கொரோனா வைரஸ் எதிரொலி.. சிக்கன் வேண்டாம், மட்டன் ஓகே.. தவிர்க்கும் மக்கள்.. கலக்கத்தில் வியாபாரிகள்!

Published: Monday, March 9, 2020, 17:11 [IST]

Subscribe to Oneindia Tamil

புதுச்சேரி: கொரோனா வைரஸ் அச்சத்தால் புதுச்சேரியில் கோழி இறைச்சி மற்றும் முட்டை உண்ணுவதை பொதுமக்கள் தவிர்த்து வருகின்றனர். இதனால் கோழி இறைச்சியின் விலை கடுமையாக சரிந்துள்ளது.

கொரோனா வைரஸ்

இந்தியாவிலும் கொரோனா வைரஸ் பரவி வருகிறது. இந்தியாவில் இத்தாலி நாட்டைச் சேர்ந்த சுற்றுலா பயணிகள் 16 பேர் மற்றும் கேரளா, டெல்லி, ராஜஸ்தான், தெலுங்கானா, ஆக்ரா, காசியாபாத், தமிழ்நாடு ஆகிய பகுதிகளைச் சேர்ந்த மொத்தம் 39 பேர் கொரோனா வைரஸால் பாதிக்கப்பட்டுள்ளனர். மத்திய, மாநில அரசுகள் இந்தியாவில் கொரோனா வைரஸ் பரவுவதை தடுக்க பல்வேறு முன்னெச்சரிக்கை நடவடிக்கைகளை மேற்கொண்டு வருகின்றனர்.

இருமும் ரிங் டோன்

மேலும் தொலைபேசியில் ஒருவருக்கு நாம் அழைக்கும் போது ரிங் டோனுக்கு பதில், கொரோனா குறித்த விழிப்புணர்வு வாசகங்கள் கடந்த இரண்டு தினங்களாக ஒலிக்கின்றன. இந்நிலையில் கேரளாவில் பறவை காய்ச்சல் வேகமாக பரவி வருவதால், தமிழகத்திலிருந்து செல்லும் கோழி இறைச்சி, முட்டைகள் விற்பனை கேரளாவில் மிகப்பெரிய அளவில் சரிந்துள்ளது.

சிக்கன் சரிவு

இதனால் தமிழகம் மற்றும் புதுச்சேரியில் உற்பத்தியாகும் கோழி மற்றும் முட்டைகளை இங்கேயே விற்பனை செய்ய வேண்டிய நிலை உள்ளதாலும், மக்களிடம் கொரோனா பீதி அதிகமாக உள்ளதாலும் கோழி இறைச்சியை தவிர்க்க துவங்கியுள்ளனர். இதன்காரணமாக புதுச்சேரியில் கடந்த வாரம் கிலோ ரூபாய் 140 க்கு விற்பனையான கோழி இறைச்சி தற்போது 100 ரூபாக்கு விற்பனையாகி வருகிறது.

மீன்

அதேபோல் 4 ரூபாய்க்கு விற்பனையான கோழி முட்டை 3 ரூபாய்க்கு விற்பனையாகிறது. இதனால் கோழி பண்ணை தொழில் பாதிக்கும் நிலை ஏற்பட்டுள்ளதாக இத்தொழிலில் ஈடுபட்டுள்ளவர்கள் வேதனை தெரிவித்துள்ளனர். அதேசமயம் ஆட்டுக்குறி, மீன் விற்பனை அதிகரித்துள்ளதால், அதன் விலை உயரும் அபாயமும் உள்ளது. ஆக, எத்தைத் தின்றால் பித்தம் தெளியும் என்ற மன நிலைக்கு மக்கள் தள்ளப்பட்டுள்ளனர்.

Published On March 9, 2020