ஈரானில் கொரோனா கோரத் தாண்டவம்.. தவிக்கும் இந்தியர்கள்.. விரைகிறது மருத்துவ டீம்! மத்திய அரசு தீவிரம்

தெஹ்ரான்: கொரோனா வைரசால் மோசமாக பாதிக்கப்பட்டுள்ளது ஈரான். அங்குள்ள இந்தியர்களுக்கு உதவுவதற்காக மருத்துவ குழுவை இந்தியா அனுப்பி வைத்துள்ளது.

ஈரானில் கொரோனா கோரத்தாண்டவம் ஆடி வருகிறது. 92 பேர் இதுவரை உயிரிழந்துள்ளனர். இதனால் அங்கேயுள்ள இந்தியர்களை மீட்க மத்திய அரசு தீவிர நடவடிக்கைகளை எடுத்து வருகிறது.

புனேவில் உள்ள தேசிய வைராலஜி இன்ஸ்டிடியூட் (என்.ஐ.வி) சேர்ந்த, ஒரு விஞ்ஞானி ஈரானுக்கு அனுப்பப்பட்டுள்ளார். மேலும், இந்திய மருத்துவ ஆராய்ச்சி கவுன்சிலின் (ஐ.சி.எம்.ஆர்) 3 பேர் கொண்ட குழு நேற்று மாலை ஈரான் அனுப்பப்பட்டனர்.

இந்தியாவை சேர்ந்த மருத்துவக் குழு இன்று ஈரானை சென்றடைய உள்ளது.

தேவைக்கேற்ப தெஹ்ரான் மற்றும் கோமில் சிக்கித் தவிக்கும் இந்திய யாத்ரீகர்கள் மற்றும் மாணவர்களை வெளியேற்றுவதற்காக மத்திய அரசு, ஈரானுடன் இணைந்து பணியாற்றும்.

தற்போது ஈரானில் 1,200 இந்தியர்கள், பெரும்பாலும் மாணவர்கள் மற்றும் யாத்ரீகர்கள் உள்ளனர். முன்னதாக, சீனாவிலிருந்து 767 இந்தியர்களை அரசு திரும்ப அழைத்து வந்தது. இரண்டு முறை விமானம் மூலம், இந்தியர்களை வெளியேற்றும் பணிகளை மேற்கொண்டது.

சீனாவிலிருந்து அழைத்துவரப்பட்டவர்கள், தனிமைப்படுத்தப்பட்டு வார்டுகளில் வைக்கப்பட்டுள்ளனர். ஈரானிலிருந்து வருவோரையும் இப்படி தனிமைப்படுத்த திட்டமிடப்பட்டுள்ளது.

Update for Indians stranded in #Iran and for their families: Our medical team for screening arrives in Iran today. Hope to establish first clinic at Qom by this evening. Screening process will start immediately thereafter. Working on logistics of return with Iranian authorities.

— Dr. S. Jaishankar (@DrSJaishankar) March 5, 2020

இதுபற்றி வெளியுறவுத்துறை அமைச்சர் ஜெய்சங்கர் டுவிட்டரில் கூறியது: ஈரானில் சிக்கித் தவிக்கும் இந்தியர்களுக்கும் அவர்களது குடும்பங்களுக்குமான ஒரு அறிவிப்பு: ஸ்கிரீனிங்கிற்கான எங்கள் மருத்துவக் குழு இன்று ஈரானுக்கு வந்து சேர்கிறது. இன்று மாலைக்குள் கோமில் முதல் கிளினிக் நிறுவப்படும் என்று நம்புகிறேன். ஸ்கிரீனிங் செயல்முறை உடனடியாக தொடங்கும்.

English summary

Update for Indians stranded in Iran and for their families: Our medical team for screening arrives in Iran today. Hope to establish first clinic at Qom by this evening. Screening process will start immediately thereafter. Working on logistics of return with Iranian authorities.