தீபாவளி நெரிசல் - சென்னை - நாகர்கோவில் இடையே சிறப்பு ரயில்கள்

மதுரை: தீபாவளியை முன்னிட்டு சென்னை சென்ட்ரல் - நாகர்கோவில் இடையே சிறப்பு ரயில்கள் இயக்கப்படுவதாக மதுரை கோட்டம் அறிவித்துள்ளது.

இது குறித்து மதுரை ரயில்வே மேலாளர் அலுவலக செய்திக் குறிப்பு...

சென்னை சென்ட்ரல் - நாகர்கோவில் (வண்டி எண் 0615) ரயில், சென்னை சென்ட்ரலில் இருந்து அக்டோபர் 15 ம் தேதி அன்று இரவு 10.20 மணிக்கு புறப்பட்டு மறுநாள் மதியம் 1 மணிக்கு நாகர்கோவில் வந்து சேரும்.

நாகர்கோவில் - சென்னை சென்ட்ரல் ( வண்டி எண் 0616) ரயில், நாகர்கோவிலில் இருந்து அக்டோபர் 16 ம் தேதி அன்று மாலை 4.30 மணிக்கு புறப்பட்டு மறுநாள் காலை 8.30 மணிக்கு சென்னை சென்ட்ரல் சென்றடையும்.

சென்னை சென்ட்ரல் - நாகர்கோவில் (வண்டி எண் 0633) ரயில், சென்னை சென்ட்ரலில் இருந்து அக்டோபர் 17 ம் தேதி அன்று இரவு 8.30 மணிக்கு புறப்பட்டு மறுநாள் காலை 10.50 மணிக்கு நாகர்கோவில் வந்து சேரும்.

நாகர்கோவில் - சென்னை சென்ட்ரல் (வண்டி எண் 0634) ரயில், நாகர்கோவிலில் இருந்து அக்டோபர் 18 ம் தேதி அன்று மாலை 4.30 மணிக்கு புறப்பட்டு மறுநாள் காலை 8.30 மணிக்கு சென்னை சென்ட்ரல் சென்றடையும் என்று அந்த அறிக்கையில் தெரிவிக்கப்பட்டுள்ளது.