• search

வளர்த்த மாடு முட்டி விவசாயி பலி

Posted By:
FOLLOW ONEINDIA TAMIL ON
For Quick Alerts
ALLOW NOTIFICATIONS
For Daily Alerts

    கேள்வி - பதில்

    கே: சென்னையில் புதிய தமிழகம் கட்சி அலுவலகத்தில் நடந்த அராஜகம் பற்றி ...?

    ப: வர, வர இந்த மாதிரி அராஜகங்கள் மலிந்து கொண்டிருக்கின்றன. இம்மாதிரி நிகழ்ச்சிகளில்சம்பந்தப்பட்டவர்கள் கடும் தண்டனைக்குள்ளாவது இல்லை - என்பது இதற்கு ஒரு முக்கிய காரணம்.

    இந்த சம்பவமாவது, தீர விசாரிக்கப்பட்டு, குற்றவாளிகள் சட்டத்தின் முன் நிறுத்தப்பட வேண்டும்.

    கே: அரசியல் எந்த திசையில் செல்ல வேண்டும் என்று அண்ணா விரும்பினாரோ, அந்த திசையில்தான்ம.தி.மு.க. செல்கிறது என்று வைகோ கூறியுள்ளது பற்றி ...?

    ப: இலங்கைப் பக்கமாக, தென்திசையில் அரசியல் போக வேண்டும் - என்றா அண்ணாதுரை விரும்பினார் ...?

    கே: வாழ்நாள் முழுவதும் உங்களைப் போல் இளமையாகவும், சுறுசுறுப்பாகவும் இருக்க என்ன வழி ...?

    ப: மூளை வளர்ச்சி அடைந்து விடாமல் பார்த்துக் கொள்ள வேண்டும் - முதிர்ச்சி வராமல் தப்பித்துக் கொள்ளலாம்.

    கே: போர் நிறுத்தம் கிடையாது என்று அதிபர் சந்திரிகா ஏன் பிடிவாதம் பிடிக்கிறார்? இது சரியா, தவறா?

    ப: பேச்சு வார்த்தை முதலில் தொடங்க வேண்டும்: அதன் பிறகுதான் போர் நிறுத்தம் பற்றி முடிவு வர வேண்டும்:இல்லாவிட்டால், போர் நிறுத்த அறிவிப்பு வந்தவுடன், கிடைக்கிற அவகாசத்தில் புலிகள் தங்களை வலுப்படுத்திக்கொண்டு, அடுத்த தாக்குதலுக்கு தயாராவார்கள் - என்றுதான் சந்திரிகா கூறுகிறார்.

    நான் ஆரம்பத்திலேயே கூறிய கருத்துதான் இது. அவருடைய நிலையில் நான் தவறு காணவில்லை.

    கே: கருணாநிதி ஆட்சியில், உங்களுக்குப் பிடித்த உருப்படியான திட்டம் எது?

    ப: உழவர் சந்தை அப்படிப்பட்டது என்றுதான் நான் நினைத்தேன். எங்கள் நிருபர், சென்ற 10.01.2001 துக்ளக்இதழில் எழுதிய கட்டுரை, சந்தேகங்களைக் கிளப்புகிறது. பார்க்க வேண்டும்.

    கே: தியாகராஜர் ஆராதனை விழாவில் நீங்கள் இல. கணேசன் காதிலும், மூப்பனார் காதிலும் ஏதோரகசியம் சொன்னீர்களே - அது என்னங்க?

    ப: ஞாபகமில்லை. ரயிலுக்கு நேரமாகிக் கொண்டிருக்கிறது என்று சொல்லியிருப்பேன் என்று நினைக்கிறேன்.

    கே: பெண்களிடம் உள்ள பாராட்டத்தக்க அம்சம் என்று தாங்கள் எதைக் கூறுவீர்கள்...?

    ப: ஆண்களை பெற்றெடுப்பது...

    கே: மம்தா பானர்ஜி தாக்கப்பட்டது பற்றியும், மேற்கு வங்கத்தில் ஜனாதிபதி ஆட்சி அமல்படுத்தப்படவேண்டும் என்பது பற்றியும் தங்கள் கருத்து...?

    ப: மேற்கு வங்கத்தில் சட்டம் - ஒழுங்கு நிலை சரியாக இல்லை என்பது கண்கூடு.

    எதிர்க்கட்சிகளை மிரட்டியே தங்களை உயர்த்திக் கொள்வது -என்பது மார்க்சிஸ்ட்களின் வழி முறையாகவேஇருந்து வந்திருக்கிறது: மேற்கு வங்கத்தில், மம்தா கட்சியின் வளர்ச்சி, மார்க்சிஸ்ட்களின் இந்த போக்கைஇன்னமும் கடுமையாக்கியிருக்கிறது.

    ஆனால், 17 பேர் ஒட்டு மொத்தமாக ஒரு குடிசையில் எரித்துக் கொல்லப்பட்டனர் - என்ற மம்தாவின்குற்றச்சாட்டிற்கு, இதுவரை எந்த ஆதாரமும் காணப்படவில்லை.

    இது ஒருபுறமிருக்க, ஜனாதிபதி ஆட்சி பிரகடனத்திற்கு வேண்டிய பாராளுமன்ற பலம் பா.ஜ.க.வுக்கு இல்லை.காங்கிரஸோ, இரண்டும் கெட்டான் நிலையை எடுக்கிறது.

    தேர்தல் மார்க்சிஸ்ட் ஆட்சியில் நடந்தால் - அது நியாயமாக நடக்காது என்ற அச்சம் இருப்பதால், பா.ஜ. அரசுதுணிந்து, மேற்குவங்க அரசை டிஸ்மிஸ் செய்தால் - 1 மாதத்திற்கு பாராளுமன்ற கூட்டம் இல்லை என்பதால்ஜனாதிபதி ஆட்சியை ஓட்டிச் செல்லலாம்.

    நீதிமன்றங்கள் என்ன செய்யுமோ - சிக்கலான விஷயம்.

    கே: கி.வீரமணி கூட்டிய மதச்சார்பற்ற கட்சிகளின் கூட்டத்தில், அ.தி.மு.க. சார்பாக யாரும் கலந்துகொள்ளாததற்கு, சோவின் ஆலோசனைதான் காரணம் - என்று ஒரு சில பத்திரிக்கைகளில் செய்திவந்துள்ளது பற்றி ...?

    ப: அசல் கற்பனை. என்னிடம் எந்த ஆலோசனையும் கேட்க வேண்டிய அவசியம் ஜெயலலிதாவுக்கு இல்லை.

    கே: வீரப்பனை கிரிமினலாக சிலர் முத்திரை குத்துகிறார்கள். ஆனால் இதுவரை எந்த நீதிமன்றமும்அவரை குற்றவாளி என்று தீர்ப்பளித்து, தண்டனை அளிக்கவில்லை -என்று பழ. நெடுமாறன் கூறியுள்ளது

    பற்றி ...?

    ப: சட்ட விரோத நடவடிக்கைகள் தடுப்பு சட்டத்தின் கீழ், குற்றம் செய்தார்- என்று நெடுமாறனைப் பற்றி எந்தநீதிமன்றமும் தீர்ப்பு அளிக்கவில்லை. அதனால் அவர் அந்த குற்றத்தைச் செய்யவில்லை.- என்று ஆகி விடுமா?

    வரன் தேடுகிறீர்களா? தமிழ் மேட்ரிமோனியில் பதிவு இலவசம்!

    நாள் முழுவதும் oneindia
    செய்திகளை உடனுக்குடன் பெற

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more