உதவிய அமேசான் நிறுவனம்.. புல்வாமா தாக்குதலை பயங்கரவாதிகள் திட்டமிட்டது எப்படி? ஷாக் தகவல்

ஜம்மு காஷ்மீர்: 2019 புல்வாமா தாக்குதலுக்கு ஐஇடி வகை வெடிகுண்டுகள் தயாரிக்க பயங்கரவாதிகளுக்கு இ-காமர்ஸ் நிறுவனம் உதவி செய்துள்ளது. இதுபோன்ற நடவடிக்கைகள் வரும் காலத்தில் உலகம் முழுவதும் பெரும் பாதிப்பை ஏற்படுத்தலாம் என்று சட்டவிரோத பணப்புழக்கம் மற்றும் பயங்கரவாதிகளுக்கு நிதி வழங்குவதை கண்காணிக்கும் எப்ஏடிஎஃப் சார்பில் தெரிவிக்கப்பட்டுள்ளது.

ஜம்மு காஷ்மீர் மாநிலம் புல்வாமாவில் கடந்த 2019ம் ஆண்டு பிப்ரவரி 14ம் தேதி பயங்கரவாத தாக்குதல் நடத்தப்பட்டது. சிஆர்பிஎஃப் படை வீரர்கள் சென்ற வாகனத்தின் மீது காரை மோத விட்டு தற்கொலை படை தாக்குதல் நடத்தப்பட்டது. இதில் 40 சிஆர்பிஎஃப் வீரர்கள் வீரமரணமடைந்தனர்.

இந்த சம்பவம் மொத்த நாட்டையும் உலுக்கியது. இந்த தாக்குதலை திட்டமிட்டு ஜெய்ஷ் இ முகமது (ஜேஇஎம்) பயங்கரவாத அமைப்பு தான் நடத்தியது. இது பாகிஸ்தான் ஆதரவு பயங்கரவாத அமைப்பாகும்.

இந்நிலையில் தான் சட்டவிரோத பணப்புழக்கம் மற்றும் பயங்கரவாத நிதி உதவியை கண்காணிக்கும் எப்ஏடிஎப் (FATF) சார்பில் புல்வாமா தாக்குதல் தொடர்பாக திடுக்கிட வைக்கும் தகவல் தெரிவிக்கப்பட்டுள்ளது. இதுபற்றி ‛‛இந்தியாவில் கடந்த 2019ல் புல்வாமா தாக்குதல் நடத்தப்பட்டது. அதற்கு முன்பாக 2022ல் கோரக்பூர் கோவில் தாக்குதல் (ஐஎஸ்ஐஎஸ் பயங்கரவாத தாக்குதல்) நடத்தப்பட்டது.

இந்த தாக்குதல்களுக்கு இ-காமர்ஸ் நிறுவனங்கள், ஆன்லைன் கட்டண சேவைகள் தவறாக பயன்படுத்தப்படுத்தப்பட்டுள்ளது. 2019 புல்வாமா பயங்கரவாத தாக்குதலில் ஐஇடி வகை குண்டு பயன்படுத்தப்பட்டது. இதற்கு மூலப்பொருளாக இருந்த அலுமினிய பவுடர் இ-காமர்ஸ் நிறுவன தளம் அமேசான் மூலமாக பெறப்பட்டுள்ளது. இந்த தாக்குதலில் 40 சிஆர்பிஎப் வீரர்கள் இறந்தனர்.

அதேபோல் 2022 கோரக்பூர் கோவில் தாக்குதலை ஐஎஸ்ஐஎஸ் பயங்கரவாதிகள் நடத்தினர். இதற்கான பணப்பரிமாற்றத்துக்கு PayPal பயன்படுத்தப்பட்டுள்ளது. இந்த ஆன்லைன் பணப்பரிமாற்றத்துக்கான செயலி மூலம் ரூ.6.7 லட்சம் மாற்றப்பட்டுள்ளது. இதுபற்றி விசாரணை அமைப்புகள் கண்டறியாமல் இருக்க விபிஎன் சேவைகளைபயன்படுத்தி உள்ளனர். அதன்பிறகு அந்த நபரின் பேபால் சேவை நிறுத்த வைக்கப்பட்டது.

இப்படி பயங்கரவாதிகள் ஆன்லைன் வர்த்தக சேவை மற்றும் ஆன்லைன் பணப்பரிமாற்றத்தை தவறான பயன்படுத்தி வருகின்றனர். இதனை தடுக்க வேண்டும் இல்லாவிட்டால் உலகம் முழுவதும் பிரச்சனையாக மாறலாம் என வார்னிங் செய்யப்பட்டுள்ளது.

English summary

FATF's latest report reveals that terrorist groups increasingly utilise digital tools and ecommerce platforms to manage financing. Highlighted incidents from India underscore the urgent need for enhanced monitoring of these methods.