சீறி பாய்ந்த நெல்லை- சென்னை வந்தே பாரத் ரயில்! பிரேக் ரிப்பேரானா ரயிலை நிறுத்த தேவையில்லையாமே!

சென்னை: சென்னை- நெல்லை இடையே தொடங்கப்பட்டுள்ள வந்தே பாரத் ரயிலில் என்னென்ன சிறப்பம்சங்கள் இருக்கின்றன தெரியுமா?

நவீன வசதிகளை கொண்ட அதிவிரைவு ராஜதானி, தேஜஸ், வந்தே பாரத் என ரயில்கள் இயக்கப்பட்டு வருகின்றன. இந்த நிலையில் இந்தியாவில் இதுவரை 25 வந்தே பாரத் ரயில் சேவை இருந்து வரும் நிலையில் இன்றைய தினம் புதிதாக மேலும் 9 வந்தே பாரத் ரயில் சேவை தொடங்கப்பட்டது.

அந்த வகையில் இன்று தொடங்கப்பட்ட 9 வந்தே பாரத் ரயில்களில் மிகவும் எதிர்பார்க்கப்பட்ட நெல்லை- சென்னை வந்தே பாரத் ரயில் தொடங்கப்பட்டுவிட்டது. இதற்கான முன்பதிவுகள் நேற்று தொடங்கியது. இது சில மணி நேரங்களில் விற்றுத் தீர்ந்தது.

இந்த நிலையில் இந்த ரயிலின் சிறப்புகள் குறித்து பார்ப்போம். இந்த ரயில் 8 பெட்டியை கொண்டுள்ளது. 7 சேர்கார் பெட்டியும் ஒரே ஒரு எக்ஸிகூட்டிவ் பெட்டியும் உள்ளது. இந்த பெட்டிகள் ஒவ்வொன்றும் தலா ரூ 65 கோடியில் தயாரானது. அனைத்து கதவுகளும் தானியங்கி. ஒரு கதவு திறந்திருந்தாலும் ரயிலை இயக்கவே முடியாது.

இந்த ரயிலில் என்ஜின் மட்டுமின்றி ரயில் பெட்டிகளிலும் மோட்டார் பொருத்தப்பட்டுள்ளது. இதனால்தான் அதிவேகமாக செல்கிறது. ஒரு சக்கரம் அல்லது பிரேக் பழுதானாலும் ரயிலை நிறுத்த வேண்டிய அவசியம் இல்லை. ரெயிலின் வேகம் குறைந்து விடும். என்ஜின் பழுதாகும் என்ற பேச்சே இல்லை. சேர் காரில் ஒரு பெட்டிக்கு 78 இருக்கைகள் என மொத்தம் 508 இருக்கைகள் உள்ளன.

இதில் தண்ணீர் பாட்டில் வைக்க ஹோல்டர், செல்போன் சார்ஜர், உணவு அருந்த ஸ்டான்ட், லக்கேஜ் வைக்க போதிய இடம், அடுத்த ரயில் நிலையம் குறித்த டிஜிட்டல் அறிவிப்பு, ஒலிபெருக்கி வசதி, ரயிலில் தொழில்நுட்ப கோளாறு ஏற்பட்டால் அலாரம் அனைத்து பெட்டிகளிலும் ஒலிக்கும். மருத்துவ உதவி அல்லது அவசர காலத்திற்காக ஓட்டுநருடன் அல்லது guard வுடன் பேசும் வசதி உள்ளது.

கழிப்பறை வசதிகளை பொருத்தமட்டில் indian toilet, western toilet உள்ளன. அது போல் மாற்றுத்திறனாளிகள் பயன்படுத்தும் வகையிலும் கழிப்பறைகள் உள்ளன. கைக்குழந்தையுடன் கழிப்பறைக்கு செல்லும் பெண்களுக்கு, குழந்தைகளை பாதுகாப்பாக உட்கார வைக்கவும் இருக்கை வசதி உள்ளது. பார்வையற்றவர்களுக்காக பிரெய்லி அறிவிப்பு பலகைகளும் ஆங்காங்கே பொருத்தப்பட்டுள்ளன. இருக்கைகளில் கூட பிரெய்லி இருக்கிறது.

English summary

Do you know what are the specifications of Tirunelveli to Chennai Vande Bharat?