2ஆவது குழந்தை பெற்றுக் கொண்டால் ரூ 25 ஆயிரம் Incentive ! சந்திரபாபு நாயுடு தடாலடி அறிவிப்பு

அமராவதி: 2ஆவது அல்லது 3 ஆவது குழந்தை பிறப்பிற்கு ரூ 25 ஆயிரம் வழங்கப்படும் என ஆந்திர முதல்வர் சந்திரபாபு நாயுடு அறிவித்துள்ளார். குழந்தை பிறப்பு விகிதம் குறைந்து வருவதால், மாநிலச் சட்டமன்றத்தில் புதிய மக்கள் தொகை மேலாண்மைக் கொள்கையை அறிவித்தார்.

குழந்தை பிறப்பை ஊக்குவிக்கும் நிதிச் சலுகைகளை முன்மொழியும் இக்கொள்கை ஏப்ரல் 1 முதல் அமலுக்கு வருகிறது. இரண்டாவது அல்லது மூன்றாவது குழந்தை பிறப்பிற்கு ரூ 25,000, மூன்றாவது குழந்தைக்கு ஐந்து ஆண்டுகளுக்கு மாதந்தோறும் ரூ.1,000 நிதி உதவி, மற்றும் 18 வயது வரை இலவசக் கல்வி ஆகியன இதில் முக்கிய அம்சங்களாகும்.

மாநிலத்தில் மொத்த கருவுறுதல் விகிதம் 1993-ல் 3.0-ஆக இருந்தது. தற்போது 1.5-ஆக (சில இடங்களில் 1.4 எனக் குறிப்பிடப்பட்டுள்ளது) குறைந்துள்ளது. இது 2.1 என்ற சமநிலைக்கு (replacement level) கீழே உள்ளது. இதனால் எதிர்காலத்தில் இளைஞர்கள் குறைவாக இருப்பர். வேலைவாய்ப்பு, பொருளாதார வளர்ச்சி பாதிக்கப்படும்.

ஜப்பான், தென் கொரியா, இத்தாலி போன்ற நாடுகளில் வயதானவர்கள் அதிகமாகி ஏற்பட்ட சிக்கல்களைத் தவிர்க்க இது அவசியம் என சந்திரபாபு நாயுடு கூறினார். 2047-க்குள் 23% மக்கள் வயதானவர்களாக இருக்கலாம் என்று எச்சரித்தார்.

ஏப்ரல் 1, 2026 முதல் அமலுக்கு வரும் இத்திட்டத்தில் பொது மக்களின் கருத்துகளை மார்ச் இறுதி வரை கேட்டு இறுதி செய்யப்படும்.

இந்த திட்டத்தின் முக்கிய சலுகைகள்:

• இரண்டாவது அல்லது மூன்றாவது குழந்தை பிறக்கும்போது ரூ.25,000 ஒருமுறை நிதி உதவி (பிரசவ நேரத்தில் கொடுக்கப்படும்).
• மூன்றாவது குழந்தைக்கு 5 வயது வரை மாதம் ரூ.1,000 ஊட்டச்சத்து உதவி.
• மூன்றாவது குழந்தைக்கு 18 வயது வரை இலவச கல்வி (அரசு/விடுதி பள்ளிகளில்).
• மூன்றாவது குழந்தை பிறந்தால் தாய்க்கு 12 மாத விடுமுறை (ஊதியத்துடன்), தந்தைக்கு 2 மாத விடுமுறை.
• IVF சிகிச்சைக்கு மானிய விலை (பொது-தனியார் கூட்டுறவு மூலம்).
• தேவையற்ற சிசேரியன் குறைக்கும் முயற்சி, டீன் ஏஜ் கர்ப்பத்தை 8.8%-லிருந்து 3%-க்கு குறைத்தல்.
• பணியாற்றும் பெண்களுக்கான விடுதிகள், குழந்தை பராமரிப்பு மையங்கள், பிங்க் டாய்லெட், மேட்ருட்வா மையங்கள் (மகப்பேறு சிறப்பு மையங்கள்).
• ஓய்வு பெறும் அரசு ஊழியர்களுக்கு (மூன்று குழந்தைகள் உள்ளவர்களுக்கு) 15 நாட்கள் வெல்னஸ் விடுமுறை + ரூ.50,000 உடல்நல நிதி.
• 'Equal Responsibility of Parents' என்ற விழிப்புணர்வு பிரசாரம்.

இக்கொள்கை போஷணா-சிக்ஷா-சுரக்ஷா (Poshana-Shiksha-Suraksha) திட்டத்தின் கீழ் வரும். பெண்களை மையமாக வைத்து, தாய்மை, அதிகாரம், நலன், திறன் மேம்பாடு, புத்துயிர் என்ற ஐந்து தூண்களில் (Matrutva, Shakti, Naipunyam, Kshema, Sanjeevani) உருவாக்கப்பட்டுள்ளது.

தற்போது 58% குடும்பங்களில் ஒரு குழந்தை மட்டுமே உள்ளன. இதை மாற்றி, இளைஞர் சக்தியைப் பாதுகாக்கும் என எதிர்பார்க்கப்படுகிறது. ஏற்கனவே Talliki Vandanam திட்டத்தில் குழந்தை எண்ணிக்கை பொருட்படுத்தாமல் உதவி தரப்படுகிறது. இப்புதிய கொள்கை பெற்றோர்களுக்கு பெரும் ஊக்கமாக இருக்கும்.

English summary

Chandrababu Naidu has announced a financial incentive of ₹25,000 for families in Andhra Pradesh for the birth of a second or third child. The N. Chandrababu Naidu government introduced the proposal while unveiling a new population management policy in the state assembly, aiming to address the declining birth rate and encourage population growth.