இடைத் தேர்தல்: வைகோ 8 நாட்கள் பிரசாரம்

கோவை:

காஞ்சிபுரம், கும்மிடிப்பூண்டி சட்டசபை இடைத் தேர்தலில் திமுக வேட்பாளர்களை ஆதரித்து 8 நாட்கள் பிரசாரம் செய்யப் போவதாக மதிமுக பொதுச் செயலாளர் வைகோ அறிவித்துள்ளார்.

கோவை வந்த அவர் செய்தியாளர்களிடம் பேசுகையில், சட்டசபை இடைத் தேர்தலில் திமுக வேட்பாளர்களுக்கு ஆதரவு தெரிவிக்க மதிமுக செயற்குழுக் கூட்டத்தில் முடிவு செய்யப்பட்டது.

இதையடுத்து காஞ்சிபுரம் சட்டசபைத் தொகுதியில் 4 நாட்களும், கும்மிடிப்பூண்டியில் 4 நாட்களும் பிரசாரம் செய்யவுள்ளேன். மே 3ம் தேதி தொடங்கி 11ம் தேதி வரை எனது பிரசாரம் 8 நாட்களுக்கு நடைபெறும்.

நாடாளுமன்றத்தை முடக்கும் தேசிய ஜனநாயக கூட்டணி கட்சியினரின் போக்கு சரியானதல்ல. பிரதமர் கேட்டுக் கொண்ட பிறகும் அவர்கள் போராட்டத்தில் ஈடுபட்டுள்ளது தவறானதாகும். இது ஜனநாயகத்திற்கு நல்லதல்ல என்றார் வைகோ.