ஆன்லைன் மூலம் மருத்துவ ஆலோசனை.. மத்திய அரசின் இ சஞ்சீவினி திட்டம்
டெல்லி: ஊரடங்கு நேரத்தில், நோய் பாதிப்புக்கு உள்ளாகும் மக்கள், 'இ-சஞ்சீவினி' திட்டத்தின் மூலம், 'ஆன்லைன்' வாயிலாக இலவச மருத்துவ ஆலோசனைகளை வீட்டில் இருந்தே, பாதிப்புகளை தெரிவித்து, மருத்துவ சிகிச்சைப் பெற, மத்திய அரசு வழிவகை செய்துள்ளது.
இந்தியாவில் கொரோனா பாதிப்பு 5 லட்சத்தை தாண்டியது. கடந்த 24 மணி நேரத்தில் 17 ஆயிரம் பேருக்கு கொரோனா பாதிப்பு ஏற்பட்டுள்ளது. இந்த நிலையில் தற்போது அவசர சிகிச்சையை தவிர்த்து மற்ற பிரச்னைகளுக்கு மருத்துவர்களிடம் செல்ல முடிவதில்லை.
அப்படியே அவர்கள் ஆலோசனை வழங்குவதாக இருந்தாலும் கொரோனா அச்சத்தால் வெளியே எங்கும் செல்ல முடியாத நிலை ஏற்பட்டுள்ளது. இதனால் நோய் பாதிப்புக்கு உள்ளாகும் மக்கள், 'இ-சஞ்சீவினி' திட்டத்தின் மூலம், 'ஆன்லைன்' வாயிலாக இலவச மருத்துவ ஆலோசனைகளை வீட்டில் இருந்தே, பாதிப்புகளை தெரிவித்து, மருத்துவ சிகிச்சைப் பெற, மத்திய அரசு வழிவகை செய்துள்ளது.
தினமும், காலை, 10 மணி முதல், மாலை 3 மணி வரை, மருத்துவ ஆலோசனை பெறலாம். நோயாளிகள், https://esanjeevaniopd.in/ என்ற இணையதள முகவரிக்கு சென்று, தங்களது மொபைல் போன் எண்ணை பதிவு செய்ய வேண்டும்.
வரப்பெறும் கடவுச்சொல்லை 'டைப்' செய்து, 'இ-சஞ்சீவினி' பக்கத்துக்குள் சென்று டாக்டர்களிடம் ஆலோசனை, மருந்து விபரங்களை பெறலாம்.
Click it and Unblock the Notifications
Sign in with Google