இனி போன் பேச மட்டுமல்ல.. உங்க போன் "நம்பருக்கே" தனியாக கட்டணமா? டிராய் மறுப்பு

Updated: Friday, June 14, 2024, 16:58 [IST]

Subscribe to Oneindia Tamil

சென்னை: இனி பேசுவதற்கு மட்டும் ரீசார்ஜ் செய்யாமல் மொபைல் எண்களை பயன்படுத்தவும் தனி கட்டணம் செலுத்தும் முறையை கொண்டு வர டிராய் திட்டமிட்டதாக வெளியான செய்திகளுக்கு டிராய் மறுப்பு தெரிவித்துள்ளது.

ஆனால் அந்த செய்திகளை தற்போது டிராய் மறுத்துள்ளது . அப்படி திட்டம் எதுவும் இல்லை. நம்பர்களுக்கு கட்டணம் வசூலிக்கும் எண்ணம் இல்லை என்று டிராய் மறுத்துள்ளது.

கடந்த ஆண்டு டிசம்பரில் நிறைவேற்றப்பட்ட புதிய தொலைத்தொடர்பு சட்டத்தின் கீழ் இந்த மாற்றங்களை செய்ய முடிவு செய்தாக கூறப்பட்டது. தற்போது போன் பேச கட்டணம் செலுத்துகிறோம். இணையம் பயன்படுத்த கட்டணம் செலுத்துகிறோம்.

இனிமேல் பொதுமக்கள் பயன்படுத்தும் மொபைல் எண்களுக்கு கட்டணம் வசூலிக்கப்படும் என்று செய்திகளில் கூறப்பட்டது. அதாவது உங்கள் நம்பருக்கு என்று தனியாக இனி கட்டணம் செலுத்த வேண்டும். மத்திய தொலைத் தொடர்பு ஒழுங்கு முறை ஆணையமான டிராய் இந்த புதிய மாற்றத்தை பரிசீலித்து வருவதாக செய்திகளில் கூறப்பட்டது.

பரிந்துரை என்ன?: உங்கள் மொபைல் மற்றும் லேண்ட்லைன் எண்களுக்கு விரைவில் பணம் செலுத்த வேண்டியிருக்கும். இந்திய தொலைத்தொடர்பு ஒழுங்குமுறை ஆணையம் (டிராய்) மொபைல் மற்றும் லேண்ட்லைன் எண்களுக்கான கட்டணத்தை அறிமுகப்படுத்த முன்மொழிந்து வருவதாக செய்திகளில் கூறப்பட்டது.

தொலைபேசி எண்கள் மதிப்புமிக்கது என்பதால் அதற்கு கட்டணம் வசூலிக்க முடிவு செய்யப்பட்டதாக செய்திகளில் கூறப்பட்டது..

ஒரு முறை கட்டணம் அல்லது வருடாந்திர கட்டணம் அல்லது பிரீமியம் எண்களுக்கு ஏலம் விடுவது போன்ற முறைகளை டிராய் ஆய்வு செய்து வருவதாக.. மொபைல் எண்களுக்கான கட்டணத்தை மொபைல் சேவையை வழங்கும் தொலைத்தொடர்பு நிறுவனகங்கள் மூலம் டிராய் வசூலிக்க உள்ளதாக கூறப்பட்டது. ஆனால் அந்த செய்திகளை தற்போது டிராய் மறுத்துள்ளது . அப்படி திட்டம் எதுவும் இல்லை. நம்பர்களுக்கு கட்டணம் வசூலிக்கும் எண்ணம் இல்லை என்று டிராய் மறுத்துள்ளது.

பல நாடுகளில் உள்ள திட்டம்: ஆஸ்திரேலியா, சிங்கப்பூர், பெல்ஜியம், பின்லாந்து, இங்கிலாந்து, லிதுவேனியா, கிரீஸ், ஹாங்காங், பல்கேரியா, குவைத், நெதர்லாந்து, சுவிட்சர்லாந்து, போலந்து, நைஜீரியா, தென்னாப்பிரிக்கா மற்றும் டென்மார்க் உள்ளிட்ட பல நாடுகள் ஏற்கனவே தொலைபேசி எண்களுக்கு கட்டணம் விதிக்கின்றன. ஆனால் இந்த முறை இந்தியாவில் கொண்டு வரப்படாது என்று டிராய் மறுத்துள்ளது.