உதட்டில் பல தையல்.. ஒரு ஆணுக்கு 2 பெண்கள் போட்டி.. சென்னை புழல் சிறையில் பெண்ணின் உதட்டை கடித்த கைதி

Updated: Monday, September 23, 2024, 16:06 [IST]

Subscribe to Oneindia Tamil

சென்னை: சென்னை புழல் மத்திய சிறையில் கைதிகளுக்குள் நடந்த மோதல், மிகப்பெரிய பரபரப்பையும், அதிர்ச்சியையும் தந்துவிட்டது. இது தொடர்பான புகாரின்பேரில் போலீசார் வழக்குப்பதிவு செய்து விசாரித்து வருகிறார்கள்.

சென்னை புழல் மத்திய சிறையில், பெண்கள் பிரிவில் மட்டும் சுமார் 200க்கும் மேற்பட்ட கைதிகள் அடைக்கப்பட்டுள்ளனர்.. இதில், நைஜீரிய நாட்டை சேர்ந்த 2 பெண் கைதிகளும் அடக்கம்.

இவர்களது பெயர் மோனிகா (31), கிளாரக்கா (32) என்பதாகும்.. இவர்கள் இருவருமே நைஜீரிய நாட்டிலிருந்து போதைபொருள் கடத்தல் வழக்கு தொடர்பாக கைது செய்யப்பட்டு, விசாரணை பிரிவில் இங்கு அடைக்கப்பட்டிருக்கிறார்கள்... இதே கடத்தல் வழக்கில், நைஜீரிய நாட்டு இளைஞர் ஒருவரும் கைதாகி, புழல் சிறையின் ஆண்கள் பிரிவில் அடைக்கப்பட்டுள்ளார்.

யாரிந்த இளைஞர்: இந்த நைஜீரியா இளைஞரை, மோனிகா, கிளாரக்கோ இருவருமே காதலித்து வருவதாக கூறப்படுகிறது.. நேற்று மாலை வழக்கம்போல், பார்வையாளர் சந்திப்பு நேரம் வந்தது.

அப்போது, சிறைத்துறை அனுமதியுடன் விசாரணை பிரிவிலுள்ள நைஜீரிய ஆண் காதலருடன், கிளாரக்கோ பேசிக் கொண்டிருந்தார்.. அவரிடம் பேசிவிட்டு, தன்னுடைய சிறை ரூமுக்கு கிளாரக்கோ திரும்பி சென்றுள்ளார்..

வாக்குவாதம்: அதே அறையிலிருந்த மோனிகா, என்னுடைய காதலருடன் நீ எப்படி பேசலாம்? என்று கேட்டு கிளாரக்கோவிடம் தகராறு செய்துள்ளார்.. இவர்களது தகராறு வாக்குவாதமாக முற்றி, கைகலப்பில் போய் முடிந்தது.. ஒருகட்டத்தில் ஆத்திரமடைந்த மோனிகா, கிளாரக்கோவின் உதட்டை சரமாரியாக கடித்துவிட்டார்.. இதில் ரத்தம் கொப்பளித்து, கிளாரக்கோ அங்கேயே மயங்கி விழுந்துள்ளார்.

இதை பற்றிய தகவலறிந்ததுமே, சிறைக்காவலர்கள் விரைந்து வந்து கிளாரக்கோவை மீட்டு, சென்னை ஸ்டான்லி அரசு மருத்துவமனையில் சிகிச்சைக்கு அனுப்பி வைத்தனர்... மருத்துவமனையில் கிளாரக்கோவின் உதட்டில் தையல்கள் போடப்பட்டன.. தொடர்ந்து தீவிர சிகிச்சையும் அளிக்கப்பட்டு வருகிறது.

சிகிச்சை: இந்த சம்பவம் தொடர்பாக புழல் போலீசார் வழக்குப்பதிவு செய்து, மோனிகாவிடம் தீவிரமாக விசாரணை மேற்கொண்டுள்ளனர். ஒரு ஆண் நண்பருக்கு 2 பெண்கள் சண்டை போட்டுக் கொண்டதும், இதில், சக கைதியின் உதட்டை, இன்னொரு நைஜீரிய பெண் கடித்துவிட்டதும், பெரும் பரபரப்பை புழலில் ஏற்படுத்தி கொண்டிருக்கிறது.