கட்டுக்குள் வரும் கொரோனா.. இன்று 1021 பேருக்கு மட்டுமே பாதிப்பு.. ஆக்டிவ் கேஸ்களும் சரிவதால் நிம்மதி
சென்னை: தமிழ்நாட்டில் தொடர்ந்து வைரஸ் பாதிப்பு குறைந்து வரும் நிலையில், இன்று மாநிலத்தில் 1021 பேருக்கு மட்டுமே கொரோனா பாதிப்பு கண்டறியப்பட்டுள்ளது.
தமிழ்நாட்டில் கொரோனா 2ஆம் அலை கடந்த மே மாதம் ஏற்பட்டது. இதையடுத்து மாநிலம் முழுவதும் கொரோனா ஊரடங்கு அமல்படுத்தப்பட்டது. கொரோனா பாதிப்பு குறையக் குறைய ஊரடங்கிலும் கூடுதல் தளர்வுகளும் அறிவிக்கப்பட்டன.
பண்டிகை காலத்தில் வைரஸ் பாதிப்பு அதிகரிக்கும் என முதலில் அஞ்சப்பட்டது. இருப்பினும், கூடுதல் தளர்வுகள் அறிவிக்கப்பட்டுள்ள போதிலும் வைரஸ் பாகதிப்பு தொடர்ந்து கட்டுக்குள்ளேயே உள்ளது.
தினசரி கொரோனா பாதிப்பு
தமிழ்நாட்டில் கடந்த 24 மணி நேரத்தில் 1.24 லட்சம் பேருக்கு கொரோனா பரிசோதனை செய்யப்பட்டதில் 1021 பேருக்கு கொரோனா உறுதி செய்யப்பட்டுள்ளது. தமிழ்நாட்டில் இதுவரை மொத்தம் 27,01,614 பேருக்கு வைரஸ் உறுதி செய்யப்பட்டுள்ளது. மாநிலத்தில் கொரோனா பாசிட்டிவ் விகிதமும் தற்போது பாசிட்டிவ் விகிதம் 0.8%ஆக உள்ளது. அதிகபட்சமாகத் திருப்பூர், நாமக்கல், செங்கல்பட்டு ஆகிய மாவட்டத்தில் கொரோனா பாசிட்டிவ் விகிதம் 1.4%. உள்ளது. தலைநகர் சென்னையில் மாநில சராசரியைவிடக் குறைவாக 0.6%ஆக உள்ளது.
கொரோனா உயிரிழப்புகள்
கொரோனா உயிரிழப்புகளைப் பொறுத்தவரைக் கடந்த 24 மணி நேரத்தில் தனியார் மருத்துவமனைகளில் சிகிச்சை பெற்று வந்த 5 பேர், அரசு மருத்துவமனைகளில் சிகிச்சை பெற்று வந்த 9 பேர் என மொத்தம் 14 கொரோனா நோயாளிகள் உயிரிழந்துள்ளனர். அதிகபட்சமாகக் கோவையில் 3 பேரும் திருச்சி, நாகை, ஈரோடு மாவட்டங்களில் தல 2 பேரும் கொரோனாவால் உயிரிழந்துள்ளனர். இதுவரை மாநிலத்தில் 36,097 கொரோனாவால் உயிரிழந்துள்ளனர்.
ஆக்டிவ் கேஸ்கள்
புதிய கொரோனா பாதிப்புகள் குறைந்து வருவதால் ஆக்டிவ் கேஸ்களின் எண்ணிக்கையும் தொடர்ந்து குறைந்து வருகிறது. நேற்று மாநிலத்தில் 11,850ஆக இருந்த ஆக்டிவ் கேஸ்கள், இன்று 11,685ஆகக் குறைந்துள்ளது மேலும், மாநிலத்தில் கடந்த 24 மணி நேரத்தில் மட்டும் மொத்தம் 1,172 பேர் கொரோனாவில் இருந்து குணமடைந்து டிஸ்சார்ஜ் செய்யப்பட்டுள்ளனர். இதுவரை தமிழ்நாட்டில் 26,53,832 பேர் கொரோனாவில் இருந்து முற்றிலுமாக குணமடைந்துள்ளனர்
மாவட்ட வாரியாக பாதிப்பு
மாவட்ட வரியான கொரோனா பாதிப்பில் தலைநகர் சென்னையில் இன்று மொத்தம் 120 பேருக்கு கொரோனா பாதிப்பு கண்டறியப்பட்டுள்ளது. அதேபோல கோவையில் 116 பேருக்கும் செங்கல்பட்டில் 85 பேருக்கும் ஈரோட்டில் 76 பேருக்கும் கொரோனா உறுதி செய்யப்பட்டுள்ளது. சென்னை மற்றும் கோவைத் தவிரத் தமிழ்நாட்டில் வேறு எந்த மாவட்டத்திலும் வைரஸ் பாதிப்பு 100ஐ தாண்டவில்லை.
Click it and Unblock the Notifications
Sign in with Google