தவிர்க்க முடியாத காரணம்.. உத்தவ் பதவி ஏற்பு விழாவை தவிர்த்த சோனியா, ராகுல்.. வருத்தத்துடன் கடிதம்!

Updated: Thursday, November 28, 2019, 19:28 [IST]

Subscribe to Oneindia Tamil

மும்பை: மகாராஷ்டிரா முதல்வராக உத்தவ் தாக்கரே பதவி ஏற்ற விழாவில் காங்கிரஸ் இடைக்கால தலைவர் சோனியா காந்தி மற்றும் முன்னாள் தலைவர் ராகுல் காந்தி ஆகியோர் கலந்து கொள்ளவில்லை.

மகாராஷ்டிராவின் முதல்வராக இன்று சிவசேனா தலைவர் உத்தவ் தாக்கரே பதவியேற்றார். அம்மாநில ஆளுநர் பகத் சிங் கோஷ்யாரி அவருக்கு பதவி பிரமாணம் செய்து வைத்தார். இவருடன் சேர்ந்து 6 அமைச்சர்களும் மூன்று கட்சி சார்பாக பதவி ஏற்றுக்கொண்டனர்.

இந்த பதவி ஏற்பு விழாவிற்காக நேற்று சிவசேனா கட்சியின் இளம் தலைவர் ஆதித்யா தாக்கரே நாடு முழுக்க இருக்கும் மூத்த தலைவர்களை சென்று சந்தித்தார். தேசியவாத காங்கிரஸ், காங்கிரஸ், திமுக உள்ளிட்ட பல கட்சி தலைவர்களை சந்தித்து அவர் பேசினார்.

அழைப்பு

அதன்படி அவர் நேற்று காங்கிரஸ் இடைக்கால தலைவர் சோனியா காந்தி மற்றும் முன்னாள் தலைவர் ராகுல் காந்தி ஆகியோரை சந்தித்து பதவி ஏற்பு விழாவிற்கு அழைப்பு விடுத்தார். ஆனால் இன்று உத்தவ் தாக்கரே பதவி ஏற்பு விழாவில் பங்கேற்க இயலாது என்று சோனியா, ராகுல் காந்தி தெரிவித்துள்ளனர்.

இல்லை

தனிப்பட்ட காரணங்களால் விழாவில் கலந்து கொள்ள முடியவில்லை. மூன்று கட்சிகளும் மிக முக்கியமான கட்டத்தில் ஒன்றாக சேர்ந்து இருக்கிறது. இந்தியாவில் மோசமான சூழ்நிலை நிலவி வரும் சூழலில் இந்த கூட்டணி உருவாகி உள்ளது. இந்திய அரசியல் நாளுக்கு நாள் மிகவும் மோசமாகி வருகிறது.

என்ன வாழ்த்து

மக்கள், விவசாயிகள், எதிர்க்கட்சிகள் கடுமையான பாதிப்பை சந்தித்து இருக்கிறது. இப்படி ஒரு சூழலில் நாட்டின் முக்கியமான மூன்று கட்சிகள் ஒன்று சேர்ந்து இருக்கிறது. இந்த கூட்டணி நீண்ட வருடங்களுக்கு நிலைத்து இருக்கும் என்ற நம்பிக்கை எனக்கு இருக்கிறது.

மக்கள் கோரிக்கை

மகாராஷ்டிரா மக்களின் கோரிக்கை அனைத்தும் இதன் மூலம் நிறைவேற்றப்படும். மக்களின் தேவைகளை நிறைவேற்றும் வகையில் நாங்கள் இணைந்து செயல்படுவோம். இன்று பதவி ஏற்கும் உத்தவ் தாக்கரேவிற்கும், மற்ற அமைச்சர்களுக்கும் என் மனமார்ந்த வாழ்த்துக்கள் என்று கடிதத்தில் குறிப்பிட்டுள்ளார்.