அது என்ன ஏலியனா? சண்முக சுப்ரமணியன் அன்று கேட்ட ஒரு கேள்வி.. விக்ரம் லேண்டரின் புதிர் விலகியது!

நிலவில் விக்ரம் லேண்டர் விழுந்த பகுதியை தமிழர் சண்முக சுப்ரமணியன் எப்படி கண்டுபிடித்தார் என்பது குறித்த முழு விபரங்கள் வெளியாகி உள்ளது.

Updated: Tuesday, December 3, 2019, 10:50 [IST]

Subscribe to Oneindia Tamil

விக்ரம் லேண்டர்

இந்த விக்ரம் லேண்டரை கண்டுபிடிக்க நாசாவிற்கு உதவியதே சண்முக சுப்ரமணியன் என்ற தமிழர்தான். இவர் இந்த விக்ரம் லேண்டரை கண்டுபிடித்தது ஒரு சுவாரசியமான நிகழ்வு ஆகும். சண்முக சுப்ரமணியன் விக்ரம் லேண்டர் தரையிறங்கும் முன்பில் இருந்தே அது குறித்து நிறைய சுவாரசியமான டிவிட்களை செய்து இருக்கிறார்.

சந்திரயான் 2 எப்படி

டிவிட்டரில் மிகவும் ஆக்டிவாக இருக்கும் இவர், சந்திரயான் 2 குறித்து நிறைய டிவிட் செய்துள்ளார். அதன்பின் விக்ரம் லேண்டர் உடனான தொடர்பு துண்டிக்கப்பட்ட பின் அது தொடர்பாக நிறைய கேள்விகளை எழுப்பி வந்தார். அப்போதுதான் நாசா அந்த புகைப்படத்தை வெளியிட்டது.

Our @LRO_NASA mission imaged the targeted landing site of India’s Chandrayaan-2 lander, Vikram. The images were taken at dusk, and the team was not able to locate the lander. More images will be taken in October during a flyby in favorable lighting. More: https://t.co/1bMVGRKslp pic.twitter.com/kqTp3GkwuM
— NASA (@NASA) September 26, 2019

தேடி வந்தது

நாசாவின் LRO (Lunar Reconnaissance Orbiter) விண்கலம் விக்ரம் லேண்டரை தேடி வந்தது. நிலவின் தென் துருவ பகுதிக்கு மேலே இருக்கும் போது இந்த LRO (Lunar Reconnaissance Orbiter) விண்கலம் ஒரு குறிப்பிட்ட பகுதியை புகைப்படம் எடுத்து அனுப்பியது. நாசா அந்த புகைப்படத்தை இணையத்தில் வெளியிட்டது.

This does look like lander @isro @LRO_NASA @NASA
Line 3531 and Sample 22670 (Somewhere far ahead of the intended landing site) and I am able to see the legs of it? pic.twitter.com/idpn1kXcYE
— Shan (@Ramanean) September 27, 2019

புகைப்படம் காரணம்

ஆனால் நாசா, அந்த புகைபடத்தில் எங்கும் விக்ரம் லேண்டர் தென்படுவதாக தெரிவிக்கவில்லை. அப்போதுதான் அதே புகைப்படத்தை ஷேர் செய்து, இதை பார்க்க விக்ரம் லேண்டர் போல இருக்கிறது. Line 3531 மற்றும் Sample 22670 பகுதியில் தெரிகிறது. அதன் கால்கள் அங்கு இருப்பது போல தெரிகிறது என்று சண்முக சுப்ரமணியன் குறிப்பிட்டு இருந்தார்.

If this not Vikram's Lander then what is this? Is it an Alien Ob ject? (From NASA's LRO Image)@LRO_NASA @NASA @NASAJPL #Chandrayaan2Landing #Chandrayaan2 #VikramLander #vikramlanderfound pic.twitter.com/Jp3TIiNxyw
— Shan (@Ramanean) September 28, 2019

பதில் இல்லை

ஆனால் இதற்கு அப்போது நாசா பதில் அளிக்கவில்லை. இதனால் சந்தேகம் அடைந்த சண்முக சுப்ரமணியன் மீண்டும் அந்த புகைப்படத்தை வெளியிட்டு, இந்த வித்தியாசமான பொருள் விக்ரம் லேண்டர் இல்லை என்றால் அது என்ன? அது என்ன ஏலியன் பொருளா என்று கேள்வி கேட்டார்.

Is this Vikram lander? (1 km from the landing spot) Lander might have been buried in Lunar sand? @LRO_NASA @NASA @isro #Chandrayaan2 #vikramlanderfound #VikramLander pic.twitter.com/FTj9G6au9x
— Shan (@Ramanean) October 3, 2019

மீண்டும் சொன்னார்

அதன்பின் மீண்டும் தன்னுடைய கருத்தில் உறுதியாக இருந்தவர், மீண்டும் அதே புகைப்படத்தில் வட்டங்கள் போட்டு விளக்கினார். அதில் விக்ரம் லேண்டர் இறங்க வேண்டிய இடத்தில் இருந்து 1 கிமீ தூரத்தில் தள்ளி விழுந்துள்ளது என்று அவர் பாகம் காட்டி விளக்கினார்.

@NASA @LRO_NASA @isro
This might be Vikram lander's crash site (Lat:-70.8552 Lon:21.71233 ) & the ejecta that was thrown out of it might have landed over here https://t.co/8uKZv7oXQa (The one on the left side was taken on July 16th & one on the right side was from Sept 17) pic.twitter.com/WNKOUy2mg1
— Shan (@Ramanean) November 17, 2019

நாசாவிடம் கொடுத்தார்

பின் அவர் அந்த ஐடியாவை தனது புகைப்படங்கள் மூலம் நாசாவிற்கு விளக்கினார். இது தொடர்பாக தனக்கு தெரிந்த சில நாசா விஞ்ஞானிகளுக்கு அவர் மெயில் அனுப்பி இருக்கிறார்.

The #Chandrayaan2 Vikram lander has been found by our @NASAMoon mission, the Lunar Reconnaissance Orbiter. See the first mosaic of the impact site https://t.co/GA3JspCNuh pic.twitter.com/jaW5a63sAf
— NASA (@NASA) December 2, 2019

அங்குதான் இருக்கிறார்

அதன்பின் நாசா இவரின் க்ளூவை வைத்து மீண்டும் அதே புகைப்படங்களை ஆராய்ச்சி செய்துள்ளது. மீண்டும் அந்த பகுதியில் புதிய புகைப்படங்களை எடுத்து சோதனை செய்துள்ளது. கடைசியில் நிலவில் விக்ரம் லேண்டர் இருக்கும் பகுதிகள் கண்டுபிடிக்கப்பட்டது. சண்முக சுப்ரமணியன் சொன்ன இடத்தில்தான் விக்ரம் லேண்டர் விழுந்து நொறுங்கி உள்ளது.

எப்படி கண்டுபிடித்தார்

விக்ரம் லேண்டர் பயணித்த பாதை மற்றும் அது மோதுவதற்கு முன் சென்ற இடம் ஆகியவற்றை வைத்து இவர் இந்த இடத்தை கண்டுபிடித்துள்ளார். அதன் வேகத்தை வைத்து அது எங்கே சென்று இருக்கலாம். நாசாவின் புகைப்படத்தில் தெரியும் வித்தியாசமான புள்ளிகள் இதை எல்லாம் வைத்து அவர் விக்ரம் லேண்டரை கண்டுபிடித்துள்ளார்.