நவ.7இல் கொச்சியில் பாலாமணி அம்மா விருது வழங்கும் விழா - கவிஞர் வைரமுத்து பங்கேற்பு

சென்னை: மலையாளக் கவிதையின் ராஜமாதாவாகப் போற்றப்படும் பாலாமணி அம்மா விருது வழங்கும் விழா கொச்சியில் நவம்பர் 7 ஆம் தேதி நடைபெறவுள்ளது. இந்த விழாவில் கவிஞர் வைரமுத்து பங்கேற்று மூத்த எழுத்தாளர் எம்.எம்.பஷீருக்கு விருது வழங்கவுள்ளார்.

இதுகுறித்து, கவிஞரும், பாடலாசிரியருமான கவிஞர் வைரமுத்து எக்ஸ் தள பக்கத்தில் கூறியுள்ளதாவது:

"கேரளா செல்கிறேன்
மலையாளக் கவிதையின்
ராஜமாதாவாகப் போற்றப்படும்
பாலாமணி அம்மா
விருது விழாவில் கலந்துகொள்கிறேன்.

எம்.டி.வாசுதேவன் நாயர்,
அக்கிதம், டி.பத்மநாபன்
சுகதகுமாரி, ஸ்ரீகுமரன் தம்பி
போன்ற இலக்கிய மேதைகள்
பெற்ற விருதை
இந்த ஆண்டு மூத்த எழுத்தாளர்
எம்.எம்.பஷீர் பெறுகிறார்;
நான் வழங்குகிறேன்

கேரளா என்றதும்
வளமையான மண்ணும்
செழுமையான பண்பாடும்
தென்னங்கீற்றுகளின் ஓசையும்
தேனூற்றுகளின் பாஷையும்
நெஞ்சுக்குள் சில்லிடத்
தொடங்கி விடுகின்றன

நவம்பர் 7 கொச்சியில் நடைபெறும்
விழாவில் கலந்துகொண்டு
நவம்பர் 8 திரும்பிவிடுகிறேன்

தமிழ் மலையாள
இலக்கிய பந்தம்
அறுந்துவிடாத காலச்சங்கிலிபோல்
என்றென்றும் தொடர்க" என்று தெரிவித்துள்ளார்.

English summary

The Balamani Amma Award ceremony will be held in Kochi on November 7. Poet Vairamuthu will participate in the ceremony and present the award to senior writer M.M. Basheer.