வாடகை ஒப்பந்தம் பதிவு அவசியம்.. வாடகைதாரர்களால் வீட்டு ஓனர்களுக்கு வந்த குழப்பம்! ரூல்ஸ் முக்கியம்

Updated: Tuesday, January 6, 2026, 16:58 [IST]

Subscribe to Oneindia Tamil

சென்னை: தமிழ்நாட்டில் கடந்த 2017ல் வாடகை வீட்டுவசதி சட்டத்தை, தமிழக அரசு, 2017ல் நிறைவேற்றியது. வீட்டுவசதிக்காரர்களுக்கும் வீட்டுமாளிகளுக்கும் உரிமைகள் மற்றும் கடமைகள் ஆகியவற்றை ஒழுங்குபடுத்தும் நோக்கில் உருவாக்கப்பட்டதே இந்த சட்டத்தின் அம்சங்கள் என்னென்ன தெரியுமா? எப்போதுமே வீடுகளை வாடகைக்கு விடும்போது சட்டப்படி வாடகை ஒப்பந்தத்தை ஆணையத்தில் பதிவு செய்ய வேண்டும் என்று அறிவுறுத்தப்படுவது ஏன் தெரியுமா? சுருக்கமாக இங்கே பார்ப்போம்

தமிழகத்தில் வீடு, அலுவலகங்களை வாடகைக்கு விடுவோர், அதற்கான ஒப்பந்தம் மேற்கொள்வது கட்டாயமாகும்.. ஆனால், பெரும்பாலான வீட்டு உரிமையாளர்கள் இதை கடைப்பிடிப்பதில்லை...

அதனால்தான் தமிழ்நாட்டில் 2017ல் வாடகை வீட்டுவசதி சட்டத்தை, தமிழக அரசு, 2017ல் நிறைவேற்றியது. வீட்டுவசதிக்காரர்களுக்கும் வீட்டுமாளிகளுக்கும் உரிமைகள் மற்றும் கடமைகள் ஆகியவற்றை ஒழுங்குபடுத்தும் நோக்கில் உருவாக்கப்பட்டதே இந்த சட்டம்.

வாடகை வீட்டுவசதி சட்டம்

இது கடந்த கால வாடகை பிரச்சனைகளை தீர்க்கவும், வீட்டுவசதி பராமரிப்பு, வாடகை உயர்வு, ஒப்பந்த காலம், வாடகைத் தொகை வசூல், கட்டணம் தாமதம் போன்றவற்றை சட்டரீதியாக நிர்ணயிக்க உதவுகிறது.

அதன்படி வீட்டுவசதிக்காரரும் வீட்டுமாளரும் இடையே எழுத்து மூலம் உறுதி வாடகை ஒப்பந்தம் செய்யப்பட வேண்டும். ஒப்பந்தத்தில் வாடகை தொகை, ஒப்பந்த காலம், அபிவிருத்தி செலவுகள் போன்ற விவரங்கள் தெளிவாக குறிப்பிடப்பட வேண்டும். வருடந்தோறும் அதிகபட்ச உயர்வு வீட்டு வாடகைக்கு 5% வரை மட்டுமே செய்யப்படலாம் என்று சட்டம் குறிப்பிடுகிறது.

வாடகை வீடு - வாடகை வீட்டுதாரர்கள்

அதுமட்டுமல்ல, வீட்டுவசதிக்காரர் ஒப்பந்தப்படி நியமிக்கப்பட்ட தேதி வரை வாடகை செலுத்த வேண்டும்; தாமதம் ஏற்பட்டால், சட்டம் சிறிய அபராதம் விதிக்கலாம். வீட்டுமாளி இல்லாத இடம் வசதியின்றி வாடகை வீட்டை ஒதுக்க முடியாது. வீட்டுவசதிக்காரர் சட்டபூர்வமான காரணமில்லாமல் வெளியேற்றப்பட கூடாது.

