மாமியாருடன் ஓடிய மருமகன் ஷாக் அடங்கும் முன்பே.. உ.பி.யில் இன்னொரு அசிங்கம்! இது யாரு கூட தெரியுமா?
டெல்லி: உத்தரப் பிரதேச மாநிலம் முசாபர்நகர்ல ஒரு வினோதமான, ஆனா கொஞ்சம் அதிர்ச்சியான கேஸ் வெளிச்சத்துக்கு வந்திருக்கு. மனைவியைக் காணோம்னு பதறிப் போய் தேடிப் போன ஒரு கணவர், கடைசியில் ஒரு புது திருப்பத்தை எதிர்கொண்டிருக்கார். பாதிக்கப்பட்ட கணவரான சோனு சொல்ற கதை என்னன்னா, அவரோட மனைவி ரீட்டா, வேற யாருடனும் இல்லையாம், அவரோட சொந்த அண்ணன் மகன் மோனு கூடவே லவ் பண்ணி எஸ்கேப் ஆகிட்டாராம்! இதுல கொடுமையின் உச்சம் என்னன்னா, அவங்களோட மூணு குட்டிப் பசங்களையும் விட்டுட்டுப் போயிருக்காராம்.
நடந்தது என்ன?
இந்த சோகக் கதை ஜனசத் காவல் நிலையப் பகுதிக்கு உட்பட்ட திஸ்ஸாங் கிராமத்துல நடக்குது. இங்க குடியிருக்கும் சோனுக்கும், பக்கத்துல இருக்கிற ஒரு கிராமத்தைச் சேர்ந்த ரீட்டாவுக்கும் 2013ல அமோகமா கல்யாணம் நடந்திருக்கு. கல்யாணத்துக்கு அப்புறம் மூணு அழகான குழந்தைகளும் பிறந்து, சந்தோஷமா குடும்பம் போயிட்டு இருக்குனுதான் எல்லாரும் நினைச்சிருந்தாங்க. ஆனா, கடந்த மார்ச் 19ஆம் தேதி, கதையில் ஒரு திடீர் திருப்பம்! மனைவி ரீட்டா யார்கிட்டேயும் சொல்லாம கொள்ளாம வீட்டை விட்டு மாயமாகிப் போயிட்டாராம்!
தேடலில் கிடைத்த அதிர்ச்சி!
மனைவியைக் காணோம்னு தெரிஞ்சதும் சோனு பதறிப் போய் எல்லா இடங்களிலும் தேடிப் பார்த்திருக்கார். சொந்த பந்தம், தெரிஞ்சவங்கனு யாரையும் விடல. ஆனா, ரீட்டா பற்றிய எந்தத் துப்பும் கிடைக்கல. வழியில்லாம கடைசியில் போலீஸ் ஸ்டேஷன்ல போயி மனைவியைக் காணோம்னு ஒரு புகாரைக் கொடுத்திருக்கார். போலீஸ் வழக்கப் போல விசாரணையைத் தொடங்கினப்பதான், இந்த 'வினோத' கதையின் மெயின் ட்விஸ்ட் வெளிய வந்துச்சு!
காணாமப் போன ரீட்டா, பக்கத்து மாவட்டமான மீரட்ல இருக்கிற ஒரு கிராமத்துல தங்கியிருக்கிறதா போலீஸ் விசாரணையில் தெரிய வந்திருக்கு. யார்கூட தங்கியிருக்காங்கனு பார்த்தா... அதுதான் ஹைலைட்! அவங்களோட புருஷன் சோனுவோட சொந்த அண்ணன் மகன் மோனு கூடவே ஜாலியா குடியிருந்தாராம்! இதைக் கேட்ட சோனு அப்படியே ஆடிப் போயிட்டார்!
விருப்பம்னு சொல்லிட்டாங்க!
போலீஸ் உடனே ஆக்ஷன்ல இறங்கி, மீரட்ல இருந்த ரீட்டாவையும் மோனுவையும் கண்டுபிடிச்சு கூட்டிட்டு வந்திருக்காங்க. ஆனா அங்கதான் அடுத்த பெரிய ஷாக் காத்திருந்துச்சு! விசாரணை செஞ்சப்போ, ரீட்டா பெரிய பொண்ணுங்கிறதால, 'நான் மோனு கூடத்தான் இருப்பேன்'னு சொல்லி, போலீஸ் முன்னாடியே தன் விருப்பத்தைச் சொல்லிட்டாராம். சட்டப்படி அவங்க பெரியவங்களா இருக்கிறதால, அவங்களோட விருப்பப்படி மோனு கூடவே போக போலீஸ் அனுமதிச்சிட்டாங்க போல!
குழந்தைகளுக்காகவாவது திரும்பி வா!
மனைவியின் இந்த அதிரடி முடிவுல நிலைகுலைஞ்சு போன அந்த பாவம் புருஷன் சோனு, இப்போ முசாபர்நகர் எஸ்.எஸ்.பி ஆபீஸுக்குப் போய் தனது சோகக் கதையைச் சொல்லி உதவி கேட்டிருக்கார். மனைவி ரீட்டா போன்ல பேசி, 'என்னைப் பின் தொடராதே, மீறினா பின்விளைவுகள் ரொம்ப மோசமா இருக்கும், உயிரோட இருக்க மாட்டே'னு மிரட்டுறதா சொல்றார். இதனால் தனக்கு உயிருக்கு ஆபத்து இருக்கும்னு பயப்படுவதாகவும், குழந்தைகளுக்காகவாவது ரீட்டா வீட்டுக்குத் திரும்பி வரணும்னு அவர் கண்ணீருடன் வேண்டுகோள் விடுத்திருக்கார்.
இது பத்தாதுனு, வீட்டை விட்டுப் போகும்போது ரீட்டா 40 ஆயிரம் ரூபாய் பணம், நகை, அப்புறம் ஒரு பெண் குழந்தையையும் கூடவே கூட்டிட்டுப் போயிட்டாராம். மனைவியைத் தொடர்பு கொள்ள முயற்சி செஞ்சாலும், அவங்களோட நம்பரை ரீட்டா பிளாக் பண்ணிட்டதால பேச முடியலைனு சோனு புலம்பியிருக்கார். பாருங்கப்பா... என்னென்ன கதையெல்லாம் நடக்குதுனு! இந்த வினோத சம்பவத்துல எஸ்.எஸ்.பி என்ன நடவடிக்கை எடுப்பார்னு பொறுத்திருந்துதான் பார்க்கணும்.
உ.பி. அலிகாரில் தனக்கு திருமணம் நிச்சயிக்கப்பட்ட பெண்ணின் அம்மாவை இழுத்துக்கொண்டு ஓடிவிட்டார் ஒரு வாலிபர். இந்த பரபரப்பு அடங்கும் முன்பு இப்படி ஒரு சம்பவம் நடந்துள்ளது. அம்மா ஸ்தானத்தில் வைக்க வேண்டிய உறவுகள் இதுபோன்ற நிலைக்கு மாற காரணம் என்ன? நீங்களே சொல்லுங்கள் கமெண்ட்டில்.
Click it and Unblock the Notifications
Sign in with Google