சென்னையில் நடக்கும் அதிசயம்.. சத்தமே இல்லாமல்.. சம்பவம் செய்யும் மெட்ரோ.. லிஸ்டுலேயே இல்லையே
சென்னை: சென்னை மெட்ரோ ரயில் நிறுவனம், இரண்டாம் கட்டப் பணிகள் நிறைவடைந்ததும், 30 லட்சம் சதுர அடிக்கும் அதிகமான அலுவலக கட்டிடங்கள் மற்றும் வணிக கட்டிடங்களை வழங்கத் தயாராகி வருகிறது. இன்னும் மூன்று ஆண்டுகளில் இந்த திட்டப் பணிகள் முடிவடையும் என எதிர்பார்க்கப்படுகிறது.
மெட்ரோ ரயில் அதிகாரிகள் தெரிவிக்கையில், இரண்டாம் கட்டத்தில் உள்ள 118.9 கி.மீ நீள வழித்தடத்தில் 128 நிலையங்களில், குறைந்தபட்சம் 25 நிலையங்களில் சொத்து மேம்பாட்டுப் பணிகள் திட்டமிடப்பட்டுள்ளதாகத் தெரிவித்தனர்.
சென்னை மெட்ரோ
சென்னை சென்ட்ரல், மந்தவெளி, ஆயிரம் விளக்கு, திருமங்கலம் போன்ற முக்கிய மெட்ரோ நிலையங்களில் பிரம்மாண்டமான கோபுரங்கள் அமையவுள்ளன. மேலும், பெருங்குடி, சோழிங்கநல்லூர், காரப்பாக்கம், துரைப்பாக்கம், மாதவரம் ஹைரோடு, செம்பியம், அயனாவரம், ஓட்டேரி, பெரம்பூர் பேரக்ஸ் சாலை, புரசைவாக்கம், சேத்துப்பட்டு, ஸ்டெர்லிங் சாலை, நுங்கம்பாக்கம், ராயப்பேட்டை, அடையாறு டிப்போ, திரு மயிலை போன்ற பல நிலையங்களில் கூடுதல் தளங்கள் அலுவலக இடங்களுக்காக அல்லது சில்லறை வணிக நிறுவனங்களுக்காகக் கட்டப்படும்.
முக்கிய மேம்பாட்டுத் திட்டங்கள் உள்ள நிலையங்கள்: சென்னை சென்ட்ரல், ஆயிரம் விளக்கு, திருமங்கலம், மந்தவெளி. "முதல் கட்டத் திட்ட அனுபவத்திலிருந்து கற்றுக்கொண்டு, கட்டுமான நிலையிலேயே இத்தகைய உள்கட்டமைப்பை உருவாக்க வேண்டியதன் அவசியத்தை உணர்ந்தோம்," என்று ஒரு அதிகாரி கூறினார்.
மெட்ரோ பணிகள் தீவிரம்
மேலும் அவர், "நிலம் கிடைக்கும் தன்மைக்கு ஏற்ப, நுழைவு/வெளியேறும் புள்ளிகளுக்கு மேலே அல்லது அருகிலுள்ள நிலத்தில், அலுவலகம், வணிகம் அல்லது சில்லறை விற்பனைக்கான பல அடுக்கு மாடிக் கட்டடங்களை அமைத்து வருகிறோம். எதிர்காலத்தில், வேலைக்குச் செல்வதோ, ஷாப்பிங் செய்வதோ அல்லது உணவருந்துவதோ பொதுப் போக்குவரத்தைப் பயன்படுத்த வேண்டும் என்பதே எங்கள் நோக்கம்," என்றார்.
அடுத்த சில ஆண்டுகளில் சென்னை நகருக்கு 30 லட்சம் சதுர அடி அலுவலக இடமும், 2.5 லட்சம் சதுர அடி சில்லறை விற்பனை இடமும் கிடைப்பதால் பெரும் நன்மை கிடைக்கும் என்றார்.
மூன்றாம் மற்றும் ஐந்தாம் வழித்தடங்களில் திட்டமிடப்பட்டுள்ள சொத்துக்களின் பரப்பளவு (சதுர மீட்டர்): நேரு நகர் - 40,083, பெருங்குடி - 4,943, காரப்பாக்கம் - 4,662, சோழிங்கநல்லூர் - 12,285, துரைப்பாக்கம் - 12,045, மாதவரம் ஹைரோடு - 2,200, புரசைவாக்கம் - 5,192, ராயப்பேட்டை - 1,352, அடையாறு டிப்போ - 1,654, சாஸ்திரி நகர் - 7,343.
"நகரத்தில் அலுவலக இடங்களுக்கான தேவை அதிகரித்து வருகிறது. வணிக இடங்களுக்கான நிலத் தட்டுப்பாடு இருக்கும் இக்காலத்தில், மெட்ரோ ரயில் நிலையங்களுடன் இணைக்கப்பட்ட அல்லது அருகிலுள்ள நிலங்களில் அலுவலக மற்றும் சில்லறை விற்பனை இடங்களை உருவாக்குவது ஒரு சிறந்த உத்தி" என்றும் அதிகாரிகள் குறிப்பிட்டனர்
நிலப் பார்சல்களில் பெரிய சொத்து மேம்பாட்டுத் திட்டங்கள், நிலையங்களுக்கு அருகிலேயே அலுவலகங்கள் அல்லது வணிக வளாகங்களை அமைக்க பெரிய நிறுவனங்களை ஈர்க்கும் என்றும் அவர் சுட்டிக்காட்டினார். "போட் கிளப், நுங்கம்பாக்கம் மற்றும் ஸ்டெர்லிங் சாலை போன்ற சிறிய நிலையங்கள் குறிப்பிட்ட துணைச் சந்தைகளில் உயர்தர சில்லறை விற்பனைத் தேவையை அதிகரித்து, புதிய தேவையை உருவாக்க முடியும்."
பழைய மகாபலிபுரம் சாலையில் உள்ள தகவல் தொழில்நுட்ப வழித்தடமும், பூவிருந்தவல்லி நெடுஞ்சாலை வழித்தடமும் (வரவிருக்கும் ஃபிண்டெக் வழித்தடம்) சென்னை மெட்ரோ ரயில் வழங்கும் இணைப்பு வசதி மற்றும் கூடுதல் அலுவலக, வணிக இடங்களால் கணிசமான பலன் பெறும் என்று அவர் வாதிட்டார்.
"கிட்டத்தட்ட ஒவ்வொரு நிலையமும் சில்லறை மற்றும் வணிக மேம்பாட்டை மனதில் கொண்டே வடிவமைக்கப்பட்டுள்ளது. நிறுவனங்கள் அலுவலகங்களை அமைத்தாலும் அல்லது சில்லறை மற்றும் உணவு விற்பனை நிலையங்கள் வந்தாலும், இரண்டாம் கட்டத் திட்டம் முடிந்த பிறகு, முழு சுற்றுச்சூழல் அமைப்பும் வலுப்பெற்று, சென்னையை உலகத் தரம் வாய்ந்த மையமாக மாற்றும்" என்றும் அதிகாரிகள் கூறினர்.
Click it and Unblock the Notifications
Sign in with Google