அப்புவிடம் 2வது நாளாக போலீசார் விசாரணை

காஞ்சிபுரம்:

போலீஸ் காவலில் எடுக்கப்பட்டுள்ள கூலிப் படைத் தலைவன் அப்புவிடம் நேற்று நள்ளிரவு வரை போலீஸார்தீவிர விசாரணை நடத்தினர். இன்று காலை 6 மணிக்கே மீண்டும் விசாரணை ஆரம்பித்துவிட்டது.

சங்கரராமனைக் கொலை செய்த கூலிப் படையின் தலைவன் அப்பு போலீஸ் வசம் சிக்கியுள்ளான். அவனை 15நாள் நீதிமன்றக் காவலில் வைக்க காஞ்சிபுரம் நீதிமன்றம் உத்தரவிட்டது.

அவனிடம் விசாரணை நடத்த வேண்டும் என்று போலீசார் கூறியதால் 3 நாள் போலீஸ் காவலில் வைக்க நீதிபதிஉத்தமராஜன் உத்தரவிட்டார். இதையடுத்து மாவட்ட ஆட்சித் தலைவர் அலுவலக வளாகத்திற்குள் உள்ள காட்டுப்பங்களாவுக்கு அப்பு கொண்டு செல்லப்பட்டான்.

அங்கு வைத்து அவனிடம் நேற்று மாலை 3 மணிக்கு விசாரணை தொடங்கியது.

நள்ளிரவு வரை இந்த விசாரணை நீடித்தது. எஸ்.பி. பிரேம்குமார், கூடுதல் எஸ்.பி. சக்திவேல் உள்ளிட்டஅதிகாரிகள் விசாரணை நடத்தினர்.

இரவு 1 மணிக்கு தூங்கச் செல்ல அனுமதிக்கப்பட்ட அப்புவிடம் காலை 6 மணிக்கே மீண்டும் விசாரணைதொடங்கிவிட்டதாக காவல்துறை வட்டாரங்கள் தெரிவிக்கின்றன. தொடர்ந்து அவனிடம் விசாரணை நடந்துவருகிறது.

ஆற்காடு, அண்ணாநகர் ரமேஷ்:

சங்கர மடத்துடனான தொடர்புகள், ரவி சுப்ரமணியத்துடனான தொடர்புகள், இவன் நடத்தியுள்ள மொத்தகொலைகள், இவனது கட்டுப்பாட்டில் உள்ள கூலிப் படைகள், மாஜி திமுக அமைச்சர் ஆற்காடு வீராசாமியுடனானதொடர்பு, அண்ணாநகர் ரமேஷ் மர்மச் சாவு ஆகிய விவகாரங்கள் குறித்து அப்புவிடம் விசாரிக்கப்பட்டு வருகிறது.