அன்பானவள்! தைரியமானவள்! அவளுடன் நானும் இறந்துவிட்டேன்.. மகள் மீரா தற்கொலையால் விஜய் ஆண்டனி உருக்கம்

சென்னை: மகள் மீரா தற்கொலை செய்த நிலையில் இசையமைப்பாளரும், நடிகருமான விஜய் ஆண்டனி உருக்கமான அறிக்கையை வெளியிட்டுள்ளார். அதில் என் மகள் ஜாதி, மதம், பணம், வன்மம் இல்லாத ஒரு அமைதியான இடத்துக்கு தான் சென்று இருக்கிறாள் என் மகள் என்னுடன் பேசிக்கொண்டு இருக்கிறார். அவளுடன் நானும் இறந்துவிட்டேன்'' என உருக்கமாக தெரிவித்துள்ளார்.

திரைப்பட இசையமைப்பாளராகவும், நடிகராகவும் இருப்பவர் விஜய் ஆண்டனி. இவர் தனது குடும்பத்துடன் சென்னை ஆழ்வார்பேட்டை டிடிகே சாலையில் உள்ள வீட்டில் வசித்து வருகிறார். இவருக்கு 2 மகள்கள் இருந்தனர். மூத்த மகள் பெயர் மீரா. இளைய மகள் பெயர் லாரா.

இதில் மூத்த மகள் மீரா தனியார் பள்ளியில் பிளஸ் 2 படித்து வந்தார். இந்நிலையில் தான் கடந்த வீட்டில் யாரும் இல்லாதபோது கடந்த 19ம் தேதி அதிகாலையில் மீரா தனது வீட்டு அறையில் தூக்கிட்டு கொண்டார். இதையடுத்து அவர் மீட்கப்பட்டு மருத்துவமனையில் அனுமதிக்கப்பட்டார்.

மீராவை பரிசோதித்த டாக்டர்கள் அவர் ஏற்கனவே இறந்துவிட்டதாக தெரிவித்தனர். இதனால் விஜய் ஆண்டனி மற்றும் அவரது மொத்த குடும்பமும் கதறி அழுதது. இதையடுத்து அவரது உடல் வீட்டில் அஞ்சலிக்காக வைக்கப்பட்டது. திரையுலகை சேர்ந்த கலைஞர்கள் அவரது உடலுக்கு அஞ்சலி செலுத்தி விஜய் ஆண்டனிக்கு ஆறுதல் கூறினர்.

pic.twitter.com/Kt5EUSlZFq

— vijayantony (@vijayantony) September 21, 2023

இதையடுத்து சென்னை கீழ்பாக்கத்தில் உள்ள கல்லறை தோட்டத்தில் அவரது உடல் அடக்கம் செய்யப்பட்டது. இதுபற்றி தேனாம்பேட்டை போலீசார் வழக்குப்பதிவு செய்து விசாரணை நடத்தி வருகின்றனர். மனஅழுத்தம் காரணமாக மீரா தற்கொலை செய்திருக்கலாம் என கூறப்படுகிறது. மேலும் அனைவரையும் மிஸ் செய்வதாக அவர் எழுதி வைத்திருந்த கடிதமும் போலீசாருக்கு கிடைத்துள்ளது.

இந்நிலையில் தான் இசையமைப்பாளர் விஜய் ஆண்டனி தனது மகள் பற்றி உருக்கமான அறிக்கையை வெளியிட்டுள்ளார். இதுதொடர்பாக விஜய் ஆண்டனி வெளியிட்டுள்ள அறிக்கையில், ‛‛அன்பு நெஞ்சங்களே, என் மகள் மீரா மிகவும் அன்பானவள். தைரியமானவள். அவள் இப்போது இந்த உலகைவிட சிறந்த ஜாதி, மதம், பணம், பொறாமை, வலி, வறுமை, வன்மம் இல்லாத ஒரு அமைதியான இடத்திற்கு தான் சென்று இருக்கிறாள்.

என்னிடம் பேசிக்கொண்டு இருக்கிறாள். அவளுடன் நானும் இறந்துவிட்டேன். நான் இப்போது அவளுக்காக நேரம் செலவிட ஆரம்பித்துவிட்டேன். அவள் பெயரில் நான் செய்யப்போகும் நல்ல காரியங்கள் அனைத்தையும் அவளே தொடங்கி வைப்பாள்'' என உருக்கமாக தெரிவித்துள்ளார்.

English summary

Music composer and actor Vijay Antony has released a heartfelt statement after his daughter Meera committed suicide. In it, my daughter is going to a peaceful place where there is no caste, religion, money or hatred. My daughter is talking to me. "I died with her," he said passionately.