இதே ஆட்டம் தொடருமா? 2026ல் தங்கம் விலை தொடர்ந்து உயருமா? கவனிக்க வேண்டிய 5 விஷயங்கள்!

சென்னை: 2025ல் உயர்ந்ததை போல 2026ல் தங்கம் விலை உயரலாம்.. ஆனால் அப்படி உயர்ந்தாலும் 4 விஷயங்களில் நாம் மிகவும் கவனமாக இருக்க வேண்டும் என்று வல்லுநர்கள் எச்சரிக்கை விடுகின்றனர்.

2025 ஆம் ஆண்டில், தங்கத்தின் விலை 60 சதவீதத்திற்கும் மேல் உயர்வு கண்டு, கணிசமான ஏற்றம் கண்டது. உலக முதலீட்டாளர்கள் பாதுகாப்பான சொத்துக்களை தேடி சென்றதால்.. டாலரை விட தங்கமே பலருக்கும் ஏற்ற தேர்வாக இருந்தது. இதனால் சர்வதேச தங்க விலை சாதனை உச்சத்தை தொட்டது. 2026லும் தங்கம் சிறப்பாக செயல்படலாம் என்று பலரும் கருத்து நிலவும் நிலையில், வல்லுநர்கள் சில அபாயங்களைக் கண்காணிக்கும்படி எச்சரிக்கின்றனர்.

தங்கம் வாங்கும் முன் கவனிக்க வேண்டிய விஷயம்

1. 2025ல் தங்கத்தின் உயர்வுக்கு முக்கியக் காரணம் அமெரிக்காவின் பணவியல் கொள்கை மாற்றம். அமெரிக்க ஃபெடரல் ரிசர்வ் வட்டி விகிதங்களை பலமுறை குறைத்து, அதை 3.50-3.75 சதவீதமாகக் கொண்டு வந்தது. இது டாலர் மதிப்பை குறைத்தது. வட்டி வருமானம் தராத தங்கத்திற்கு இது முதலீட்டு கவர்ச்சியை அதிகரித்தது. மேலும், அமெரிக்க டாலர் பலவீனமடைந்ததும் விலை உயரக் காரணமானது.

2. உலகளாவிய நிச்சயமற்ற தன்மைகளும் தங்க விலையைப் பாதிக்கின்றன. மத்திய கிழக்கின் பதட்டங்கள், தீர்க்கப்படாத ரஷ்யா-உக்ரைன் போர், முக்கிய நாடுகளின் வர்த்தகப் பூசல்கள் ஆகியவை முதலீட்டாளர்களை மிகவும் எச்சரிக்கையாக இருக்க செய்தன. இச்சூழலில், பாதுகாப்பான முதலீடாகப் பலரும் தங்கத்தை நாடுகின்றனர்.

வங்கிகள் எடுத்த முடிவு

3. மத்திய வங்கிகள் தங்கம் வாங்கியதும் இதற்கு இன்னொரு காரணம். உலக அளவில் மத்திய வங்கிகள் தங்கத்தை வாங்கி குவிக்க தொடங்கி உள்ளன. இதனால் தங்கம் விலை மீண்டும் உயர தொடங்கி உள்ளது. இந்த ஆண்டின் மூன்றாவது காலாண்டில், நிகர அளவில் 220 டன் தங்கத்தை தங்கள் கையிருப்பில் சேர்த்துள்ளன. இதனால் தங்கத்திற்கான தேவை மேலும் அதிகரிக்கும் வாய்ப்புகள் உள்ளன.

தங்கம் ஒரு பாதுகாப்பான முதலீடாகக் கருதப்படுகிறது. கடந்த ஆண்டு அதன் விலை உயர்வு, மத்திய வங்கிகளின் தீவிர கொள்முதல்களால் வேகமாக உயர்ந்தது. உலக தங்க கவுன்சிலின் (WGC) 'தங்க தேவை போக்குகள் Q3 2025' அறிக்கையின்படி, இந்த 220 டன் கையிருப்பு, முந்தைய காலாண்டைக் காட்டிலும் 28% அதிகம்

இதில் மத்திய வங்கிகள் முக்கியப் பங்காற்றின. அமெரிக்க டாலர் சார்பைக் குறைக்கப் பல நாடுகள் தங்க இருப்புகளை உயர்த்தின. இந்திய ரிசர்வ் வங்கி தொடர்ச்சியாகத் தங்கத்தைக் கொள்முதல் செய்தது, இது நம்பிக்கையை வளர்த்தது. ஆண்டின் பிற்பகுதியில் தங்க ETF-களிலும் புதிய முதலீடுகள் குவிந்தன.

4. இந்தியாவில், ரூபாயின் மதிப்பிறக்கத்தால் தங்க விலை உயர்ந்தது. டாலருக்கு எதிராக ரூபாய் பலவீனமடைந்ததால், இறக்குமதி தங்கத்தின் விலை கணிசமாக அதிகரித்தது. திருமண சீசன் தேவை, தங்கக் கட்டிகள், நாணயங்கள், ETF-கள் மீதான ஆர்வம் ஆகியவையும் விலை உயர்வுக்கு ஆதரவாக அமைந்தன.

2026 ஆம் ஆண்டில், மத்திய வங்கி கொள்முதல், உலக அபாயங்கள் மற்றும் மேலும் வட்டி குறைப்புகளால் தங்கத்தின் விலை தொடர்ந்து உயரலாம் என வல்லுநர்கள் கணிக்கிறார்கள். எனினும், சில அபாயங்கள் உண்டு. மேற்கண்ட 4 விஷயங்கள் நடந்தால் தங்கம் விலை உயரும். இல்லை என்றால் தங்கம் விலை உயராது. வட்டி விகிதங்கள் மீண்டும் உயர்ந்தால், டாலர் பலப்பட்டால் அல்லது முதலீட்டாளர்கள் பங்குகள் போன்ற பிற சொத்துக்களை நாடினால், தங்கத்தின் விலை சரிவை சந்திக்கக்கூடும்.

ஒட்டுமொத்தமாக, தங்கம் வலுவாக நீடித்தாலும், வரும் ஆண்டில் உலகளாவிய மாற்றங்கள் குறித்து முதலீட்டாளர்கள் விழிப்புடன் இருக்க வேண்டும் என்று வல்லுனர்கள் அறிவுறுத்துகிறார்கள். .

English summary

Gold price remains strong in 2025 as central banks expand holdings and monetary policy moves support demand. The prospect for 2026 suggests continued strength but with risks from rate changes, currency movements and geopolitical factors; ETF inflows and investor sentiment are key drivers.