வேறு துறைக்கு சென்றாலும் எங்கள் நட்பை உடைக்க முடியாது.. கமல் குறித்து உருக்கமாக பேசிய ரஜினி!
வேறு துறைக்கு சென்றாலும் எங்கள் நட்பு நீடிக்கும், எங்கள் நட்பை யாராலும் உடைக்க முடியாது என்று கமல்ஹாசன் உடனான நட்பு குறித்து ரஜினிகாந்த் பேசி இருக்கிறார்.
Recommended Video
சென்னை: வேறு துறைக்கு சென்றாலும் எங்கள் நட்பு நீடிக்கும், எங்கள் நட்பை யாராலும் உடைக்க முடியாது என்று கமல்ஹாசன் உடனான நட்பு குறித்து ரஜினிகாந்த் பேசி இருக்கிறார்.
நேற்று சென்னையில் மக்கள் நீதி மையம் கட்சி தலைவரும் நடிகருமான கமல் திரைத்துறைக்கு வந்து 60 ஆண்டுகள் ஆனதையொட்டி இதற்காக நேற்று விழா எடுக்கப்பட்டது. சென்னை நேரு உள்விளையாட்டு மைதானத்தில் இந்த விழாவிற்கு பிரம்மாண்ட ஏற்பாடுகள் நடந்தது.
நடிகர் ரஜினிகாந்த், வடிவேல், நடிகர் பிரபு உள்ளிட்ட முக்கிய திரைத்துறையினர் பலர் இதில் கலந்து கொண்டனர். 'கமல் 60' என்ற பெயரில் நேற்று இந்த நிகழ்ச்சி நடந்தது.
கமல்ஹாசன்
இந்த விழாவில் கமல்ஹாசன் குறித்து பேசிய ரஜினிகாந்த், கமல்ஹாசனை போல அறிவுஜீவியை சினிமா உலகில் நான் பார்த்தது கிடையாது. அவர்கள் மக்களுக்கான கலைஞன். தமிழ் சினிமா உலகில் மிக முக்கியமான திறமைசாலி அவர்.
நட்பு
நானும் கமலும் மிகவும் நெருக்கம். எங்கள் நட்பை யாராலும் உடைக்க முடியாது. என்ன நடந்தாலும் நாங்கள் ஒற்றுமையாக இருப்போம் . வேறு துறைக்கு சென்றாலும் எங்கள் நட்பு நீடிக்கும். அரசியல், சித்தாந்தம், கொள்கை வேறாக இருந்தாலும் நட்பு எப்போதும் நீடிக்கும்.
பயன்பாடு
கமல்ஹாசனை நாம் பயன்படுத்த வேண்டும். கமல் பேசுவது புரியவில்லையென சிலர் கூறுகிறார்கள். நான் அப்படி சொல்ல மாட்டேன். தூங்குபவர்களை எழுப்ப முடியும், தூங்குவது போல் நடிப்பவர்களை எழுப்ப முடியாது. கமல் பேசுவது நன்றாகவே புரிகிறது.
எனக்கு புரியும்
கமல் பேசுவது எனக்கு புரியும்போது மக்களுக்குப் புரியாமல் இருக்குமா? ஏன் அவரை அப்படி விமர்சனம் செய்கிறார்கள் என்று தெரியவில்லை . கமல்ஹாசனின் எதிர்கால பயணம் சிறப்பாக அமைய எப்போதும் என்னுடைய வாழ்த்துக்கள், என்று நடிகர் ரஜினிகாந்த் தெரிவித்துள்ளார்.
Click it and Unblock the Notifications
Sign in with Google