காட்டிக்கொடுத்த சாட்டிலைட்.. சிக்கிய ரயில் போட்டோ.. எங்கே இருக்கிறார் கிம் ஜோங்.. கசியும் தகவல்கள்!

வடகொரியா அதிபர் கிம் ஜோங் உன் எங்கே இருக்கிறார் என்று சந்தேகங்கள் எழுந்துள்ள நிலையில் தனியார் அமைப்பு வெளியிட்ட சாட்டிலைட் புகைப்படங்கள் ஒன்று பெரிய சர்ச்சையை ஏற்படுத்தி உள்ளது.

Published: Sunday, April 26, 2020, 11:46 [IST]

Subscribe to Oneindia Tamil

பியாங்யோங்: வடகொரியா அதிபர் கிம் ஜோங் உன் எங்கே இருக்கிறார் என்று சந்தேகங்கள் எழுந்துள்ள நிலையில் தனியார் அமைப்பு வெளியிட்ட சாட்டிலைட் புகைப்படங்கள் ஒன்று பெரிய சர்ச்சையை ஏற்படுத்தி உள்ளது.

எங்கே இருக்கிறார் என்று சந்தேகம்

இந்த நிலையில் வடகொரியாவின் இருக்கும் வோன்சோன் நகரத்தில் கிம் இருப்பதாக செய்திகள் வந்தது. அங்கு கிம் குடும்பத்திற்கு சொந்தமான ரிசார்ட் ஒன்று இருக்கிறது. கிம்மின் சொந்த வீடும் இங்குதான் இருக்கிறது. ஒருவேளை கிம் இங்கு தங்கி இருக்க வாய்ப்புள்ளது என்று கூறுகிறார்கள். இங்கு இருக்கும் ரிசார்ட் ஒன்றில் கிம் தீவிரமாக சிகிச்சை பெற்று வருகிறார் என்று கூறுகிறார்கள். ஆனால் இதை இன்னும் யாரும் உறுதி செய்யவில்லை.

புகைப்படம்

இந்த நிலையில் அதிபர் கிம் ஜோங் உன் எங்கே இருக்கிறார் என்று சந்தேகங்கள் எழுந்துள்ள நிலையில் தனியார் அமைப்பு வெளியிட்ட சாட்டிலைட் புகைப்படங்கள் ஒன்று பெரிய சர்ச்சையை ஏற்படுத்தி உள்ளது. வாஷிங்டன் மற்றும் வடகொரியாவை மையமாக கொண்டு செயல்படும் "38 நார்த்" என்ற நிறுவனம் இந்த சாட்டிலைட் புகைப்படங்களை வெளியிட்டுள்ளது. அங்கு இருக்கும் ரயில் நிலையத்தின் சாட்டிலைட் புகைப்படம் ஆகும். அங்கு இருக்கும் ரயில் ஒன்றின் புகைப்படத்தை இந்த நிறுவனம் வெளியிட்டுள்ளது.

ஏன் வைரல் ஆகிறது

ஒரு ரயில் நிலையத்தின் புகைப்படத்தில் பெரிதாக என்ன இருக்கிறது என்று கேட்கலாம். இந்த ரயில் நிலையத்தில் இருக்கும் பிளாட்பார்ம் ஒன்று அந்நாட்டு அதிபர் கிம் ஜோங்கிற்காக ஒதுக்கப்பட்டது. அதாவது கிம் ஜோங்கின் தனிப்பட்ட ரயிலை மட்டுமே இங்கு நிறுத்த முடியும். வேறு எந்த ரயிலையும் இங்கே நிறுத்த முடியாது. இந்த நிலையில் அந்த ரயில் நிலையத்தில் கிம் ஜோங்கின் தனியார் ரயில் தற்போது நிறுத்தப்பட்டு இருக்கிறது.

ரயில் எப்போது வந்தது

கடந்த 23ம் தேதி இந்த ரயில் அங்கே வந்து இருக்கிறது. இதனால் அதே தேதியில் கிம் ரயில் மூலம் இங்கே வந்து இருக்கலாம். அங்கிருந்து தனது ரிசார்டிற்கு கிம் சென்று இருக்கலாம் என்று சந்தேகம் கொள்கிறார்கள். அமெரிக்கா மற்றும் தென் கொரியாவை சேர்ந்த சில உளவு அமைப்பு தகவல்களும் இதை உறுதி படுத்தி உள்ளது. அதாவது கிம் ரயில் மூலம் இங்கே வந்து இறங்கியதாக கூறுகிறார்கள்.

கசியும் ரகசியம்

கிம்மின் தனி விமானம் அந்நாட்டு தலைநகர் பியாங்யாங்கில்தான் இன்னும் இருக்கிறது. இதனால் ரயிலில் அவர் ரகசியமாக இங்கே வந்திருக்க வாய்ய்புள்ளது என்கிறார்கள். ஆனால் வடகொரியா ஏன் இப்படி கிம் உடல் நிலை குறித்து அமைதி காக்கிறது என்று கேள்வி எழுந்துள்ளது. அமெரிக்க உளவு அமைப்பை இது பெரிய சந்தேகத்திற்கு உள்ளாக்கி உள்ளது. கிம்மிற்கு எதுவும் ஆகவில்லை என்றால் ஏன் இன்னும் வடகொரியா இது தொடர்பாக மறுப்பு தெரிவிக்கவில்லை என்றும் கேள்வி எழுந்துள்ளது.

என்ன பிரச்சனை

கிம் மிக மோசமான உடல்நிலையுடன் இருப்பதாக அமெரிக்கா செய்தி ஊடகமான சிஎன்என் செய்தி வெளியிட்டு இருந்தது. அவரின் உடல்நிலை மோசமடைந்து இருக்கிறது, இதய அறுவை ஒன்றின் காரணமாக அவரின் உடல்நிலை மிக மோசமாக உள்ளது என்று செய்தி வெளியிட்டு இருந்தது. . கிம் ஜோங் உன்னுக்கு கடந்த 12ம் தேதி இதய அறுவை சிகிச்சை செய்யப்பட்டது. அதன்பின் அவர் வெளியே எங்கும் வரவில்லை. இதனால்தான் இந்த சந்தேகம் அதிகரிக்க தொடங்கி உள்ளது.

Published On April 26, 2020