காங்கிரஸ் மீண்டும் எழுச்சி பெறும்.. ராஜினாமா முடிவை கைவிடுங்கள்.. ராகுலுக்கு ஷீலா தீட்சித் கோரிக்கை
Recommended Video
டெல்லி: காங்கிரஸ் கட்சித் தலைவர் பதவியை ராஜினாமா செய்யும் முடிவை ராகுல் காந்தி திரும்பப் பெற வேண்டும் என, அக்கட்சியின் மூத்த தலைவரான ஷீலா தீட்சித் வலியுறுத்தியுள்ளார்.
நடைபெற்று முடிந்த மக்களவைத் தேர்தலில் காங்கிரஸ் கட்சி 400-க்கும் அதிகமான இடங்களில் போட்டியிட்டது ஆனால் 52 இடங்களில் மட்டுமே அக்கட்சி வெற்றி பெற்றது. கடந்த முறை போல இம்முறையும் காங்கிரஸ் கட்சியால் எதிர்கட்சி அந்தஸ்து பெற முடியாமல் போனது.

இந்த படுதோல்விக்கு பொறுப்பேற்று கட்சி தலைவர் பதவி ராஜினாமா செய்யும் முடிவை ராகுல் காந்தி எடுத்திருப்பதாக தெரிகிறது அவர் தனது முடிவில் உறுதியாக இருப்பதாகவும் தகவல்கள் வெளியாகியுள்ளன. எனினும் கட்சியின் மூத்த தலைவர்கள் அவரை சமாதானம் செய்யும் முயற்சியில் தொடர்ந்து ஈடுபட்டுள்ளனர்.
ராகுல் காந்தி ராஜினாமா செய்ய கூடாது என பல்வேறு தரப்பினரும் வலியுறுத்தியுள்ளனர். இந்த பட்டியலில் திமுக தலைவர் ஸ்டாலின், நடிகர் ரஜினிகாந்த் உள்ளிட்டோரும் அடங்குவர்.
இந்நிலையில் தான் ராகுல் காந்தி தனது ராஜினாமா முடிவை, திரும்ப பெற வேண்டும் என ஷீலா தீட்சித் வேண்டுகோள் விடுத்துள்ளார். கடந்த 1977-ம் ஆண்டு காங்கிரஸ் கட்சி சரிவில் இருந்து மீண்டு, மக்களவைத் தேர்தலில் மிகப் பெரிய வெற்றியைப் பெற்றது. சுமார் 2 ஆண்டு இடைவெளிக்கு பின்னர் இந்திரா காந்தி தலைமையில் மீண்டும் ஆட்சியை கைப்பற்றிய நீண்ட காலம் ஆட்சி நடத்தியுள்ளது என அவர் நினைவு கூர்ந்துள்ளார்.
தற்போது அது போல மீண்டும் காங்கிரஸ் கட்சியால் எழுச்சி பெற முடியும் எனவே ராகுல் காந்தி தனது ராஜினாமா முடிவை திரும்பப் பெற வேண்டும் என வேண்டுகோள் விடுத்துள்ளார். ராகுல் காந்திக்கு டெல்லி மாநில காங்கிரஸ் எப்போதும் உறுதுணையாக நிற்கும்.
தற்போதைய மக்களவை தேர்தல் தோல்வியால் காங்கிரஸின் தலைவரும், கட்சியின் தொண்டர்களும் மனம் உடைந்து போக தேவை இல்லை. அடுத்து வரும் டெல்லி சட்டப்பேரவைத் தேர்தலில், காங்கிரஸ் ஆட்சியை பிடிக்கும். எனவே தொண்டர்கள் மக்களிடம் சென்று அவர்களது நம்பிக்கையை பெறும் முயற்சியில் ஈடுபட வேண்டும் என ஷீலா தீட்சித் வலியுறுத்தியுள்ளார்.
-
விடிய விடிய நடந்த பேச்சுவார்த்தை.. புதுவையில் திமுக - காங்கிரஸ் தொகுதி பங்கீட்டில் இழுபறி நீடிப்பு -
"ஜெயிக்க வேண்டிய தேர்தல் இது.." கடும் கோபத்தில் ராகுல்! நள்ளிரவை தாண்டி.. என்ன நடந்தது -
உடையும் திமுக காங்கிரஸ் கூட்டணி? தொகுதிகளை முடிவு செய்வதில் நீடிக்கும் குழப்பம்! புதுச்சேரியில் பரபர -
கேரளா தலையெழுத்தை தீர்மானிக்கும் "அந்த" சில ஆயிரம் வாக்குகள்.. கரையேறுமா காங்கிரஸ்? -
சிட்டிங் எம்எல்ஏக்களுக்கு சீட் இல்லை? காங்கிரஸில் புது பஞ்சாயத்து! அப்போ செல்வப்பெருந்தகைக்கு? -
அப்போவே வார்னிங் கொடுத்தேன்.. அமெரிக்காதான் கேட்கல! போட்டு உடைத்த கத்தாரின் எரிசக்தித்துறை அமைச்சர் -
2 கேஸ் சிலிண்டர் இருக்கா? கேஸ் கனெக்ஷனில் செய்ய வேண்டிய ஒரு மாற்றம்.. இல்லாவிட்டால் ரத்தாக வாய்ப்பு -
"தங்கம் விலை டமால்.. ரூ.12,500 வரை கூட போகலாம்.." ஆனந்த் சீனிவாசன் மெகா இன்ப செய்தி -
திமுகவை விட 2% வாக்கு அதிகம்.. 3ம் இடத்திற்கு செல்கிறது அதிமுக.. புதிய டேட்டாவுடன் வந்த ஆதவ் அர்ஜுனா -
சிறகடிக்க ஆசை: முத்து மீனா வாழ்க்கையில் நடந்த நல்ல விஷயம்.. சந்தோஷத்தில் விஜயா! ரோகிணி செய்த செயல் -
தங்கம்.. 15 ஆண்டுகளில் இல்லாத மிகப்பெரிய சரிவு! 2011 செப்டம்பர் 'கிளைமாக்ஸ்' மீண்டும் நடக்கிறதா? -
"தயவு செய்து தண்ணீரை கொடுங்க.." இந்தியாவிடம் கெஞ்சும் பாகிஸ்தான்.. பஞ்சம் மோசமாக தாக்கும் போல!












Click it and Unblock the Notifications