For Quick Alerts
ALLOW NOTIFICATIONS  
For Daily Alerts
Just In
Oneindia App Download

அயோத்தி: மத மோதல்களை உருவாக்குகிறார் கருணாநிதி-பாஜக குற்றச்சாட்டு!

By Chakra
Google Oneindia Tamil News

மதுரை: அயோத்தி வழக்கு தீர்ப்பு வருவதற்கு முன் நீதிமன்றத் தீர்ப்பை அனைவரும் ஏற்க வேண்டும் என்று வேதம் ஓதியவர், இப்போது மத உணர்வுகளைத் தூண்டும் விதத்தில் எழுதவும், பேசவும் தொடங்கியுள்ளார் என்று முதல்வர் கருணாநிதி மீது பாஜக மாநிலத் தலைவர் பொன்.ராதாகிருஷ்ணன் குற்றம் சாட்டியுள்ளார்..

அவர் வெளியிட்டுள்ள அறிக்கையில், அயோத்தி ராமஜென்ம பூமி வழக்கில் 60 ஆண்டுகளுக்குப் பிறகு தீர்ப்பு வழங்கப்பட்டுள்ளது. இனி வகும் காலங்களில் நடப்பவை நல்லவையாக இருக்க வேண்டும் என்று நாட்டு மக்கள் விரும்புகின்றனர்.

ஆனால், தமிழக முதல்வர் கருணாநிதியும், உத்தரப் பிரதேச முன்னாள் முதல்வர் முலாயம் சிங்கும் அமைதிக்குக் குந்தகம் விளைவிக்கும் வகையில் செயல்பட்டு வருகின்றனர்.

ராமஜென்ம பூமி பிரச்சனை உச்சத்தில் இருந்தபோது, அயோத்தியில் தான் ராமன் பிறந்தார் என்பதற்கு என்ன ஆதாரம்? என்று கேலி பேசி மத உணர்வுகளைத் தூண்டி விட்டதும் இவர்கள் தான்.

ராமர் பாலம் பிரச்சனை எழுந்த போது ராமர் எந்தப் பொறியியல் கல்லூரியில் படித்தார் என்று முதல்வர் கருணாநிதி கடுஞ்சொல் உதிர்த்தார்.

அயோத்தி வழக்கில் தீர்ப்பு வருவதற்கு முன்பு நீதிமன்றத் தீர்ப்பை அனைவரும் ஏற்க வேண்டும் என்று வேதம் ஓதியவர், இப்போது மத உணர்வுகளைத் தூண்டும் விதத்தில் எழுதவும், பேசவும் தொடங்கியுள்ளார்.

அயோத்தியில்தான் ராமர் பிறந்தார் என்று நீதிமன்றம் உறுதியாக தீர்ப்பு வழங்கியுள்ளது.

ஆனால், ராஜராஜன் மறைந்த விதத்தையோ, அவரது கல்லறை அமைந்த இடத்தையோ நம்மால் இன்னமும் அறிய முடியவில்லை என்று கருணாநிதி கூறுகிறார். இது வாழைப்பழத்தில் ஊசி இறக்கும் வேலை என்பதை எல்லோரும் நன்கறிவார்கள்.

5வது முறையாக முதல்வராக இருக்கும் கருணாநிதி, ராஜராஜ சோழனின் நினைவிடத்தை ஏன் கண்டுபிடிக்க முடிவில்லை?, ராஜராஜனின் ஆட்சிச் சிறப்புகள், நினைவுச் சின்னங்கள் குறித்து அகழ்வாராய்ச்சிகள் நடத்தாதது ஏன்?, நடத்தக் கூடாது என்று யாராவது தடுத்தார்களா?.

தான் ஆற்ற வேண்டிய கடமையைச் செய்யாமல் யார் யார் மீதே பழியை போடுவது ஏன்?. இனியாவது தமிழகத்தின் பழம் பெருமையைக் காக்க கருணாநிதி நடவடிக்கை எடுக்க வேண்டும் என்று கூறியுள்ளார்.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X