சிறப்பு அந்தஸ்து ரத்து செய்யப்பட்ட பிறகு.. ஜம்மு காஷ்மீர் எப்படி இருக்கிறது தெரியுமா?
ஸ்ரீநகர்: சட்டப்பிரிவு 370 ரத்து செய்யப்பட்டு ஐந்து ஆண்டுகளுக்குப் பிறகு, காஷ்மீர், நம்பிக்கை, சவால்கள் மற்றும் மாற்றம் ஆகியவற்றின் கலவையுடன் நடைபோட்டுக் கொண்டுள்ளது. ஜம்மு காஷ்மீர் மாநிலத்தின் சிறப்பு அந்தஸ்தை நீக்கும் முடிவு அப்பகுதியில் பெரும் மாற்றங்களையும் ஏற்படுத்தியுள்ளது. முதலீடுகள் கிடுகிடுவென குவிந்துள்ள அதேநேரம் சில சவால்களும் உள்ளன.
காஷ்மீருக்கு தேர்தல் தேதி அறிவிக்கப்பட்டு உள்ள நிலையில், சிறப்பு அந்தஸ்து ரத்துக்கு பிறகு அம்மாநிலம் எப்படி உள்ளது என்பது குறித்த ஒரு பார்வை இதோ உங்களுக்காக..
சிறப்பு அந்தஸ்து ரத்துக்கு பிறகு ஒரு முக்கிய விளைவு என்றால், அங்கு பாதுகாப்பு மேம்படுத்தப்பட்டது. பயங்கரவாத நடவடிக்கைகளில் குறிப்பிடத்தக்க வீழ்ச்சி ஏற்பட்டுள்ளது, இதில் உள்ளூரிலிருந்து தீவிரவாதத்திற்கு ஆட்சேர்ப்பு குறைந்துள்ளது. கல்வீச்சு, ஸ்ட்ரைக் அழைப்புகள் மற்றும் வன்முறைப் போராட்டங்கள் கிட்டத்தட்ட மறைந்துவிட்டன. 2019 ஆம் ஆண்டை விட காஷ்மீர் பள்ளத்தாக்கில் இந்த மக்களவை தேர்தலில் வாக்களிப்பு அதிகம் பதிவாகியிருந்ததே இதற்கு ஒரு நல்ல உதாரணம். மக்கள் ஜனநாயக பாதையில் நடைபோட விரும்புகிறார்கள்.
பொருளாதாரம்: பணமதிப்பு நீக்கத்துக்குப் பிறகு முதலீடுகள் அதிகரித்துள்ளன. ஜம்மு மற்றும் காஷ்மீர் கடந்த மூன்று ஆண்டுகளில் கிட்டத்தட்ட ஒரு லட்சம் கோடி மதிப்பிலான முதலீட்டு திட்டங்களைப் பெற்றுள்ளது, சுதந்திரத்திற்குப் பிறகு, காஷ்மீருக்கு சிறப்பு அந்தஸ்து ரத்து செய்யப்படும்வரை 14,000 கோடி ரூபாய் மட்டுமே தனியார் முதலீடுகளை அம்மாநிலம் ஈர்த்து இருந்தது. ஆனால் 3 வருடங்களில் 1 லட்சம் கோடி முதலீட்டை தற்போது ஈர்த்துள்ளது காஷ்மீர். முதலீட்டாளர்கள் புதிய தொழில் பூங்காக்கள் மற்றும் சுற்றுலா முயற்சிகளுக்கு வழிவகுக்கும் பல்வேறு திட்டங்களுக்காக நிலம் தேடுகின்றனர். இந்த பொருளாதார வளர்ச்சி உள்ளூர் பொருளாதாரத்தை உயர்த்தியது மற்றும் வேலைவாய்ப்புகளை உருவாக்கியது.
காஷ்மீர் பாரம்பரியம் மற்றும் மரபுகளை மேம்படுத்துவதற்கான முயற்சிகளும் மேற்கொள்ளப்பட்டுள்ளன. திருவிழாக்கள், கைவினைப்பொருட்கள் மற்றும் உள்ளூர் கலைகள் காட்சிப்படுத்தப்பட்டு, இளைஞர்களிடையே நாடு சார்ந்த சுய பெருமையை வளர்க்கின்றன.
அரசியல் நிலவரம்: அரசியல் களமும் குறிப்பிடத்தக்க மாற்றங்களைக் கண்டுள்ளது. தொகுதிகளின் எல்லை நிர்ணயம் மற்றும் புதிய அரசியல் சீரமைப்புகள் அதிகார இயக்கவியலை மாற்றியுள்ளன. உள்ளாட்சி அமைப்புகள் மற்றும் பஞ்சாயத்து ராஜ் நிறுவனங்கள் பலப்படுத்தப்பட்டு, அடிமட்ட ஜனநாயகம் உயர்த்தப்பட்டுள்ளது. இருப்பினும், சட்டப் பேரவை மற்றும் நேரடி மத்திய ஆட்சி இல்லாமல், யூனியன் பிரதேசமாக உள்ளதால், சிலர் உரிமையற்றவர்களாக உணர்கிறார்கள்.
ஜம்முவில் வெளிநாட்டு பயங்கரவாதிகளை ஊடுருவச் செய்து, அப்பகுதியை சீர்குலைக்கும் முயற்சியில் பாகிஸ்தான் தொடர்ந்து ஈடுபட்டு வருகிறது. இது பாதுகாப்பு நிலைமைக்கு சவாலாக உள்ளது. இருப்பினும் ராணுவம் தொடர்ந்து நிலைமையை கட்டுக்குள்ளேயே வைத்துள்ளது. இந்தியாவின் ஒருங்கிணைந்த மாநிலமாக பிற மாநில மக்கள் உணர ஆரம்பித்துள்ளனர். இந்த நிலையில்தான் விரைவில் காஷ்மீருக்கு தேர்தல் நடைபெற உள்ளது. அநேகமாக இந்த வாரத்தில் ஜம்மு காஷ்மீர் சட்டசபைக்கு தேர்தல் தேதி அறிவிக்கப்படலாம்.
Click it and Unblock the Notifications
Sign in with Google