சேலம் சாலை விபத்தில் 8 ஆந்திர ஐயப்ப பக்தர்கள் பலி

சேலம்: சேலம் அருகே நடந்த சாலை விபத்தில் ஆந்திராவைச் சேர்ந்த 8 ஐயப்ப பக்தர்கள் உயிரிழந்தனர்.

ஆந்திர மாநிலம் குப்பத்தைச் சேர்ந்த சில ஐயப்ப பக்தர்கள் சபரிமலைக்குப் போய் தரிசனத்தை முடித்துக் கொண்டு ஊர் திரும்பிக் கொண்டிருந்தனர். அவர்கள் வந்த வேன், இன்று அதிகாலை 4 மணியளவில் சேலம் அருகே வந்தபோது, சாலையோரம் நின்றிருந்த பஞ்சு ஏற்றியிருந்த லாரி மீது மோதி விட்டது.

இதில் வேனில் பயணம் செய்த ஐயப்ப பக்தர்களில் 12 வயது சிறுவன் உள்பட 8 பேர் உயிரிழந்தனர். அனைவரும் ஒரே குடும்பத்தைச் சேர்ந்தவர்கள் என்று தெரிய வந்துள்ளது.

விபத்தில் காயமடைந்தவர்கள் மருத்துவமனையில் அனுமதிக்கப்பட்டுள்ளனர்.

English summary

Eight Ayyappa devotees were killed and two persons, including a 12-year-old boy, injured when the car in which they were travelling rammed into a stationary lorry near Salem today. The victims, all members of one family, were returning to Kuppum in Andhra Pradesh after having darshan at the Lord Ayyappa temple at Sabarimala in Kerala.