• search
For Quick Alerts
ALLOW NOTIFICATIONS  
For Daily Alerts

தமிழகத்தில் இன்று

By Staff
|

கே: கோஷ்டிகள் இல்லாத காங்கிரஸை தமிழகத்தில் உருவாக்கப்போவதாகஇளங்கோவன் கூறுகிறாரே, முடியுமா?

ப: நூல் இழைகள் இல்லாத பருத்தி ஆடை உருவாகிற போது இதுவும் நடக்கலாம்.

கே: ஒரே வீட்டில் 367 ரேஷன் கார்டுகள் பறிமுதல் செய்யப்பட்டிருப்பது பற்றி...?

ப: இது ஒரு பெரிய விஷயமா? ஒரேமனிதனிடம் 367 ஒட்டு கூட இருக்குமே!

கே: கடவுளை நான் நம்பவில்லை: ஆனால் ஜெயலலிதாவை நம்புகிறேன் என்று கி.வீரமணி கூறியிருக்கிறாரே?

ப: பின் என்னவாம்? கடவுளை நம்பினால் என்ன கிடைக்கும்? விபூதி பிரசாதம்கிடைக்கும். மிஞ்சி மிஞசிப் போனால் சர்க்கரைப் பொங்கல் கிடைக்கலாம்.ஜெயலலிதாவை நம்பினால் அப்படியா?

கே: சமாளிப்பது, பூசி மெழுகுவது - இரண்டுக்கும் இடையில் உள்ள வித்தியாசம்என்ன?

ப: இலங்கைப் பிரச்சனை தனது பேச்சுக்கு தமிழக முதல்வர் அளித்த விளக்கம் -சமாளிப்பது: அந்த பேச்சினால் ஒரு இடைஞ்சலும் இல்லாதது மாதிரி மத்திய அரசு அளித்தவிளக்கம் - பூசி மெழுகுவது.

கே: கடுமையான நிதி நெருக்கடியுள்ள இந்த நேரத்தில் தொலைத் தொடர்புஊழியர்களுக்கு இலவசத் தொலைபேசி திட்டம் அவசியம்தானா?

ப: ராம் விலாஸ் பாஸ்வான் மிரட்டலுக்கு பிரதமர் பணிந்திருக்கிறார். இப்படி ஒவ்வொருஇலாகாவும், அதன் ஊழியர்களுக்கு தங்களுடைய பொருட்கள் அல்லது சேவைகளைஇனாமாகத் தருவதுதான் நியாயம் என்றால் - அது எங்கே போய் முடியும்?

பிரதமர் பணிந்தார் என்பதை மறைப்பதற்காக, ஊழியர்களோடு ஒப்பந்தம் ஏற்பட்டதுமாதிரியும் போக்கு காட்டினார்கள். அதுவும் பல்லிளித்து விட்டது. மான்யங்களும்,இனாம்களும் எல்லா துறையிலும் குறைய வேண்டும் - தகவல் தொடர்புத் துறையைத்தவிர என்பது மத்திய அரசின் கொள்கையா?

இப்படி பணிந்தால் இதுவே வழக்கமாகி விடாதா? பிரதமர் சறுக்கியிருக்கிறார். கூட்டணிதத்துவம் தனது கை வரிசையயைக் காட்டத் தொடங்கியிருக்கிறது.

கே; தமிழ் நாட்டில், காங்கிரஸ் இழந்த பெருமையை மீட்கப் போவதாக புதியதலைவர் ஈ.வி.கே. எஸ். இளங்கோவன் கூறியிருப்பது பற்றி...?

ப: அடமானம் வைக்கப்பட்ட பொருளாக இருந்தால் மீட்டுக் கொள்ளலாம். காங்கிரஸின்பெருமை, விற்கப்பட்ட பொருளாயிற்றே ? எப்படி மீட்பது?

71-ல் தி.மு.க. விடம் இந்திரா காந்தி, காங்கிரஸின் பெருமையை விற்று விட்டாரே!அதற்குப் பிறகு அது இரு கழகங்களிடையே கை மாறிக் கொண்டிருந்தது. இப்போதுஅ.இ.அ.தி.மு.க, விடம் இருக்கிறது. மீண்டும் வாங்குவது என்றால், ரொம்பவும் முனையவேண்டியிருக்கும்.

கே: ராஜேஷ் பைலட் மறைவு குறித்து ...?

ப:ஒரு வித்தியாசமான அரசியல்வாதி மறைந்து விட்டார். போலித்தனம் இல்லாதவர்.காங்கிரஸில் உயர்ந்திருக்கக் கூடியவர். அவருடைய குடும்பத்தாருக்கு துக்ளக் தனதுஅனுதாபங்களைத் தெரிவித்துக் கொள்கிறது.

கே: உலக அளவில் தமிழர்களுக்கு முகவரி கொடுத்து தம்பி பிரபாகரன்தான் என்றுடாக்டர் ராம்தாஸ் கூறியுள்ளாரே?

ப: அகரம் என்ற இடத்திற்கு தமிழகம் முழுவதும் முகவரி கொடுத்து, அகரம்நாராயணன்தான்: சந்தனக் காடுகளுக்கு முகவரி கொடுத்து வீரப்பன்தான்: ஃபிஜிக்கு உலகஅரங்கில் முகவரி கொடுத்து ஸ்பெயிட்தான்... என்றெல்லாம் கூட சொல்லிபெருமைப்பட்டுக் கொள்ளலாம்.

கே: நாம் திராவிடர்கள். திராவிடன் என்பதை மறந்துவிட்டால், நாம் 5000ஆண்டுகளுக்குப் பின்னால் தள்ளப் பட்டு விடுவோம் என்று ராமதாஸ் கூறியுள்ளதுபற்றி...?

ப: 5000 வருடங்களுக்கு முன்பு இங்கு திராவிடர்கள் இல்லை: அதனால் திராவிடர்கள்பழங்குடி மக்கள் அல்ல: பழங்குடி மக்கள் வேறு யாரோ: திராவிடர்கள் பிறகு வந்தார்கள் ...என்று கூறுகிற மாதிரி ஆகிறதே - டாக்டர் ராமதாஸின் பேச்சு! வீரமணிக்கு கோபம் வருமே!

கே; கிரிக்கெட் ஊழலில் ஈடுபட்ட இந்திய வீரர்கள், தாங்களாகவே முன் வந்துஉண்மைகளை ஒப்புக் கொண்டால், அவர்களுக்கு கருணை காட்டப்படும் என்றவிளையாட்டுத்துறை அமைச்சரின் எச்சரிக்கை பற்றி...?

ப: சுருக்கமாகச் சொல்லியிருக்கிறார். விசாரணையின் மூலம் உண்மைகளை அறியமுடியுமே தவிர, நிரூபிக்க முடியாது: அதற்கு வேண்டிய சாட்சியங்கள் கிட்டாது: வழக்குகிழக்கு என்று வந்தால் தோற்றுவிடும்.: அதனால் ஆட்டக்காரர்களே உண்மையை ஒப்புக்கொண்டு விட்டால், எங்களுக்கு வசதியாக இருக்கும் என்பதை சுருக்கி, ஒரே வரியில்சொல்லி விட்டார்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more