விஜய் பேச்சு..உதயநிதி ஸ்டாலின் இப்படி சொல்லிட்டாரே! அரசியலில் அனல் பறக்கப்போகிறதா?
சென்னை: வாக்குக்கு பணம் வாங்கக்கூடாது என்று நடிகர் விஜய் பேசியதற்கு அமைச்சர் உதயநிதி ஸ்டாலின் பதில் அளித்துள்ளார்.
தொகுதி அளவில் 10 மற்றும் 12 ஆம் வகுப்பு பொதுத்தேர்வில் முதல் 3 இடங்களை பிடித்த மாணவ மாணவிகளுக்கு நடிகர் விஜய் மக்கள் இயக்கம் சார்பில் பரிசளிக்கும் நிகழ்ச்சி தொடங்கி நடைபெற்று வருகிறது. சென்னை, நீலாங்கரையில் உள்ள தனியார் அரங்கத்தில் நடைபெறும் இந்த நிகழ்வில் ஏராளமானோர் கலந்துகொண்டு உள்ளனர்.
இதில் நடிகர் விஜய் மாநில அளவில் 12 ஆம் வகுப்பு பொதுத்தேர்வில் முதலிடம் பிடித்து 600க்கு 600 மதிப்பெண் எடுத்த மாணவி நந்தினிக்கு வைர செயின் கொடுத்து பாராட்டினார். அதேபோல் தொகுதி வாரியாக 0 மற்றும் 12 ஆம் வகுப்பு பொதுத்தேர்வுகளில் முதல் மூன்று இடங்களை பிடித்த மாணவ மாணவிகளுக்கு அவர் சான்றிதழ்களை வழங்கி புகைப்படம் எடுத்துக்கொண்டார்.
முன்னதாக விழாவில் பேசிய விஜய் மாணவ மாணவிகளுக்கு தேவையான அறிவுரைகளை வழங்கினார். குறிப்பாக கல்வியின் முக்கியத்துவம், குண நலன்கள், தேர்தல் தொடர்பாக பேசினார். அப்போது பேசிய அவர், "நாளைய வாக்காளர்கள் ங்கள் தான். அடுத்தடுத்து நல்ல நல்ல தலைவர்களை நீங்கள் தான் தேர்ந்தெடுக்க போகிறீர்கள்.
நம் விரலை வைத்து நமது கண்ணையே குத்திக் கொள்வதை கேள்விப்பட்டு இருக்கிறீர்களா? அதுதான் காசு வாங்கிக்கொண்டு ஓட்டு போடுவதாகும். ஒரு ஒட்டுக்கு ஆயிரம் ரூபாய் என்றால், ஒருவர் 15 கோடி செலவு செய்தால் அதற்கு முன் அவர்கள் எவ்வளவு சம்பாதித்து இருப்பார்கள் என்று சித்தித்து பாருங்கள்." என்றார்.
விஜய்யின் இந்த பேச்சு தற்போது சமூக வலைதளங்களில் அதிகளவில் பகிரப்பட்டு வருகிறது. இது தொடர்பாக பல்வேறு தரப்பினர், அரசியல் பிரமுகர்கள் தங்கள் கருத்துக்களை தெரிவித்து வருகிறார்கள். இந்த நிலையில் தமிழ்நாடு விளையாட்டுத் துறை அமைச்சர் உதயநிதி ஸ்டாலினிடம் கேள்வி எழுப்பினார்கள்.
இதற்கு பதிலளித்த அவர், "வாக்குக்கு பணம் வாங்கக்கூடாது என்று நடிகர் விஜய் நல்லதைதானே சொல்லி இருக்கிறார். அதில் உங்களுக்கு எதுவும் பிரச்சனை. யார் வேண்டுமானாலும் அரசியலுக்கு வரலாம். யார் அரசியலுக்கு வரவேண்டும், அரசியலுக்கு வரக்கூடாது என்று சொல்ல யாருக்கும் உரிமையில்லை." என்று தெரிவித்தார்.
யார் வேண்டுமானாலும் அரசியலுக்கு வரலாம் என்ற உதயநிதி கருத்து, விஜயின் அரசியல் ஆசையை மறைமுகமாக புரிந்து கொண்டு அளித்த பதிலாக பார்க்கப்படுகிறது. விஜய் அரசியலுக்கு வந்தால் அரசியலில் அடுத்த பரபரப்பு ஆரம்பிக்கும் என்று தெரிகிறது.
Click it and Unblock the Notifications
Sign in with Google