மீனாட்சி வழக்கு: உண்மை அறியும் சோதனை முடிந்தது

சென்னை:

குளித்தலை ஆசிரியை மீனாட்சி காணாமல் போன வழக்கில் அவரது கணவர் உள்ளிட்ட 4 பேரிடமும் நடத்தப்பட்ட உண்மைஅறியும் சோதனை முடிவடைந்தது. இதையடுத்து இதுதொடர்பான அறிக்கை ஜூன் 16ம் தேதி மதுரை உயர்நீதிமன்றக் கிளையில்தாக்கல் செய்யப்படுகிறது.

குளித்தலை ஆசிரியை மீனாட்சி காணாமல் போன வழக்கில் துப்பு கிடைக்காமல் சிபிசிஐடி போலீஸார் திண்டாடி வருகிறார்கள்.இந் நிலையில் மீனாட்சியின் கணவர் ஜோதி ராமலிங்கம், அவரது தம்பி பசுபதி, அதிமுக எம்.எல்.ஏ. பாப்பா சுந்தரத்தின் உறவினர்ரங்கநாதன், ஆசிரியர் சிவக்குமார் ஆகியோரிடம் பெங்களூரில் உண்மை அறியும் கருவி மூலம் விசாரணை நடத்தப்பட்டது.

மூளையில் அதிர்வுகளை ஏற்படுத்தி நடத்தப்பட்ட இந்த விசாரணையின் போது பல திடுக்கிடும் தகவல்கள் கிடைத்துள்ளதாகபோலீஸ் தரப்பில் கூறப்படுகிறது.

இந்த விசாரணை தொடர்பான அறிக்கை அடுத்த மாதம் 16ம் தேதி மதுரை உயர்நீதிமன்றக் கிளையில் தாக்கல்செய்யப்படவுள்ளது.