'கில்லி சரத்', 'தளபதி விஜய்', நடிகர் ஸ்ரீநாத்.. ஐயோ அம்மா.. அரசு எப்படி நடக்கும்.. ஜாலி கற்பனை!

By Oneindia Staff

Updated: Monday, May 4, 2026, 15:43 [IST]

Subscribe to Oneindia Tamil

சென்னை: தமிழக சட்டமன்றத் தேர்தல் 2026-ன் வாக்கு எண்ணிக்கை முடிவுகள், கோலிவுட் திரைப்படங்களின் கதைகளையே விஞ்சிவிடும் அளவிற்கு ஒரு புதிய திருப்பத்தை ஏற்படுத்தியுள்ளன. பாரம்பரிய திராவிடக் கட்சிகளான திமுக மற்றும் அதிமுகவை பின்னுக்குத் தள்ளி, நடிகர் விஜய்யின் தமிழக வெற்றிக் கழகம் (TVK) 106 இடங்களில் முன்னிலை பெற்று ஆட்சியை நோக்கி நகர்ந்து கொண்டிருக்கிறது.

இதில் மிகப்பெரிய ஆச்சரியம் என்னவென்றால், தூத்துக்குடி தொகுதியில் முதல்முறையாக போட்டியிட்ட நடிகர் ஸ்ரீநாத், தாம்பரத்தில் 'கில்லி' சரத்குமார் எனத் திரைப்பட நடிகர்களும், திரைப்பட பெயர்களை அடைமொழியாகக் கொண்ட புது புது வேட்பாளர்களும் வெற்றி பெற்றுள்ளனர். இந்தச் சூழலில், இவர்கள் அனைவரும் சட்டமன்றத்திற்குள் நுழைந்து, ஆட்சி அமைத்தால் எப்படியான விசித்திரமான மற்றும் நகைச்சுவையான காட்சிகள் அரங்கேறும் என்பதை ஒரு கற்பனைப் பார்வையில் பார்ப்போம்.

சட்டமன்றத்தில் 'கில்லி' மாஸ் காட்சிகள்!

சட்டமன்றத்தின் முதல் கூட்டத்தொடர் தொடங்கும்போது, ஒரு தவெக உறுப்பினர் எழுந்து ஆக்ஷன் என்று ஆரம்பித்தால் என்ன ஆகும்?

கேள்வி நேரம்: எதிர்க்கட்சித் தலைவர் எழுந்து, "மின்சாரத் தட்டுப்பாடு எப்போது தீரும்?" என்று கேட்டால், அதற்குப் பதிலளிக்கும் அமைச்சர், "என் பேச்சை நானே கேக்க மாட்டேன்!" என்று சம்மந்தம் இன்றி பன்ச் டயலாக் பேசும் நிலை வரலாம்.

ஆளுநர் உரை: வழக்கமான பாரம்பரிய உரைகளுக்குப் பதிலாக, 'விக்ரம்' அல்லது 'கைதி' படங்களின் பின்னணி இசையுடன் (BGM) புதிய திட்டங்கள் அறிவிக்கப்படலாம். கோப்புகளில் கையெழுத்திடும் போது பேனாவை ஸ்டைலாகச் சுழற்றிப் போடுவது போன்ற காட்சிகள் அரங்கேறலாம்.

புதிய அமைச்சரவையின் விசித்திரக் கொள்கைகள்

சினிமா நடிகர்கள் மற்றும் புதுமுகங்கள் அமைச்சர்களாகப் பொறுப்பேற்றால், துறைகளின் செயல்பாடுகளே தலைகீழாக மாற வாய்ப்புள்ளது.

நிதித்துறை மற்றும் வரிவிதிப்பு: நிதியமைச்சர், "ஏழை, பணக்காரன் எல்லாரும் ஒன்னுதான்" என்று ஒரே மாதிரி சினிமா பாணியில் வரி விதித்தால் என்ன செய்வது? ஜிஎஸ்டி மற்றும் வரிக் கணக்குகளைக் கம்ப்யூட்டரில் பார்க்காமல், 'லக்கி' நம்பர்களை வைத்துப் பார்க்கும் நடைமுறை வரலாம்.
சட்டம்-ஒழுங்கு: போலீஸ் நிலையங்களில் புகார்களை வாங்காமல், "தளபதி ஆட்சி, முதல்வன் புகழேந்தி ஆட்சி மாதிரி, இங்கு தப்பு நடப்பது நடக்காதது என்று" என்று சினிமா ஹீரோ போல சப் இன்ஸ்பெக்டர் பஞ்ச் டயலாக் பேசும் நிலை வரலாம்.

எதிர்காலச் சட்டசபை எப்படி இருக்கும்?

எதிர்க்கட்சிகள் கேள்வி கேட்கும்போது, ஆளுங்கட்சி உறுப்பினர்கள் எழுந்து, "ஏய், இந்த ஏரியால நாங்கதான் கெத்து!" என்று வசனம் பேசலாம்.
கொறடா தனது கையில் 'விசில்' வைத்துக் கொண்டு சின்னத்தை வைத்துக்கொண்டு அமைதி காக்கச் சொல்ல வேண்டிய நிலை வரலாம்.

புதிய சட்டங்கள் மற்றும் மசோதாக்கள்

அனைத்து அரசு அலுவலகங்களிலும் மதிய உணவாகக் 'சுறா புட்டு' கட்டாயம் ஆக்கப்படலாம்.
அமைச்சர்கள் அனைவரும் கூட்டத்திற்கு 'ஜிகு ஜிகு ஷர்ட், கூலிங் கிளாஸ்' அணிந்து வருவது கட்டாயமாக்கப்படலாம்.

திரைத்துறை நிஜமாகுமா?

'கில்லி' சரத்குமார் மற்றும் ஸ்ரீநாத் போன்றவர்கள் சட்டமன்றத்தில் நுழைவது என்பது தமிழகத்தின் புதிய எதிர்காலத்தின் தொடக்கமாக மாறியுள்ளது. மேடைப் பேச்சுகள் மற்றும் திரைப்பட வசனங்களை நம்பி ஆட்சி செய்யாமல், புதிய தலைமுறையின் சிந்தனைகள் எவ்வாறு செயல்படப் போகிறது என்பதைப் பொறுத்திருந்துதான் பார்க்க வேண்டும்.