Madurai, Sivagangai, Ramanathapuram: மதுரை, சிவகங்கை, ராமநாதபுரம் மாவட்டங்களில் எவ்வளவு வாக்காளர்கள்

மதுரை: மதுரை மாவட்டத்தில் 3,80,474 வாக்காளர்கள் நீக்கப்பட்டுள்ளனர். மதுரை மாவட்டத்தில் மொத்தமாக 27,40,631 வாக்காளர்கள் இருந்தனர். எஸ்.ஐ.ஆர் பணிகளுக்குப் பிறகு இவர்களில் 3,80,474 வாக்காளர்கள் பெயர்கள் நீக்கப்பட்டுள்ளன. தற்போது மதுரை மாவட்டத்தில், 23,60,157 வாக்காளர்கள் மட்டுமே உள்ளனர். சிவகங்கை, ராமநாதபுரம் மாவட்டங்களில் தலா 1 லட்சத்துக்கும் அதிகமான வாக்காளர்கள் நீக்கப்பட்டுள்ளனர்.

தமிழகத்தில் 2026 சட்டசபை தேர்தலுக்கு இன்னும் சில மாதங்களே உள்ளன. அதற்கு முன்பாக வாக்காளர் பட்டியலில் சிறப்பு தீவிர திருத்தப்பணிகள் (எஸ்.ஐ.ஆர்) நவ.4 ல் துவங்கி டிச.14 ஆம் தேதி முடிவடைந்தது. இப்பணிகள் முடிந்து வரைவு வாக்காளர் பட்டியல் இன்று வெளியிடப்பட்டுள்ளது.

மதுரை மாவட்டத்தில் உள்ள 10 சட்டசபை தொகுதிகளில் மொத்தமாக 27,40,631 வாக்காளர்கள் இருந்தனர். எஸ்.ஐ.ஆர் பணிகளுக்குப் பிறகு இவர்களில் 3,80,474 வாக்காளர்கள் பெயர்கள் நீக்கப்பட்டுள்ளன. தற்போது மதுரை மாவட்டத்தில், 23,60,157 வாக்காளர்கள் மட்டுமே உள்ளனர். அதாவது, எஸ்.ஐ.ஆருக்கு பிறகு 13.90% வாக்காளர்கள் நீக்கம் செய்யப்பட்டுள்ளனர்.

சிவகங்கை மாவட்டத்தில் முன்பு 12,29,933 வாக்காளர்கள் இருந்த நிலையில், அவர்களில் 1,50,828 வாக்காளர்கள் நீக்கப்பட்டுள்ளனர். தற்போது, சிவகங்கை மாவட்டத்தில் 10,79,105 வாக்காளர்கள் உள்ளனர். சிவகங்கையில் 12.26% வாக்காளர்கள் நீக்கப்பட்டுள்ளனர்.

ராமநாதபுரம் மாவட்டத்தில் முன்பு 12,08,690 வாக்காளர்கள் இருந்த நிலையில், அவர்களில் 1,17,364 வாக்காளர்கள் நீக்கப்பட்டுள்ளனர். தற்போது, ராமநாதபுரம் மாவட்டத்தில் 10,91,326 வாக்காளர்கள் உள்ளனர். ராமநாதபுரம் மாவட்டத்தில் 9.71% வாக்காளர்கள் நீக்கப்பட்டுள்ளனர்.

English summary

In Madurai district, 3,80,474 voters have been removed from the electoral roll. Madurai district initially had a total of 27,40,631 voters. Following the SIR process, the names of 3,80,474 voters have been deleted. Currently, Madurai district has only 23,60,157 voters.