மும்பை குண்டுவெடிப்புகள் - ஒரு பிளாஷ்பேக்!

மும்பை:

மும்பையில் குண்டுவெடிப்புச் சம்பவங்கள் புதிதல்ல. தொடர்பான செய்திகள்பு பலமுறைகுண்டவெடிப்புத் தாக்குதலில் சிக்கி மும்பை ரத்தம் சிந்தியுள்ளது.

1993ம் ஆண்டு மார்ச் 12ம் தேதி மும்பை நகரின் 13 இடங்களில் அடுத்தடுத்து சக்திவாய்ந்த குண்டுகள் வெடித்தன. நாட்டையே உலுக்கிய இந்த தொடர்குண்டுவெடிப்பில் 250க்கும் மேற்பட்டோர் உயிரிழந்தனர்.

ஆயிரத்திற்கும் மேற்பட்டோர் படுகாயம் அடைந்தனர். ஆர்.டி.எக்ஸ். ரகவெடிகுண்டுகள் பெரிய அளவில் பயன்படுத்தப்பட்டது இதுதான் முதல் முறை.இந்தத் தாக்குதலைத் திட்டமிட்டவன் தாவூத் இப்ராகிம்.

இதையடுத்து கடந்த 2002ம் ஆண்டு டிசம்பர் 2ம் தேதி மும்பை காட்கோபர் ரயில்நிலைய வாசலில் சக்தி வாய்ந்த குண்டு வெடித்தது.

பேருந்துக்குள் வெடித்த இந்த குண்டு 2 பேரை காவு வாங்கியது. 20க்கும்மேற்பட்டோர் படுகாயம் அடைந்தனர். இந்த சம்பவம் தொடர்பாக 6 பேரைபோலீஸார் கைது செய்தனர்.

அதே ஆண்டு டிசம்பர் 6ம் தேதி மும்பை சென்டிரல் ரயில் நிலையத்தில் உள்ளஹோட்டலில் குண்டு வெடித்தது. இதில் உயிரிழப்பு இல்லை என்றபோதிலும் 25 பேர்காயமடைந்தனர்.

2003ம் ஆண்டு ஜனவரி 27ம் தேதி விலிபார்லே ரயில் நிலையம் முன்பு சைக்கிளில்வைக்கப்பட்டிருந்த குண்டு வெடித்தது. இதில் 30 பேர் காயமடைந்தனர்.அதிர்ஷ்டவசமாக பெரும் உயிர்ச் சேதம் தவிர்க்கப்பட்டது.

அதே ஆண்டு மார்ச் 13ம் தேதி லாத் ரயில் நிலையத்தில், புறநகர் ரயில் ஒன்றில் சக்திவாய்ந்த குண்டு வெடித்தது. இதில் 11 பேர் பலியாயினர். 50க்கும் மேற்பட்டோர்காயமடைந்தனர்.

பின்னர் ஆகஸ்ட் 25ம் தேதி நடந்த இரட்டை வெடிகுண்டு சம்பவத்தில் 45 பேர்கொல்லப்பட்டனர். ஜாவேரி பஜார், கேட்வே ஆப் இந்தியா ஆகிய இடங்களில்குண்டு வெடிப்புகள் நடந்தன.

இதைத் தொடர்ந்து நேற்று நடந்த பயங்கர சங்கிலிக் குண்டு வெடிப்பில் 174 உயிர்கள்பலியாகியுள்ளன.