பிரபல மலையாள நடிகர் அகில் விஸ்வநாத் மர்ம மரணம்.. வீட்டில் இறந்து கிடந்ததால் அதிர்ச்சி!

திருவனந்தபுரம்: பிரபல மலையாள நடிகர் அகில் விஸ்வநாத் (30), அவரது வீட்டில் இன்று உயிரிழந்துள்ளார். 2019 ஆம் ஆண்டு 'சோழா' படத்திற்காக கேரள அரசின் திரைப்பட விருதை பெற்றவர் அகில் விஸ்வநாத். அவரது மறைவுக்கு, திரை பிரபலங்கள், ரசிகர்கள் இரங்கல் தெரிவித்து வருகின்றனர்.

2019 ஆம் ஆண்டு வெளியான 'சோழா' (Chola) படத்திற்கு கேரள அரசின் திரைப்பட விருது பெற்றவர் நடிகர் அகில் விஸ்வநாத் (30). இவர் 'ஓப்பரேஷன் ஜாவா' உள்ளிட்ட பல்வேறு திரைப்படங்களில் நடித்துள்ளார். மாங்காண்டி படத்தில் நடித்ததற்காக அகில், அவரது சகோதரர் அருணுடன் சேர்ந்து கேரள மாநில அரசின் சிறந்த குழந்தை நட்சத்திரத்திற்கான விருதைப் பெற்றார்.

அகில் விஸ்வநாத்தின் தந்தை விஸ்வநாத் சமீபத்தில் பைக் விபத்தில் பலத்த காயமடைந்து சிகிச்சை பெற்று வருகிறார். இந்நிலையில், அகிலின் தாயார் கீதா இன்று வேலைக்குச் செல்ல தயாராகும்போது, அகில் மயங்கிய நிலையில் கிடப்பதைப் பார்த்துள்ளார்.

இதையடுத்து அவரை, சிகிச்சைக்காக மருத்துவமனைக்கு கொண்டு சென்றனர். அவரை பரிசோதித்த மருத்துவர்கள், அவர் ஏற்கெனவே உயிரிழந்து விட்டதாக தெரிவித்தனர். அகில் விஸ்வநாத் மரணத்திற்கு என்ன காரணம் என்பது குறித்து இன்னும் அதிகாரப்பூர்வமான தகவல் இல்லை.

இருப்பினும் முதற்கட்ட தகவல்கள், அவர் உடல்நலப் பிரச்சனைகளால் மரணம் அடைந்திருக்கலாம் என்று குறிப்பிடுகின்றன. அகில் விஸ்வநாத் மரணம் குறித்து போலீசார் விசாரணை நடத்தி வருகின்றனர். அகில் விஸ்வநாத் மறைவுக்கு, திரை பிரபலங்கள், ரசிகர்கள் இரங்கல் தெரிவித்து வருகின்றனர்.

English summary

Akhil Viswanath, known for his work in Malayalam film, was found dead in Thrissur at his residence. The Kerala State Award winner's untimely demise at the age of 30 has shaken the Malayalam film industry as well as his fans.