நடிகர் விஜய், த்ரிஷா தனிப்பட்ட வாழ்க்கை.. விமல், பார்த்திபன் கருத்தை கவனித்தீர்களா

Updated: Monday, March 9, 2026, 15:48 [IST]

Subscribe to Oneindia Tamil

சென்னை: திரைத்துறையில் இரண்டு முன்னணி நடிகர்கள் ஒரே நாளில் வெளிப்படுத்திய கருத்துக்கள், பொதுவெளியில் பெரும் விவாதத்தை ஏற்படுத்தி உள்ளன. நடிகை திரிஷா மற்றும் நடிகர் விஜய் குறித்து , நடிகர் விமல் மற்றும் நடிகர் பார்த்திபன் ஆகியோரின் நேற்றைய பேச்சுகள் பற்றி இந்த பதிவில் பார்ப்போம்.

விமலின் முதிர்ச்சி

நடிகர் விஜய்யின் விவாகரத்து குறித்த சர்ச்சைகள் எழுந்தபோது, சக கலைஞனாக விமல் கையாண்ட விதத்தை தவெக நிர்வாகிகள் மற்றும் விஜய் ரசிகர்கள் வரவேற்கிறார்கள். . இதில் கவனிக்க வேண்டிய முக்கியமான அம்சங்கள்..
தனிமனித உரிமை: "அது அவருடைய தனிப்பட்ட விருப்பம், அதில் நாம் தலையிட முடியாது" என்று கூறியதன் மூலம், ஒருவருடைய அந்தரங்க வாழ்க்கைக்குக் கொடுக்க வேண்டிய மரியாதையை விமல் உறுதிப்படுத்தியுள்ளார்.

அரசியல் நாகரீகம்

விஜய்யின் அரசியல் பயணம் மற்றும் பெண்களுக்கான நலத்திட்ட அறிவிப்புகளை (ரூ. 2500) வரவேற்றது, ஒரு ஆரோக்கியமான விமர்சகராகவும் நலம் விரும்பியாகவும் அவரை அடையாளப்படுத்துகிறது.

எல்லை மீறாமை

வதந்திகளுக்குத் தீனி போடாமல், ஆக்கப்பூர்வமான விஷயங்களில் மட்டும் கருத்து சொன்னது ஒரு பக்குவப்பட்ட அணுகுமுறையாக பார்க்கப்படுகிறது

சர்ச்சையும் பார்வையும்: பார்த்திபனின் அணுகுமுறை

மற்றொரு பக்கம், நடிகர் பார்த்திபன் நடிகை த்ரிஷா குறித்தும், 'குந்தவை' கதாபாத்திரம் குறித்தும் வெளியிட்ட கருத்துக்கள் விவாதங்களை உருவாக்கியுள்ளன. பார்த்திபன் எப்போதும் சிலேடையாகப் பேசுவதில் வல்லவர் என்றாலும், சில நேரங்களில் அத்தகைய ஒப்பீடுகள் பொதுவெளியில் தவறாகப் புரிந்துகொள்ளப்பட வாய்ப்புள்ளது. அப்படித்தான் நேற்று அவர் பேசிய பேச்சு தவறாக புரிந்து கொள்ளப்பட்டுள்ளது. த்ரிஷாவும் நேற்று கடுமையாக எதிர்வினை ஆற்றினார்.

தர்ம சங்கடம்

நடிகர் பார்த்திபனின் பேச்சு நகைச்சுவையாகத் தொடங்கினாலும், அது சம்பந்தப்பட்ட நபரையோ அல்லது அந்தப் பாத்திரத்தின் கண்ணியத்தையோ பாதிக்கிறதா என்பதைத் திரையுலகினர் கவனிக்கத் தவறவில்லை.

Recommended For You

தபால் பாஸ்புக் தொலைந்துவிட்டதா? புதிய பாஸ்புக் பெறுவது எப்படி... எல்லா ஊரிலும் வாங்க முடியமா?

ஒருவரின் பணி மற்றும் கொள்கை சார்ந்து கருத்துக்களை முன்வைக்க வேண்டுமே தவிர, அவர்களின் தனிப்பட்ட வாழ்வைச் சிதைக்கக் கூடாது. பொதுவெளியில் ஒரு பிரபலம் பேசும் ஒவ்வொரு சொல்லும் சமூகத்தில் தாக்கத்தை ஏற்படுத்தும்.. ஏற்கனவே நடிகர் விஜய் குறித்தும் திரிஷா குறித்தும் பல்வேறு வதந்திகள் பூடகமான தகவல்கள் சமூக ஊடகங்களில் பரவி வருகின்ற நிலையில் , பார்த்திபனின் நேற்றைய கருத்தால் அது விவாதத்தை அதிகமாக்கி உள்ளது.

தனிப்பட்ட வாழ்க்கையில் தலையிடாமல் இருப்பதும், மற்றவர்களின் உணர்வுகளுக்கு மதிப்பு கொடுப்பதும் நல்லது என்று பலரும் கருத்துக்களை தெரிவித்து வருகிறார்கள்.