பணிக்கு செல்லும் பெண்கள் விகிதாச்சாரத்தில், சோமாலியாவை விட இந்தியா மோசம்!

டெல்லி: வறுமையின் பிடியில் சிக்கிய, பின்தங்கிய நாடான, சோமாலியாவைவிடவும், இந்தியாவில்தான் வேலைக்கு செல்லும் பெண்கள் சதவீதம் குறைவாக இருப்பதாக கூறுகிறது புள்ளி விவரம்.

2011ம் ஆண்டு புல்ளி விவரப்படி பணி பங்கேற்பு விகிதாச்சாரம், இந்தியாவில், 25.5 சதவீதமாக இருந்தது. அதில், கிராமப்புறங்களின் பங்களிப்பு 30 சதவீதமாகும், நகர்ப்புறங்களின் பங்களிப்பு 15.4 சதவீதமாகவும் இருந்தது.

பல காரணங்கள்

பெண்கள் குறைந்த அளவில் பணியாற்ற பொருளாதார நிபுணர்கள் பல காரணங்களை கூறுகின்றனர். மேல்படிப்புக்காக வேலையை தியாகம் செய்வது, குழந்தை வளர்ப்பு, குடும்ப நெருக்கடி போன்றவை அவற்றில் முக்கியமானவை.

நகர்ப்புறத்தில் முன்னேற்றம்

1999-2000 முதல் 2011-12க்கு இடைப்பட்ட காலத்தில், கிராமப்புறங்களில், 5 சதவீதம் அளவுக்கு பணியாற்றும் பெண்கள் சதவீதம் குறைந்துள்ளது. அதேநேரம், நகர்ப்புறங்களில் அது 20 சதவீதம் என்ற நிலையில் தொடருகிறது. ஆனால், பெண்கள் எண்ணிக்கை அடிப்படையில் இது 19 மில்லியனில் இருந்து 29 மில்லியனாக அதிகரித்துள்ளது.

நகர்மயமாதல்

பொருளாதார நிபுணர் ஆப்ரஹாம் இதுகுறித்து கூறுகையில், "இக்கால கட்டத்தில் நகர்ப்புறங்களில் பெண்கள் அதிக அளவுக்கு பணியாற்ற ஆரம்பித்துள்ளனர். இதற்கு நகர்ப்புறம் சார்ந்த பொருளாதார வளர்ச்சியே காரணம்" என்கிறார்.

கிராம பெண்கள்

கிராமப்புறங்களில் பணியாற்றும் பெண்களில் 80 விழுக்காட்டினர், விவசாய வேலைகளில்தான் ஈடுபடுகின்றனர். உற்பத்தி துறையில், 7.5 சதவீதம் பேரும், கட்டுமான துறையில், 5.2 சதவீதம் பேரும், சேவைகள் துறையில் 7 சதவீதம் பேரும் பணியாற்றுகின்றனர். இதில் பல துறைகள், குறைந்த வருவாய் ஈட்டுபவை என்பது குறிப்பிடத்தக்கது.

நகர்ப்புறங்களில் இப்படி..

நகர்ப்புறங்களில், வேலைக்கு செல்லும், 39 சதவீதம் பெண்கள் 'பிற சேவைகள்' துறையின்கீழ் வருகிறார்கள். இதில், வீட்டு வேலைகளும் அடங்கும். அடுத்தபடியாக 27 சதவீதத்துடன் உற்பத்தி துறையினர் உள்ளனர்.

சேவை துறையிலுமா..

நகர்ப்புறங்களிலும் பெண்கள் மைனாரிட்டியாகவே உள்ளனர். கால்சென்டர், கல்வித்துறை போன்ற சேவை துறைகளில், பெண்கள் அதிகம் பணியாற்றுவதை போல தெரிந்தாலும், அதிலும் ஆண்கள்தான் அவர்களைவிட அதிகமாக பணியாற்றுகிறார்களாம். இன்ஜினியரிங், ஆட்டோமொபைல் துறைகளில் நிலைமை இன்னும் மோசம். அதில் முறையே, 16 சதவீதம் மற்றும் 18 சதவீதம் அளவுக்கு மட்டுமே பெண்கள் வேலை பார்க்கின்றனர்.

இந்தியாவில் மோசம்

பிரிக்ஸ் கூட்டமைப்பு நாடுகளிலேயே, இந்தியாவில்தான் பெண்கள் வேலைக்கு செல்வது மிக குறைவாக உள்ளது. பக்ரைன், மலேசியா, அவ்வளவு ஏன் பின்தங்கிய சோமாலியாவில் கூட இந்தியாவை விட அதிகம் பெண்கள் பணியாற்றுகின்றனர். இது எண்ணிக்கை சார்ந்தது கிடையாது. எண்ணிக்கை அடிப்படையில் என்றால், மக்கள்தொகையில் பெருத்த இந்தியா, அதில் முந்திவிடும். ஆனால் ஆணுக்கு நிகரான பெண்களின் விகிதாச்சாரமே இதுவாகும். சோமாலியாவில் 37 சதவீதம் பெண்கள் பணியில் ஈடுபடுகின்றனர்.

English summary

As Women’s Day rolls in and various debates around the Indian woman unfold–such as her role, education, freedom, responsibilities and job prospects–one thing is clear: the percentage of women in India’s workforce is declining.