• search
For Quick Alerts
ALLOW NOTIFICATIONS  
For Daily Alerts

கந்துவட்டியால் தமிழகம் சவக்காடாகும் நிலைக்கு போகிறது... வேல்முருகன் வேதனை

By Gajalakshmi
|
    பரிதாபம்! கந்து வட்டியின் கோரப்பசிக்கு கருகிய உயிர்கள்-வீடியோ

    சென்னை : கந்துவட்டிக் கொடுமையால் இசக்கி முத்து குடும்பத்தின் தீக்குளிப்புக்குக் காரணமான கந்துவட்டிக்காரர், காவல்துறையினர், அரசு அதிகாரிகள் உள்ளிட்ட அனைவர் மீதும் எடுக்க வேண்டும் என்று தமிழக வாழ்வுரிமைக் கட்சித் தலைவர் வேல்முருகன் வலியுறுத்தியுள்ளார்.

    அவர் இன்று வெளியிட்டுள்ள அறிக்கையில் கூறி இருப்பதாவது : கந்துவட்டிக் கொடுமையால் இசக்கிமுத்து என்பவர் தன் இரண்டு பெண் குழந்தைகளுடன் நெல்லை மாவட்ட ஆட்சியர் அலுவலக வளாகத்திற்குள்ளேயே தீக்குளித்த சம்பவம் நடந்திருக்கிறது.

     Velmurugan seeks action against Isakki muthu suicide reasoners

    அந்தக் குடும்பத்தினரை மாவட்ட ஆட்சியர் சந்தீப் நந்தூரி போய் பார்வையிட்டிருக்கிறார். கந்துவட்டிக் கொடுமை தொடர்பாக இசக்கிமுத்து குடும்பத்தினர் 5 முறை மாவட்ட ஆட்சியர் அலுவலத்தில் புகார் மனு அளித்ததாகச் சொல்கிறார்கள். ஆனால் நடவடிக்கை எடுக்காத பட்சத்திலேயே அவர் இவ்வாறு செய்ததாகத் தெரிகிறது.

    ஆனால் மாவட்ட ஆட்சியர் செய்தியாளர்களிடம் கூறுகையில், "தன்னிடம் மனு கொடுக்கும் முன்பே இசக்கிமுத்து குடும்பத்தினர் தீக்குளிப்பு முயற்சியில் ஈடுபட்டனர்" என்றார். இவ்வாறு கூறிய ஆட்சியர் "கந்துவட்டிக் கொடுமை குறித்து தகவல் தெரிவிக்க அவசர உதவி எண்கள் அறிமுகப்படுத்தப்படும்" என்றும் தெரிவித்தார்.

    நமக்கு எழும் சந்தேகம் இதுதான் - இந்த அதிர்ச்சிகர நிகழ்வால் தமிழகம் சவக்காடாகும் நிலைக்குத் தள்ளப்பட்டுக் கொண்டிருக்கிறதோ என்னவோ? இசக்கி முத்து குடும்பத்தின் தீக்குளிப்புக்குக் காரணமாக கந்துவட்டிக்காரர், காவல்துறையினர், அரசு அதிகாரிகள் உள்ளிட்ட அனைவர் மீதும் நடவடிக்கை எடுக்க வேண்டும்எனவும் அவர்களது குடும்பத்துக்கு உரிய இழப்பீடு வழங்க நடவடிக்கை எடுக்குமாறு தமிழக அரசை கேட்டுக்கொள்கிறேன் என்று குறிப்பிட்டுள்ளார்.

    திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

     
     
     
    English summary
    Tamizhaga vazhvurimai party leader Velmurugan seeks action against the police and the government officials who were responsible for Isakki muthu family omitted suicide.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more