Fact Check: தவறாக மந்திரம் ஓதியது அனைத்து ஜாதியினரும் அர்ச்சகரலாம் திட்டத்தில் பயின்றவரா? வதந்தி

சென்னை: தை அமாவாசை அன்று ராமேஸ்வரம் அக்னிதீர்த்த கடலில் முன்னோர்களுக்கு தர்ப்பணம் கொடுத்த போது அர்ச்சகர் ஒருவர் மந்திரத்தில் தை அமாவாசை சுப நாளில் என கூறியிருந்தது அறநிலையத் துறையினர் மீது விமர்சனங்களை குவித்தது.

அதாவது அனைத்து ஜாதியினரும் அர்ச்சகர் ஆகலாம் என்ற திட்டத்தில் பயிற்சி பெற்றவர்தான் இப்படி தவறாக மந்திரம் ஓதினார் என்றும் இந்து அறநிலையத் துறை இந்து மத சடங்குகளை சீரழிக்கிறது என்றும் இந்து அமைப்புகள் சமூகவலைதளத்தில் விமர்சனம் செய்திருந்தன.

இந்த வீடியோ வைரலான நிலையில் தமிழக அரசின் உண்மை சரிபார்ப்பகம் தற்போது உண்மைத் தகவலை வெளியிட்டுள்ளது.

இதுகுறித்து புகைப்படத்துடன் வெளியிட்டுள்ள பதிவில் கூறியிருப்பதாவது:

தவறாக மந்திரம் ஓதியது "கிளி ஜோசியர்" : அறநிலையத்துறைக்கு எதிராகப் பரவும் வதந்தி !

வதந்தி

"அனைத்து மதத்தினவரும் அர்ச்சகர் ஆகலாம்; இந்து மத சடங்குகளை சீரழிக்கும் இந்து அறநிலைய துறை." என்று குறிப்பிட்டு தவறாக மந்திரம் ஓதும் புரோகிதரின் காணொளி பகிரப்பட்டு வருகிறது.

உண்மை என்ன ?

இது முற்றிலும் தவறான தகவல்.

"இராமேசுவரம் இராமநாதசுவாமி கோயிலில் நடைபெற்ற தை அமாவாசை சடங்கில் தவறாக மந்திரம் ஓதிய நபர் அனைத்து சாதியினர் அர்ச்சகராகலாம் திட்டத்தில் பயின்றவர் இல்லை. பழனி மலையடிவாரத்தில் கிளி ஜோசியம் பார்த்துக் கொண்டிருந்தவர். அவர் பெயர் சுப்பிரமணியன்.

அக்னி தீர்த்தக் கரையில் இயங்கும் புரோகிதர் சங்கத்தினர் இவரைபோல் 20 நபர்களை அழைத்து வந்து பூணூல் அணிவித்து புரோகிதம் செய்ய வைத்துள்ளனர். இவருக்கும், கோயில் நிர்வாகத்திற்கும் எந்தத் தொடர்பும் இல்லை." என்று கோயில் இணை ஆணையர் விளக்கமளித்துள்ளார்.

வதந்தியைப் பரப்பாதீர்!

English summary

During the Thai Amavasai ritual at the Agni Theertham sea in Rameswaram, a priest’s chant describing the day as an “auspicious occasion” while performing Tarpanam for ancestors has triggered widespread criticism against the Hindu Religious and Charitable Endowments (HR&CE) Department. The incident has led to debates among devotees and religious scholars, with many questioning the department’s oversight and adherence to traditional ritual practices.