தயவு செஞ்சு யாரும் இந்த மொபைல் ஆப்புல கடன் வாங்காதீங்க.. இல்லாட்டி உங்களுக்கே ஆப்பா தான் முடியுமாம்

சென்னை: தயவுசெஞ்சு யாரும் இந்த மொபைல் ஆப்புல கடன் வாங்காதீங்க என்று நெட்டிசன்கள் பலர் எச்சரித்து வருகிறார்கள். மொபைல் ஆப் கடன்கள் எந்த அளவிற்கு தந்திரமானது, அது உங்களை எந்த அளவிற்கு உளவு பார்க்கும்? உங்கள் வாழ்க்கையில் அதனால் என்னவெல்லாம் நடக்கும் என்பதை வெளிப்படையாக நெட்டிசன் ஒருவர் கூறியுள்ளார்.

கடன் யார் ஆன்லைனில் கொடுத்தாலும் வாங்கிவிடுவது சிலர் பழக்கமாக வைத்திருக்கிறார்கள். அப்படி கடன் வாங்கினால் என்ன மாதிரியான விளைவுகள் ஏற்படும் என்று தெரியாமல் காலெமல்லாம் கஷ்டப்படுவோர் பலர் இருக்கிறார்கள். கடன் வாங்குவது தவறு என்றால், ஆப்களில் கடன் வாங்குவது மிகப்பெரிய தவறு ஆகும்.

மொபைல் ஆப்களில் கடன் வாங்கினால் அதிக வட்டி என்பதுடன், கட்ட முடியாத நிலை ஏற்பட்டால், உங்கள் தொடர்பில் உள்ள நண்பர்கள் மற்றும் உறவினர்களுக்கு நீங்கள் கடன் வாங்கி தகவலை மெசேஜ் ஆக வாட்ஸ் ஆப்பில் அனுப்புவார்கள். உங்கள் நண்பர்களுக்கு அழைத்த உங்கள் கடனை கட்ட சொல்லி திட்டவும் செய்வார்கள். இதன் மூலம் அவமானத்திற்கு பயந்து கடனை கட்டுவீர்கள் என்பதால் இப்படியான டெக்னிக்கை மொபைல் ஆப் கடன் நிறுவனங்கள் சில செய்து வருகின்றன.

அண்மையில் இதனால் சிலர் பாதிக்கப்பட்டு உயிரை மாய்த்து கொண்டது பெரும் அதிர்வலைகளை ஏற்படுத்தியது. அதன்பிறகு கொஞ்சம் குறைந்த நிலையில், மீண்டும் கடன் தருவதில் மொபைல் ஆப்கள் ஆதிக்கம் செலுத்துகின்றன. சில்லரை கடன்கள் அதிக வட்டிக்கு மொபைல் ஆப்கள் தருகின்றன. சில்லறை கடன்களை சரியாக கட்டிவிட்டால் பிரச்சனை இல்லை. ஆனால் கட்டாவிட்டால் மிகப்பெரிய சிக்கல் வரும்.

Dear friends and followers.

தயவுசெஞ்சு யாரும் இந்த மொபைல் appல கடன் வாங்காதிங்க. நீங்க மொபைல் ஆப்ல கடன் வாங்குறப்போ அது உங்களுக்கே ஆப்பா தான் வந்து முடியும். அவனுங்க நீங்க கடன் வாங்குறப்பவே உங்க போன ஹேக் பண்ண எல்லா அனுமதியும் உங்கக்கிட்ட வாங்கிடுறாங்க. இது உங்கள மட்டும்

— சொல்லக்கூடாதாம் ⭐ (@Sollakudatham) October 31, 2023

இதுபற்றி நெட்டிசன் ஒருவர் ட்விட்டரில் வெளியிட்டுள்ள பதிவில், "தயவுசெஞ்சு யாரும் இந்த மொபைல் ஆப்பில் கடன் வாங்காதிங்க. நீங்க மொபைல் ஆப்பில் கடன் வாங்குறப்போ அது உங்களுக்கே ஆப்பா தான் வந்து முடியும். அவனுங்க நீங்க கடன் வாங்குறப்பவே உங்க போன ஹேக் பண்ண எல்லா அனுமதியும் உங்கக்கிட்ட வாங்கிடுறாங்க. இது உங்கள மட்டும் இல்ல உங்க குடும்பத்தையே பாதிக்கும்.

முடிஞ்ச வரைக்கும் அவசர தேவைகளுக்கு உங்கள தயார்படுத்திக்கோங்க. ஒரு 2000₹ தெரிஞ்சவங்கக்கிட்ட கடனா வாங்குறதுக்கு யோசிச்சா நீங்க உங்க பணத்தை மட்டும் இல்ல மான மரியாதை எல்லாத்தையும் இழக்கனும். அவங்க கொஞ்சம் கூட கூச்சமே இல்லாம உங்க வீட்டு பொண்ணுங்கள அசிங்கமா மார்ப்பிங் பண்ணி உங்களுக்கே அனுப்புவாங்க உங்க சொந்தக்காரங்க போன் நம்பருக்கு உங்கள பத்தி தப்பா பேசுவாங்க. எவ்வளவோ அசிங்கப்பட வேண்டும். தயவுசெய்து இந்த தப்ப பண்ணாதிங்க. என்னோட நண்பன் ஒருத்தன் இப்போ Hero rupee என்ற ஒரு ஆப்ல வாங்கி இப்போ கஷ்டப்படுறான்.இதுபோன்ற ஆப்களில் கடன் வாங்கி கஷ்டப்படவேண்டாம்ஞ என்று நெட்சன் ஒருவர் எச்சரித்துள்ளார்.

English summary

Many netizens are warning that please don't take a loan from this mobile app. How Tricky Is Mobile App Loans And How Much Can It Spy On You?