வீட்டு வாடகை பிரச்சனைகளை குறைக்க, வீட்டு வாடகை உறவுகளை முறையாக ஒழுங்குபடுத்த, வீட்டுமாளிகள் மற்றும் வீட்டுவசதிக்காரர்களின் உரிமைகள் பாதுகாக்கப்பட வேண்டும் என்பதே இச்சட்டத்தின் அடிநாதமாகும்.. இந்த சட்டத்தின்மூலம் இரு தரப்பினருக்கும் சட்ட ரீதியான பாதுகாப்பும், ஒழுங்கான வாடகை சூழலும் ஏற்படுத்தப்பட்டுள்ளது. வாடகை உயர்வு, விலக்கு, மிரட்டல் போன்ற பிரச்சனைகளுக்கும் தீர்வு இதன் மூலம் வழங்கப்படுகிறது.

ஆணையத்தில் பதிவது அவசியம்

இச்சட்டத்தின் மூலம் இத்தனை நன்மைகளும் கிடைக்க வேண்டுமானால், வீட்டை வாடகைக்கு விடுவோர், அது குறித்து வாடகை வீட்டு வசதி ஆணையத்தில் பதிவு செய்ய வேண்டும். அப்போதுதான் சம்பந்தப்பட்ட வீடுகளின் உரிமையாளர், வாடகைதாரர் இடையே பிரச்சனை ஏதாவது ஏற்பட்டால், அது குறித்து வாடகை வீட்டுவசதி நீதிமன்றம் விசாரிக்க முடியும்.,.

இந்த சட்ட விதிகளுக்கு உட்பட்டு, முறையாக பதிவு செய்யாத வீடுகளில் பிரச்னை ஏற்பட்டால், அது குறித்த வழக்குகளை, இதற்கான நீதிமன்றங்கள் ஏற்பதில்லை...

ஆனால் வாடகை வீட்டுவசதி சட்டத்தில் காணப்படும் இந்த நிபந்தனையால், ஒப்பந்தம் இல்லாமல் வீட்டை வாடகைக்கு விட்டவர்கள், குடியிருப்பவரை வெளியேற்ற முடியாத நிலை ஏற்பட்டுள்ளது

வாடகைதாரர்கள்

எனவே, பதிவு செய்யாத வீட்டை முறையாக வாடகை சட்டத்துக்கு உட்படுத்த வேண்டும். அதாவது, வீட்டின் வாடகை ஒப்பந்தத்தை சட்டபூர்வமாக பதிவு செய்ய வேண்டும். இந்த பதிவு இல்லாமல், வீட்டுமாளி தனக்கான உரிமைகளை நீதிமன்றத்தில் சட்டரீதியாக விளக்க முடியாது.

அதேபோல வாடகைதாரருக்கு மிரட்டல், சட்டவிரோத அழுத்தம் போன்ற செயல்பாடுகளில் இறங்கிவிட கூடாது.. இது சட்டபூர்வமான நடவடிக்கைகளுக்கு தடையாகிவிடும்.. சட்ட நிபுணர்களை அணுகி வழிகாட்டுதல் பெற்றால், பதிவு, ஒப்பந்த கட்டமைப்பு, நீதிமன்ற மனு போன்ற அனைத்தையும் சரியான முறையில் செய்ய முடியும்.

எனவே எப்போதுமே வீடுகளை வாடகைக்கு விடும்போது சட்டப்படி வாடகை ஒப்பந்தத்தை ஆணையத்தில் பதிவு செய்ய வேண்டும். பதிவு செய்யப்பட்ட ஒப்பந்தத்தால் மட்டும் உரிமையாளருக்கு பாதுகாப்பு ஏற்படும். முன்பே பதிவு செய்யாத வீடுகளில் பிரச்சனை வந்தால், சட்ட ரீதியாக அவற்றுக்கு தீர்வு இல்லை; அதனால் முன்கூட்டியே பதிவு செய்வதே முக்கியம் என்று அறிவுறுத்துகிறார்கள் நிபுணர்கள்.