"மதுரைக்காரங்க"ன்னாலே இப்படித்தான் போல... செஞ்ச சீரைப் பாருங்க.. எப்பே.. 2 கோடிப்பே.. 2 கோடியாம்!!

மகளுக்கு 2 கோடி ரூபாய்க்கு சீர்வரிசை தந்துள்ளார் அதிமுக மாஜி எம்எல்ஏ

Updated: Saturday, November 7, 2020, 15:23 [IST]

Subscribe to Oneindia Tamil

சென்னை: ஒரு மாஜி எம்எல்ஏவுக்கு இவ்வளவு பணம் எங்கிருந்து வந்தது என்று மூக்கின் மேல்விரலை வைக்கும் ஒரு காரியத்தை செய்திருக்கிறார்! மதுரை மாவட்டம் முழுக்க இந்த பேச்சுதான் பரபரப்பாக ஓடிக் கொண்டிருக்கிறது!

Recommended Video

மதுரையில் 2 கோடி ரூபாய்க்கு சீர்வரிசை செய்த மணமகள் வீட்டார் - வைரலாகும் வீடியோ

வழக்கமாக சீர்வரிசை என்பது நமது கலாச்சாரத்தில் ஊறிபோன ஒன்று.. எவ்வளவு ஏழையாக இருந்தாலும் சரி, பணக்காரராக இருந்தாலும் சரி, எந்த நிலையில் இருந்தாலும், தாங்கள் வளர்த்த பெண்ணுக்கு கல்யாணத்தின்போது வாழ்க்கைக்குத் தேவையான எல்லா பொருட்களையும் வாங்கி தந்து, சீர்வரிசையாக அனுப்பி வைப்பது நம் பழக்கம்.

இந்த சீர்வரிசையை சேர்ப்பதற்காக எத்தனையோ ஏழை பெற்றோர் தங்கள் வாழ்நாளின் பெரும்பாலான நேரத்தையும் தொலைத்துள்ளனர்.. இப்போதும் தொலைத்தும் வருகின்றனர்.. தங்கள் மகள் போகிற வீட்டில் சந்தோஷமாக வாழ வேண்டும் என்ற ஒரே விஷயம்தான் இந்த சீர்வரிசை.

புதுக்கோட்டை

அந்த வகையில் 4ம் தேதி நாகமலை புதுக்கோட்டை பகுதியில் ஒரு கல்யாணம் நடந்தது.. அந்த வீட்டில் பெண் வீட்டார் கொடுத்த சீர்வரிசையை பார்த்து, அந்த ஊரே அசந்து போய்விட்டது.. எவ்வளவு செலவு? எவ்வளவு நகை? எவ்வளவு பொருட்கள் என்று ஒவ்வொன்றையும் வாயை பிளந்து கொண்டு பார்த்தனர்.

வீடியோ

கடந்த 2 நாட்களாக சோஷியல் மீடியாவில் இந்த சீர்வரிசை சம்பந்தமான வீடியோவும், போட்டோக்களும்தான் வைரலாகி வருகின்றன.. ஏகப்பட்ட பாத்திரங்கள் கண்ணை பளிச்சிடுகின்றன.. காரணம் அவ்வளவும் தங்கம் முதல் சில்வர் வரை ஜொலி ஜொலித்தது.. ஆடுகள் முதல் கார்கள் வரை வரிசையாக நிறுத்தப்பட்டிருந்தது வித்தியாசமாக இருந்தது.

தமிழரசு

மதுரை புறநகர் மாவட்ட அம்மா பேரவை செயலாளரும் முன்னாள் அதிமுக எம்எல்ஏவுமான தமிழரசுவின் மகள் கல்யாணம்தான் இது.. மாஜி எம்எல்ஏ தமிழரசு, தன்னுடைய மகள் கீர்த்திக்குதான் இவ்வளவு சீர்வரிசையை கொட்டி கொடுத்துள்ளார்.. கொடிமங்கலம் பகுதியை சேர்ந்த வெற்றிவேல் என்பவர்தான் மாப்பிள்ளை.. அந்த கல்யாண மண்டபமே வெறும் சீர்வரிசைகள்தான் நிறைந்து வழிந்தது.

வீடியோ வைரல்

மணமக்களை வாழ்த்த வந்தவர்கள், அந்த பொருட்களை தான் ஆச்சரியத்துடன் பார்த்து கொண்டு நின்றனர். மொத்தம் அந்த சீர்வரிசை 2 கோடி ரூபாய் இருக்குமாம்.. கல்யாணம் நடந்து 3 நாள் ஆகியும், அந்த சீர்வரிசை பொருட்களின் வீடியோதான் இணையத்தில் வைரலாகி வருகிறது.