• search
For Quick Alerts
ALLOW NOTIFICATIONS  
For Daily Alerts

திருமணம் நடத்தி மருத்துவ மாணவர்கள் நூதனப் போராட்டம்!

By Staff
|
Doctors Logo
நாகர்கோவில்: கட்டாய கிராமப்புற சேவைக்கு எதிர்ப்பு தெரிவித்து நாகர்கோவிலில் மருத்துவ மாணவர்கள் வயதானவர்கள் போல் மாறுவேடம் போட்டு, திருமணம் செய்து நூதன போராட்டம் நடத்தினர்.

எம்.பி.பி.எஸ். படிப்பை ஆறரை ஆண்டுகளாக உயர்த்தியும், கிராமப்புறங்களில் ஒரு வருடம் கட்டாயம் பணிபுரிய வேண்டும் என்றும் மத்திய சுகாதாரத் துறை புதிய முடிவை எடுத்துள்ளது.

இதற்கு எதிர்ப்பு தெரிவித்து தமிழகம் முழுவதும் மருத்துவக் கல்லூரி மாணவர்கள் போராட்டத்தில் குதித்துள்ளனர்.

முதல்வர் கருணாநிதி இதில் தலையிட்டு மத்திய அரசுடன் பேசி தீர்வு காண முயற்சிக்கிறேன் என்று உறுதிமொழி அளித்ததை தொடர்ந்து சென்னையில் போராட்டம் வாபஸ் பெறப்பட்டு விட்டது. இருப்பினும் தமிழகத்தின் மற்ற இடங்களில் தொடர்ந்து போராட்டம் நடைபெற்றுக் கொண்டிருக்கிறது.

நாகர்கோவில், ஆசாரிப்பள்ளம் மருத்துவக்கல்லூரி மாணவ-மாணவிகள் மவுன விரதம், மனிதச்சங்கிலி, உண்ணாவிரம் மற்றும் ஆர்ப்பாட்டம் நடத்தி தங்கள் எதிர்ப்புகளை தெரிவித்தனர்.

இந்நிலையில் இரண்டு மாணவர்கள் வயதானவர்கள் போல் வேடம் போட்டுக் கொண்டு கல்லூரி வளாகத்திற்குள் மற்ற மாணவர்கள் கெட்டிமேளம் முழங்க 'திருமணம்' செய்து கொண்டனர்.

இந்த திருமணப் போராட்டத்தின் மூலம், அரசின் உத்தரவால் நாங்கள் இப்போதைக்கு பணியை தொடங்கி திருமணம் செய்யப் போவதில்லை. வயது முதிர்ந்த பிறகுதான் திருமணம் என்பதை அரசுக்கு விளக்கவே இவ்வாறு போராட்டத்தில் ஈடுபட்டதாக மாணவர்கள் தெரிவித்தனர்.

மாணவர்கள் செய்த இந்த நூதன திருமணப் போராட்டத்தால் அங்கு பரபரப்பு ஏற்பட்டது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more