தமிழ் பாடத்தில் 9 பேர் 100க்கு 100.. வாவ்.. அந்த சப்ஜெக்ட்டில் அதிகமா? சென்டம் லிஸ்ட் முழுமையாக இதோ!

Published: Friday, May 19, 2023, 19:02 [IST]

Subscribe to Oneindia Tamil

சென்னை : 11ஆம் வகுப்பு பொதுத்தேர்வு முடிவுகள் இன்று வெளியான நிலையில், தமிழ் பாடத்தில் 9 பேர், ஆங்கிலத்தில் 13 பேர், கணிதத்தில் 17 பேர் 100க்கு 100 எடுத்து சாதனை படைத்துள்ளனர். கடந்த வாரம் பிளஸ் 2வில் தமிழில் 2 பேர் 100 எடுத்தனர். இன்று காலை வெளியான பத்தாம் வகுப்பு தேர்வு முடிவுகளின்படி தமிழில் ஒருவர் கூட் 100க்கு 100 எடுக்காத நிலையில் 11ஆம் வகுப்பில் தமிழில் 9 பேர் செண்ட்டம் அடித்துள்ளனர்.

இந்த கல்வி ஆண்டுக்கான 11ஆம் வகுப்பு பொதுத்தேர்வு கடந்த மார்ச் மாதம் 13ஆம் தேதி தொடங்கி ஏப்ரல் மாதம் 5ஆம் தேதி வரை நடைபெற்றது. இந்த பொதுத்தேர்வை 7.70 லட்சத்துக்கும் மேற்பட்ட மாணவர்கள் எழுதினர். இந்நிலையில், தேர்வு முடிவுகள், முடிவுகள் இன்று மதியம் வெளியிடப்பட்டது.

9 students scored 100 out of 100 in Tamil in class 11th results

3,61,454 மாணவர்களும், 4,15,389 மாணவிகளும், மூன்றாம் பாலினத்தவர் ஒருவர் என மொத்தம் 7,76,844 பேர் தேர்வு எழுதினர். இதில் 7,06,413 மாணவ- மாணவிகள், அதாவது 90.93% பேர் தேர்ச்சி பெற்றுள்ளனர். மாணவிகள் : 94.36%மாணவர்கள் : 86.99% தேர்ச்சி பெற்றுள்ளனர். மாணவர்களை விட மாணவிகள் 7.37% அதிக தேர்ச்சி பெற்றுள்ளனர்.

பள்ளிகள் தேர்ச்சி விகிதம் : கடந்த ஆண்டு 90.07% பேர் தேர்ச்சி பெற்றிருந்த நிலையில் தேர்ச்சி விகிதம் 0.86% அதிகரித்துள்ளது.
அரசுப்பள்ளிகள் : 84.97%
தனியார் பள்ளிகள் : 93.20%

சென்டம் பெற்ற மாணவர்களின் எண்ணிக்கை :
தமிழ் - 9
ஆங்கிலம் - 13
இயற்பியல் - 440
வேதியியல் - 107
உயிரியல் - 65
கணிதம் - 17
தாவரவியல் - 2
விலங்கியல் - 34
கணினி அறிவியல் - 940
வணிகவியல் - 214
கணக்குப் பதிவியல் - 995
பொருளியியல் - 40
கணினிப் பயன்பாடுகள் - 598
வணிகக் கணிதம் மற்றும் புள்ளியியல் - 132