'மூஞ்சியை உடைச்சிடுவேன்'; பாஜக நிர்வாகிக்கு மிரட்டல்.. சென்னை கிழக்கு மாவட்ட பாஜக தலைவர் மீது வழக்கு

சென்னை: சென்னை கிழக்கு மாவட்ட பாஜக அரசு தொடர்பு பிரிவு செயலாளர் பாலசுப்ரமணியம் அளித்த கொலை மிரட்டல் புகாரில், பாஜக கிழக்கு மாவட்ட தலைவர் சாய் சத்யன் மீது மூன்று பிரிவுகளில் போலீசார் வழக்குப்பதிவு செய்தனர். தலைமறைவான சாய் சத்யனை போலீசார் தேடி வருகின்றனர்.

சென்னை கிழக்கு மாவட்ட பாஜக அரசு தொடர்பு பிரிவு செயலாளர் பாலசுப்ரமணியத்திற்கு 63 வயது ஆகிறது. இவர், நேற்று பாஜக சார்பில் வேளச்சேரியில் உள்ள தனியார் இடத்தில் நடந்த கட்சியின் ஆலோசனைக் கூட்டத்தில் கலந்து கொண்டார். அப்போது ஆலோசனைக் கூட்டத்தில் பாஜக நிர்வாகிகளுக்குள் சிறிய அளவில் சலசலப்பு ஏற்பட்டது.

பாஜக நிர்வாகிகளின் கூட்டம் முடிந்து வெளியே வந்தபோது சென்னை கிழக்கு மாவட்ட தலைவர் சாய் சத்யனுக்கும், பாலசுப்ரமணியனுக்கும் கடுமையான வாய்த்தகராறு ஏற்பட்டிருக்கிறது . அப்போது பாஜக கிழக்கு மாவட்ட தலைவர் சாய் சத்யன் கொலை மிரட்டல் விடுத்தாக புகார் எழுந்துள்ளது.

இதுபற்றி சென்னை கிழக்கு மாவட்ட பாஜக அரசு தொடர்பு பிரிவு செயலாளர் பாலசுப்ரமணியம் சென்னை வேளச்சேரி காவல் நிலையத்தில் புகார் அளித்தார். அவர் அளித்த புகார் மனுவில், நான் பாஜக மாவட்ட அரசு தொடர்பு பிரிவு செயலாளராக உள்ளேன். ஜூன் 30ம் தேதி வேளச்சேரி விஜயநகர் பிஆர் காம்ப்ளக்ஸ் பின்புறம் உள்ள மஹாலில் பாஜக கட்சியின் ஆலோசனை கூட்டம் நடந்தது.

இந்த கூட்டத்தில் கலந்து கொண்ட பின்னர் சாத் சத்யன் பேசும் போது, மூஞ்சியை உடைத்து விடுவேன் என மிரட்டினார், என்னால் என்ன வேண்டுமானாலும் செய்ய முடியும் என்று கூறினார். எனக்கு கொலை மிரட்டல் விடுத்து எச்சரிக்கை செய்துள்ளார். எனக்கு மன உளைச்சல் ஏற்பட்டது. வீட்டில் உள்ளவர்கள் கவலையுடன் உள்ளார்கள் எனக்கு மனஉளைச்சல் ஏற்பட்டள்ளது. இந்த விவகாரத்தில் நடவடிக்கை எடுத்து பாதுகாப்பு தர வேண்டும்.

இந்நிலையில் சென்னை கிழக்கு மாவட்ட பாஜக அரசு தொடர்பு பிரிவு செயலாளர் பாலசுப்ரமணியம் அளித்த புகாரின் பேரில் வேளச்சேரி போலீசார் 294 (b), 352, 506 (1), உள்ளிட்ட பிரிவுகளின் கீழ் வழக்குப்பதிவு செய்தனர். இதையடுத்து சாய் சத்யனை தேடி அவரது இல்லத்திற்கு காவல்துறையினர் சென்றபோது, அவர் தலைமறைவாகி இருப்பது தெரியவந்தது. தலைமறைவாக உள்ள பாஜக மாவட்ட தலைவர் சாய் சத்யனை வேளச்சேரி போலீசார் தேடி வருகின்றனர்.

English summary

A case has been registered against Chennai East District BJP President Sai Satyan.சென்னை கிழக்கு மாவட்ட பாஜக அரசு தொடர்பு பிரிவு செயலாளர் பாலசுப்ரமணியம் அளித்த கொலை மிரட்டல் புகாரில், பாஜக கிழக்கு மாவட்ட தலைவர் சாய் சத்யன் மீது மூன்று பிரிவுகளில் போலீசார் வழக்குப்பதிவு செய்தனர்.