முதல்வரை விமர்சித்த வழக்கு: டிச.21ல் ஆஜராக விஜயகாந்துக்கு பெரம்பலூர் நீதிமன்றம் உத்தரவு

பெரம்பலூர்: தமிழக முதல்வர் ஜெயலலிதாவை அவதூறாகப் பேசிய வழக்கில் டிசம்பர் 21-ந் தேதி நேரில் ஆஜராக வேண்டும் என்று தேமுதிக தலைவர் விஜயகாந்துக்கு பெரம்பலூர் நீதிமன்றம் உத்தரவிட்டிருக்கிறது.

விஜயகாந்த் பிறந்த நாளை முன்னிட்டு ஆகஸ்ட் 14-ந் தேதி பெரம்பலூரில் நடைபெற்ற பொதுக்கூட்டத்தில் விஜயகாந்த் கலந்து கொண்டார். இதில் முதல்வர் ஜெயலலிதாவை விமர்சித்துப் பேசியதாக பெரம்பலூர் நீதிமன்றத்தில் அரசு வழக்கறிஞர் குலோத்துங்கன் வழக்குத் தொடர்ந்திருந்தார்.

இந்த வழக்கை விசாரணைக்கு ஏற்றுக் கொண்ட நீதிபதி ராமசாமி, வரும் 21-ந் தேதி பெரம்பலூர் மாவட்ட முதன்மை அமர்வு நீதிமன்றத்தில் விஜயகாந்த் ஆஜராக உத்தரவிட்டார்.

English summary

The principal district judge of Perambalur ourt on Saturday issued summons to DMDK party chief Vijayakanth to appear before the court on December 21 connection with a defamation case filed by the state government.