ்டத்தை சந்தித்துள்ளன.

பங்குச் சந்தை சரிவு காரணமாக மும்பை பங்குச் சந்தையில் பட்டியலிடப்பட்ட 30 நிறுவனங்களுக்கு நேற்று மட்டும் ரூ. 1,22,000 கோடி அளவுக்கு இழப்பு ஏற்பட்டுள்ளது. மூன்று நாட்களில் ஏற்பட்ட மொத்த சரிவு ரூ. 2,55,000 கோடி ஆகும். இந்த நிறுவனங்களின் மொத்த மதிப்பு ரூ. 26,69,703 கோடியாகும். மும்பை பங்குச் சந்தையி்ல் பட்டியலிடப்பட்டுள்ள அனைத்து நிறுவனங்களின் மொத்த மதிப்பு ரூ. 58,17,227 கோடியாகும்.

ரிலையன்ஸ் இன்டஸ்ட்ரீஸ், டாடா ஸ்டீல், டிஎல்எப், ஜெயப்பிரகாஷ் என்டர்பிரைசஸ், கோல் இந்தியா, எஸ்பிஐ, டாடா பவர், ஹின்டால்கோ, மாருதி, ஐடிசி, விப்ரோ, ஸ்டெர்லைட், என்டிபிசி, டாடா மோட்டார்ஸ், ஆர்காம், ரியைலன்ஸ் கேபிடல், ரிலையன்ஸ் இன்பிரா ஆகியவை மிகப் பெரிய அளவில் நஷ்டத்தை சம்பாதித்த நிறுவனங்களில் சில.

English summary

A meltdown in the stock market, which continued for the third consecutive day yesterday, has wiped off over Rs. 2.5 lakh crore from investors' wealth, as shares of even large industrial groups came under pressure. The total investor wealth, measured in terms of cumulative value of all listed shares, fell by around Rs. 1,22,000 crore yesterday, when the market benchmark Sensex fell by 297.50 points to its lowest level in over 18 months.