இலங்கை சண்டையில் 11 விடுதலைப் புலிகள் பலி

கொழும்பு:

இலங்கையின் வடக்குப் பகுதியில் ராணுவத்தினருக்கும் விடுதலைப்புலிகளுக்குமிடையே நடந்த 2 வெவ்வேறுசண்டைகளில் 11 புலிகள் உள்பட 12 பேர் கொல்லப்பட்டனர்.

கொக்குத் தூதுவளை என்னுமிடத்தில் உள்ள புலிகளின் முகாம்களைத் திடீரென்று தாக்கிய ராணுவத்தினர் 8புலிகளைச் சுட்டுக் கொன்றனர். மேலும் பல புலிகளுக்கு இச்சம்பவத்தின்போது படுகாயம் ஏற்பட்டது.

இத்தாக்குதல் நடந்த சில மணி நேரங்களிலேயே, இப்பகுதியிலிருந்து ஜனகபுரத்திற்குச் செல்ல முயன்ற 3விடுதலைப்புலிகளையும் இலங்கை ராணுவத்தினர் சுட்டுக் கொன்றனர்.

முன்னதாக இன்று (வியாழக்கிழமை) காலை இலங்கைப் போலீசாரின் 2 முகாம்களை புலிகள் தாக்கி அழித்தனர்.அப்போது அவர்கள் மெஷின் கன் மற்றும் மார்ட்டார் ரக துப்பாக்கிகளைப் பயன்படுத்தினர்.

புலிகளின் இந்தத் தாக்குதலில் ஒரு போலீஸ்காரர் கொல்லப்பட்டார். மேலும் 5 போலீஸ்காரர்களும் 2ராணுவத்தினரும் இத்தாக்குதலின்போது காயமடைந்தனர்.