இரவோடு இரவாக ட்விஸ்ட்.. திமுக, அதிமுகவுக்கு 3ம் சக்தி செக்? முதல்வர் நாற்காலியில் அமரப்போவது இவரா?

Updated: Wednesday, March 18, 2026, 13:28 [IST]

Subscribe to Oneindia Tamil

சென்னை: தமிழகத்தின் அரசியல் களம் இப்போது ஒரு பெரும் பரபரப்பாக மாறியிருக்கிறது. காலம் காலமாக திமுக மற்றும் அதிமுக என 2 துருவங்களை மட்டுமே பார்த்து பழகிய தமிழக மக்களுக்கு, இந்த முறை 4 முனைப் போட்டி என்பது ஒரு புதுவிதமான அனுபவமாக இருக்கிறது. முன்னெப்போதும் இல்லாத வகையில் களம் சூடுபிடித்துள்ள இந்த சூழலில், யார் இந்த தேர்தலில் ஜெயிக்க போகிறார்கள் என்ற கேள்விதான் இன்று பட்டிதொட்டியெங்கும் எதிரொலித்துக் கொண்டிருக்கிறது..

முதலில், ஆளுங்கட்சியான திமுகவை எடுத்து கொண்டால், முதலமைச்சர் ஸ்டாலின் தலைமையில் கடந்த 5 ஆண்டு காலத்தில் செய்த மக்கள் நலத்திட்டங்களை முன்வைத்து வாக்கு கேட்க துவங்கியிருக்கிறார்கள்.

DMK AIADMK Stalin Edappadi Palaniswami TVK Vijay Tamil Nadu Assembly Election 2026 TN election special 2026

திமுக - சொன்னதை செய்தோம்

"சொன்னதைச் செய்தோம்" என்ற முழக்கத்தோடு அவர்கள் களம் இறங்கினாலும், ஆளுங்கட்சி மீதான இயல்பான அதிருப்தி அலை, ஒரு பெரிய சவாலாகவே அவர்களுக்கு இருக்கிறது. குறிப்பாக, விலைவாசி உயர்வு மற்றும் சில நிர்வாக ரீதியான புகார்களை எதிர்க்கட்சிகள் கையில் எடுத்துள்ளன. இருந்தாலும் காங்கிரஸ், கம்யூனிஸ்ட்கள், விசிக என ஒரு வலுவான கூட்டணிக் கோட்டை அவர்களுக்குப் பாதுகாப்பாக இருக்கிறது..

இதற்கு நேர் எதிராக, எடப்பாடி பழனிசாமி தலைமையிலான அதிமுக ஒரு மெகா கூட்டணியை அமைத்துள்ளது. பாஜக, பாமக ஆகிய கட்சிகளுடன் கைகோர்த்திருப்பது களத்தில் ஒரு பெரும் அதிர்வலையை ஏற்படுத்தியுள்ளது.

அதிமுக - எடப்பாடி பழனிசாமி

குறிப்பாக, கொங்கு மண்டலத்திலும் வட தமிழகத்திலும் இந்தத் தொகுதி பங்கீடு ஒரு வலுவான தாக்கத்தை ஏற்படுத்தும் என்று கணிக்கப்படுகிறது. எதிர்க்கட்சி வாக்குகளை சிதறவிடாமல் ஒரு குடையின் கீழ் கொண்டு வருவதுதான் இவர்களின் முதன்மை திட்டம். இது திமுகவின் வாக்கு வங்கியில் ஒரு பெரிய ஓட்டையைப் போடும் என்று அவர்கள் நம்புகிறார்கள்..

இந்த இரு பெரும் துருவங்களுக்கு நடுவே, வழக்கம்போல் சீமான் களமிறங்குகிறார்.. சீமான் கடந்த கால தேர்தல்களில் தனது தனித்துவமான பேச்சாற்றல் மூலம் இளைஞர்களிடையே ஒரு நிலையான ஆதரவை பெற்றுள்ளார். எந்த கூட்டணியும் இல்லாமல் அவர் தனித்துப் போட்டியிடுவது மற்ற கட்சிகளுக்கு பெரும் தலைவலியாக அமைந்துள்ளது.

