ரஜினிக்கு உபியில் இன்சல்ட்.. ஜெயிலர் படத்தின்போது பாதியில் எழுந்து சென்ற துணை முதல்வர் -யோகியும் வரல

Updated: Saturday, August 19, 2023, 19:04 [IST]

Subscribe to Oneindia Tamil

லக்னோ: ஜெயிலர் படத்தை ரஜினியுடன் சேர்ந்து பார்க்காமல் துணை முதலமைச்சர் மௌரியாவை உத்தரப்பிரதேச முதல்வர் யோகி ஆதித்யநாத், அனுப்பி வைத்த நிலையில் அவரும், படத்தை முழுமையாக பார்க்காமல் பாதியிலேயே எழுந்து சென்று உள்ளார்.

சன் பிக்சர்ஸ் தயாரிப்பில் இயக்குநர் நெல்சன் இயக்கி, ரஜினிகாந்த் நடித்த ஜெயிலர் திரைப்படம் திரையரங்குகளில் வெற்றிகரமாக ஓடிக் கொண்டிருக்கிறது. இருந்த போதும் பல்வேறு எதிர்மறையான விமர்சனங்களையும் ஜெயிலர் எதிர்கொண்டிருக்கிறது. பாட்ஷா திரைப்படத்தின் சாயலில் இருப்பதாகவும் சிலர் விமர்சித்திருந்தனர். ஆனாலும் பாக்ஸ் ஆபீஸில் வசூல் பிரமாதமாக இருப்பதாகவே செய்திகள் வெளியாகி இருக்கின்றன.

UP Deputy CM Keshav Prasad Maurya to attend Jailer screening with Rajinikanth today

ஜெயிலர் திரைப்படம் ரிலீசான போது திடீரென இமயமலை பக்கம் போய்விட்டார் நடிகர் ரஜினிகாந்த். ரிஷிகேஷ் முதல் பத்ரிநாத் வரை புனித யாத்திரை மேற்கொண்டார். ரிஷிகேஷில் தயானந்த சுவாமிகள் ஆசிரமத்தில் முகாமிட்டபடி இமயமலை யாத்திரையை ரஜினிகாந்த் மேற்கொண்டிருந்தார். பின்னர் அங்கிருந்து வட இந்திய மாநிலங்களில் சுற்றுப் பயணம் மேற்கொண்டுள்ளார் ரஜினிகாந்த்.

சத்தீஸ்கர் மாநிலம் சென்ற ரஜினிகாந்த், அம்மாநில ஆளுநரான தமிழ்நாட்டைச் சேர்ந்த சிபி ராதாகிருஷ்ணனை சந்தித்து பேசினார். தமிழ்நாடு பாஜக முன்னாள் தலைவராக இருந்தவர் சிபி ராதாகிருஷ்ணன். இமயமலை பயணத்தை முடித்த கையோடு சத்தீஸ்கருக்கு ரஜினிகாந்த் சென்றது பலரையும் திரும்பிப் பார்க்க வைத்தது.

இதன் அடுத்தகட்டமாக நேற்று திடீரென உத்தரப்பிரதேச மாநிலம் லக்னோ சென்றார் ரஜினிகாந்த். லக்னோ விமான நிலையத்தில் செய்தியாளர்களிடம் பேசிய ரஜினிகாந்த், முதல்வர் யோகி ஆதித்யநாத்துடன் சேர்ந்து ஜெயிலர் படம் பார்க்க வருகை தந்துள்ளேன் என்றார்.

இந்நிலையில் ரஜினிகாந்துடன் இணைந்து ஜெயிலர் படம் பார்க்க முதல்வர் யோகி ஆதித்யநாத் மறுத்துவிட்டதாக கூறப்படுகிறது. லக்னோவில் இன்று பிற்பகல் 1.30 மணிக்கு ஜெயிலர் படத்தின் சிறப்பு காட்சி திரையிடப்பட்டது. இந்த நிகழ்ச்சியில் முதல்வர் யோகி ஆதித்யநாத்துக்குப் பதில் உ.பி. துணை முதல்வர் கேசவ் பிரசாத் மவுரியா கலந்து கொண்டார். ஆனால், அவரும் படத்தை முழுமையாக பார்க்காமல் பாதியிலேயே எழுந்து சென்றது ரஜினிகாந்தை அதிர்ச்சியடைய வைத்து உள்ளது.