சென்னையில் அதிகாலையிலேயே செம மழை.. சூப்பர் கூல் கிளைமேட்.. மக்கள் மகிழ்ச்சி!
அடுத்த மூன்று நாட்களுக்கு சென்னையில் தீவிர கனமழை பெய்ய வாய்ப்புள்ளது என்று வானிலை ஆய்வு மையம் எச்சரிக்கை விடுத்துள்ளது.
Recommended Video
சென்னை: சென்னை முழுக்க பரவலாக மழை பெய்து வருகிறது. அதிகாலையில் இருந்து சென்னையில் மழை பெய்து வருகிறது.
சென்னையில் கடந்த ஒரு மாதமாக மிகவும் குளிர்ச்சியான வானிலை நிலவி வருகிறது. அதிலும் புத்தாண்டிற்கு பின் மிகவும் குளிர்ச்சியான வானிலை நிலவிக் கொண்டு இருக்கிறது. கடந்த மூன்று நாட்களாக சென்னையில் விட்டு விட்டு மழை பெய்கிறது.
இந்த நிலையில் சென்னையில் இப்போதைக்கு வடகிழக்கு பருவமழை மழை விடுவதற்கு வாய்ப்பு கிடையாது. அடுத்த மூன்று நாட்களுக்கு சென்னையில் கனமழை பெய்ய வாய்ப்புள்ளது என்று வானிலை ஆய்வு மையம் எச்சரிக்கை விடுத்துள்ளது.
அந்த வகையில் தற்போது சென்னையில் மழை பெய்து வருகிறது. வடபழனி , அண்ணா சாலை, நுங்கம்பாக்கம், கோடம்பாக்கம், தி.நகர், வள்ளுவர் கோட்டம், கோயம்பேடு ஆகிய இடங்களில் மழை செய்து வருகிறது. தாம்பரம், குரோம்பேட்டை உள்ளிட்ட புறநகர் பகுதிகளில் சாரல் மழை பெய்து வருகிறது.
இன்று மாலை வரை இந்த மழை பெய்யும் என்று எதிர்பார்க்கப்படுகிறது. இன்று இரவும் சென்னையில் லேசான மழை பெய்ய வாய்ப்புள்ளது.