சீமான் - நாம் தமிழர் கட்சி

சீமான் காரைக்குடி தொகுதியில் போட்டியிடுகிறார்.. இவர்களின் இந்தத் தனித்துவமான அரசியல், பாரம்பரிய வாக்கு வங்கிகளை பெரிதும் பாதிக்கும் என்று எதிர்பார்க்கப்படுகிறது..

அதேபோல் நடிகர் விஜய்யின் தமிழக வெற்றிக் கழகம் புதிதாக களமிறங்கி, மேற்கண்ட 3 கட்சிகளுக்குமே கலக்கத்தை தந்து வருகிறது.. தனது ரசிகர் பட்டாளத்தை ஒரு மக்கள் இயக்கமாக மாற்றி இளைஞர்களின் வாக்குகளைக் கவரும் முயற்சியில் தீவிரமாக இறங்கியுள்ளார் விஜய்.. இவர்கள் இருவரும் யாருடைய வாக்குகளை பிரிப்பார்கள் என்பதில் தான் இந்தத் தேர்தலின் சூட்சுமமே ஒளிந்திருக்கிறது..

தவெக - விஜய்

விஜய் சென்னையில் உள்ள பெரம்பூர் தொகுதியில் போட்டியிடப்போவதாக வரும் தகவல்கள், அந்தத தொகுதியையே ஒரு விஐபி தொகுதியாக மாற்றியுள்ளது.. இளைஞர்கள் மற்றும் பெண்களின் வாக்குகளை விஜய் அதிகளவில் ஈர்ப்பார் என்று கணிக்கப்படுவதால், இது மற்ற கட்சிகளுக்குப் பெரும் தலைவலியாக மாறியுள்ளது

இப்படி 4 முனைப்போட்டி என்பது, ஜனநாயகத்தின் ஒரு புதிய பரிணாம வளர்ச்சியாகவே பார்க்கப்படுகிறது. வாக்குகளை பிரிப்பதன் மூலம் ஒரு கட்சிக்கு லாபமும், மற்றொரு கட்சிக்கு நஷ்டமும் ஏற்படுவது இயல்புதான். ஆனால், ஒருமித்த வாக்குகளை விட, சிதறும் வாக்குகள் தான் பல நேரங்களில் ஒரு புதிய தலைமையை தீர்மானிக்கின்றன. இந்த 4 முனைப் போட்டியில், எந்த கூட்டணி மக்களின் அடிப்படை தேவைகளைச் சரியாக பேசுகிறதோ, அவர்களுக்கே மக்களின் ஆதரவு கிடைக்கும்.

அடுத்த முதல்வர் யார்

நம்முடைய தமிழக வாக்காளர்கள் எப்போதும் ஒரு தெளிவான தீர்ப்பை வழங்குவதில் கைதேர்ந்தவர்கள். இப்போதைய சூழலில் களநிலவரம் கொந்தளிப்பாக தோன்றினாலும், இறுதி நேரத்தில் மக்கள் எடுக்கும் முடிவு தமிழகத்தின் அடுத்த 5 ஆண்டுகாலப் பயணத்தைத் தீர்மானிக்கும்.

கருத்துக் கணிப்புகள் திமுக கூட்டணிக்கு சாதகமாக இருந்தாலும், அதிமுக-பாஜக-பாமக கூட்டணி மற்றும் விஜய்யின் வருகை முடிவுகளை மாற்றக்கூடும் என்று அரசியல் நிபுணர்கள் கணித்து சொல்கிறார்கள்..

ஒருவேளை யாருக்குமே பெரும்பான்மை கிடைக்காத ஒரு "தொங்கு சட்டமன்றம்" உருவானால், அது தமிழக அரசியல் வரலாற்றிலேயே ஒரு புதிய மாற்றத்திற்கு வழிவகுக்கும்.. அப்போது "யார் முதல்வர்?" என்ற கேள்விக்கு ஒரு யாரும் எதிர்பார்க்காத புதிய முகம் விடையாக அமையலாம்.. மே 4-ஆம் தேதி வாக்கு எண்ணிக்கை முடிந்த பிறகே அடுத்த முதல்வர் யார் என்பது அதிகாரப்பூர்வமாகத் தெரியும்.. பொறுத்திருந்து பார்ப்போம்..!!